൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧൫. കുസലം നഹേതും ധമ്മം പടിച്ച കുസലോ നഹേതു ധമ്മോ ഉപ്പജ്ജതി ഹേതുപച്ചയാ. കുസലം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. കുസലം നഹേതും ധമ്മം പടിച്ച കുസലോ നഹേതു ച അബ്യാകതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം നഹേതും ധമ്മം പടിച്ച അകുസലോ നഹേതു ധമ്മോ ഉപ്പജ്ജതി ഹേതുപച്ചയാ. അകുസലം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. അകുസലം നഹേതും ധമ്മം പടിച്ച അകുസലോ നഹേതു ച അബ്യാകതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

അബ്യാകതം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

കുസലം നഹേതുഞ്ച അബ്യാകതം നഹേതുഞ്ച ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

അകുസലം നഹേതുഞ്ച അബ്യാകതം നഹേതുഞ്ച ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

൧൬. കുസലം നഹേതും ധമ്മം പടിച്ച കുസലോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അകുസലം നഹേതും ധമ്മം പടിച്ച അകുസലോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി ആരമ്മണപച്ചയാ (൧) (സംഖിത്തം.)

൧൭. ഹേതുയാ നവ, ആരമ്മണേ തീണി, അധിപതിയാ നവ, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ തീണി, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ നവ, വിപാകേ ഏകം, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ (സംഖിത്തം).

നഹേതുനആരമ്മണപച്ചയാദി

൧൮. അബ്യാകതം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നഹേതുപച്ചയാ. (൧)

കുസലം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

അകുസലം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

അബ്യാകതം നഹേതും ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

കുസലം നഹേതുഞ്ച അബ്യാകതം നഹേതുഞ്ച ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

അകുസലം നഹേതുഞ്ച അബ്യാകതം നഹേതുഞ്ച ധമ്മം പടിച്ച അബ്യാകതോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧) (സംഖിത്തം.)

൧൯. നഹേതുയാ ഏകം, നആരമ്മണേ പഞ്ച, നഅധിപതിയാ നവ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ സത്ത, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസാ വിത്ഥാരേതബ്ബാ.)