൭. പഞ്ഹാവാരോ

പച്ചയചതുക്കം

൧൬൫. പരിത്തോ നഹേതു ധമ്മോ പരിത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. പരിത്തോ നഹേതു ധമ്മോ മഹഗ്ഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

മഹഗ്ഗതോ നഹേതു ധമ്മോ മഹഗ്ഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. മഹഗ്ഗതോ നഹേതു ധമ്മോ പരിത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

അപ്പമാണോ നഹേതു ധമ്മോ അപ്പമാണസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അപ്പമാണോ നഹേതു ധമ്മോ പരിത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അപ്പമാണോ നഹേതു ധമ്മോ മഹഗ്ഗതസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

പരിത്തോ നഹേതു ധമ്മോ പരിത്തസ്സ നഹേതുസ്സ ധമ്മസ്സ അധിപതിപച്ചയേന പച്ചയോ (സംഖിത്തം).

൧൬൬. ആരമ്മണേ സത്ത, അധിപതിയാ സത്ത, അനന്തരേ നവ, സമനന്തരേ നവ, സഹജാതേ ഏകാദസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ നവ…പേ… അവിഗതേ തേരസ (സംഖിത്തം).

നഹേതുയാ പന്നരസ, നആരമ്മണേ പന്നരസ (സംഖിത്തം).

ആരമ്മണപച്ചയാ നഹേതുയാ സത്ത (സംഖിത്തം).

നഹേതുപച്ചയാ ആരമ്മണേ സത്ത (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)