൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧൧൮. ദസ്സനേന പഹാതബ്ബം നഹേതും ധമ്മം പടിച്ച ദസ്സനേന പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. ദസ്സനേന പഹാതബ്ബം നഹേതും ധമ്മം പടിച്ച ദസ്സനേന പഹാതബ്ബോ നഹേതു ച നേവദസ്സനേന നഭാവനായ പഹാതബ്ബോ നഹേതു ച ധമ്മാ ഉപ്പജ്ജന്തി ഹേതുപച്ചയാ… തീണി.

ഭാവനായ പഹാതബ്ബം നഹേതും ധമ്മം പടിച്ച ഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. ഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. ഭാവനായ പഹാതബ്ബം നഹേതും ധമ്മം പടിച്ച ഭാവനായ പഹാതബ്ബോ നഹേതു ച നേവദസ്സനേന നഭാവനായ പഹാതബ്ബോ നഹേതു ച ധമ്മാ ഉപ്പജ്ജന്തി ഹേതുപച്ചയാ… തീണി.

നേവദസ്സനേന നഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ദസ്സനേന പഹാതബ്ബം നഹേതുഞ്ച നേവദസ്സനേന നഭാവനായ പഹാതബ്ബം നഹേതുഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ഭാവനായ പഹാതബ്ബം നഹേതുഞ്ച നേവദസ്സനേന നഭാവനായ പഹാതബ്ബം നഹേതുഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ദസ്സനേന പഹാതബ്ബം നഹേതും ധമ്മം പടിച്ച ദസ്സനേന പഹാതബ്ബോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

ഭാവനായ പഹാതബ്ബം നഹേതും ധമ്മം പടിച്ച ഭാവനായ പഹാതബ്ബോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

നേവദസ്സനേന നഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി ആരമ്മണപച്ചയാ (സംഖിത്തം).

൧൧൯. ഹേതുയാ നവ, ആരമ്മണേ തീണി, അധിപതിയാ നവ…പേ… അവിഗതേ നവ (സംഖിത്തം).

നഹേതു-നആരമ്മണപച്ചയാ

൧൨൦. നേവദസ്സനേന നഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നഹേതുപച്ചയാ.

ദസ്സനേന പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

ഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

നേവദസ്സനേന നഭാവനായ പഹാതബ്ബം നഹേതും ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

ദസ്സനേന പഹാതബ്ബം നഹേതുഞ്ച നേവദസ്സനേന നഭാവനായ പഹാതബ്ബം നഹേതുഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧)

ഭാവനായ പഹാതബ്ബം നഹേതുഞ്ച നേവദസ്സനേന നഭാവനായ പഹാതബ്ബം നഹേതുഞ്ച ധമ്മം പടിച്ച നേവദസ്സനേന നഭാവനായ പഹാതബ്ബോ നഹേതു ധമ്മോ ഉപ്പജ്ജതി നആരമ്മണപച്ചയാ. (൧) (സംഖിത്തം.)

൧൨൧. നഹേതുയാ ഏകം, നആരമ്മണേ പഞ്ച, നഅധിപതിയാ നവ…പേ… നോവിഗതേ പഞ്ച (സംഖിത്തം).

ഹേതുപച്ചയാ നആരമ്മണേ പഞ്ച (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)