൧-൭. പടിച്ചവാരാദി
പച്ചയചതുക്കം
൧൫൮. പരിത്തം ഹേതും ധമ്മം പടിച്ച പരിത്തോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
മഹഗ്ഗതം ഹേതും ധമ്മം പടിച്ച മഹഗ്ഗതോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
അപ്പമാണം ഹേതും ധമ്മം പടിച്ച അപ്പമാണോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം).
നഅധിപതിയാ തീണി…പേ… നവിപ്പയുത്തേ തീണി (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)
ഹേതുആരമ്മണപച്ചയാദി
൧൫൯. പരിത്തോ ഹേതു ധമ്മോ പരിത്തസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
മഹഗ്ഗതോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അപ്പമാണോ ഹേതു ധമ്മോ അപ്പമാണസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
പരിത്തോ ഹേതു ധമ്മോ പരിത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. പരിത്തോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
മഹഗ്ഗതോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. മഹഗ്ഗതോ ഹേതു ധമ്മോ പരിത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
അപ്പമാണോ ഹേതു ധമ്മോ പരിത്തസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. അപ്പമാണോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)
൧൬൦. പരിത്തോ ഹേതു ധമ്മോ പരിത്തസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)
മഹഗ്ഗതോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. മഹഗ്ഗതോ ഹേതു ധമ്മോ പരിത്തസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൨)
അപ്പമാണോ ഹേതു ധമ്മോ അപ്പമാണസ്സ ഹേതുസ്സ ധമ്മസ്സ അധിപതിപച്ചയേന പച്ചയോ… ദ്വേ.
പരിത്തോ ഹേതു ധമ്മോ പരിത്തസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. പരിത്തോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. പരിത്തോ ഹേതു ധമ്മോ അപ്പമാണസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
മഹഗ്ഗതോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. മഹഗ്ഗതോ ഹേതു ധമ്മോ പരിത്തസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. മഹഗ്ഗതോ ഹേതു ധമ്മോ അപ്പമാണസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
അപ്പമാണോ ഹേതു ധമ്മോ അപ്പമാണസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അപ്പമാണോ ഹേതു ധമ്മോ പരിത്തസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അപ്പമാണോ ഹേതു ധമ്മോ മഹഗ്ഗതസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
പരിത്തോ ഹേതു ധമ്മോ പരിത്തസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ (സംഖിത്തം).
൧൬൧. ഹേതുയാ തീണി, ആരമ്മണേ ഛ, അധിപതിയാ പഞ്ച, അനന്തരേ നവ, സമനന്തരേ നവ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ…പേ… അവിഗതേ തീണി (സംഖിത്തം).
നഹേതുയാ നവ, നആരമ്മണേ നവ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ ഛ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)