൧-൭. പടിച്ചവാരാദി
പച്ചയചതുക്കം
ഹേതുപച്ചയോ
൧൪൬. സേക്ഖം ഹേതും ധമ്മം പടിച്ച സേക്ഖോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
അസേക്ഖം ഹേതും ധമ്മം പടിച്ച അസേക്ഖോ ഹേതു ധമ്മോ ഉപ്പജ്ജതി ഹേതുപച്ചയാ. (൧)
നേവസേക്ഖനാസേക്ഖം ഹേതും ധമ്മം പടിച്ച നേവസേക്ഖനാസേക്ഖോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൧൪൭. ഹേതുയാ തീണി, ആരമ്മണേ തീണി, അധിപതിയാ തീണി…പേ… അവിഗതേ തീണി (സംഖിത്തം).
നഅധിപതിയാ തീണി, നപുരേജാതേ തീണി, നപച്ഛാജാതേ തീണി, നആസേവനേ തീണി, നവിപാകേ ദ്വേ, നവിപ്പയുത്തേ തീണി (സംഖിത്തം).
ഹേതുപച്ചയാ നഅധിപതിയാ തീണി (സംഖിത്തം).
നഅധിപതിപച്ചയാ ഹേതുയാ തീണി (സംഖിത്തം).
(സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)
ഹേതു-ആരമ്മണപച്ചയാദി
൧൪൮. സേക്ഖോ ഹേതു ധമ്മോ സേക്ഖസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
അസേക്ഖോ ഹേതു ധമ്മോ അസേക്ഖസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
നേവസേക്ഖനാസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)
൧൪൯. സേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
അസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
നേവസേക്ഖനാസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)
൧൫൦. സേക്ഖോ ഹേതു ധമ്മോ സേക്ഖസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. സേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൨)
അസേക്ഖോ ഹേതു ധമ്മോ അസേക്ഖസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. അസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൨)
നേവസേക്ഖനാസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)
൧൫൧. സേക്ഖോ ഹേതു ധമ്മോ സേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. സേക്ഖോ ഹേതു ധമ്മോ അസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. സേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩)
അസേക്ഖോ ഹേതു ധമ്മോ അസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൨)
നേവസേക്ഖനാസേക്ഖോ ഹേതു ധമ്മോ നേവസേക്ഖനാസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. നേവസേക്ഖനാസേക്ഖോ ഹേതു ധമ്മോ സേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. നേവസേക്ഖനാസേക്ഖോ ഹേതു ധമ്മോ അസേക്ഖസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൩) (സംഖിത്തം.)
൧൫൨. ഹേതുയാ തീണി, ആരമ്മണേ തീണി, അധിപതിയാ പഞ്ച, അനന്തരേ അട്ഠ, സമനന്തരേ അട്ഠ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ അട്ഠ…പേ… അവിഗതേ തീണി (സംഖിത്തം).
നഹേതുയാ അട്ഠ, നആരമ്മണേ അട്ഠ (സംഖിത്തം).
ഹേതുപച്ചയാ നആരമ്മണേ തീണി (സംഖിത്തം).
നഹേതുപച്ചയാ ആരമ്മണേ തീണി (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)