൭. പഞ്ഹാവാരോ

പച്ചയചതുക്കം

ആരമ്മണപച്ചയോ

൯൪. സവിതക്കസവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ധമ്മോ അവിതക്കവിചാരമത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ധമ്മോ അവിതക്കഅവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ച അവിതക്കവിചാരമത്തസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ… ചത്താരി.

൯൫. അവിതക്കവിചാരമത്തോ നഹേതു ധമ്മോ അവിതക്കവിചാരമത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ധമ്മോ അവിതക്കഅവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ധമ്മോ സവിതക്കസവിചാരസ്സ നഹേതുസ്സ ച അവിതക്കവിചാരമത്തസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ… ചത്താരി.

൯൬. അവിതക്കഅവിചാരോ നഹേതു ധമ്മോ അവിതക്കഅവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കഅവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കഅവിചാരോ നഹേതു ധമ്മോ അവിതക്കവിചാരമത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കഅവിചാരോ നഹേതു ധമ്മോ അവിതക്കവിചാരമത്തസ്സ നഹേതുസ്സ ച അവിതക്കഅവിചാരസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ. അവിതക്കഅവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ച അവിതക്കവിചാരമത്തസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ… പഞ്ച.

൯൭. അവിതക്കവിചാരമത്തോ നഹേതു ച അവിതക്കഅവിചാരോ നഹേതു ച ധമ്മാ സവിതക്കസവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ച അവിതക്കഅവിചാരോ നഹേതു ച ധമ്മാ അവിതക്കവിചാരമത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ച അവിതക്കഅവിചാരോ നഹേതു ച ധമ്മാ അവിതക്കഅവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. അവിതക്കവിചാരമത്തോ നഹേതു ച അവിതക്കഅവിചാരോ നഹേതു ച ധമ്മാ സവിതക്കസവിചാരസ്സ നഹേതുസ്സ ച അവിതക്കവിചാരമത്തസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ… ചത്താരി.

൯൮. സവിതക്കസവിചാരോ നഹേതു ച അവിതക്കവിചാരമത്തോ നഹേതു ച ധമ്മാ സവിതക്കസവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ച അവിതക്കവിചാരമത്തോ നഹേതു ച ധമ്മാ അവിതക്കവിചാരമത്തസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ച അവിതക്കവിചാരമത്തോ നഹേതു ച ധമ്മാ അവിതക്കഅവിചാരസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. സവിതക്കസവിചാരോ നഹേതു ച അവിതക്കവിചാരമത്തോ നഹേതു ച ധമ്മാ സവിതക്കസവിചാരസ്സ നഹേതുസ്സ ച അവിതക്കവിചാരമത്തസ്സ നഹേതുസ്സ ച ധമ്മസ്സ ആരമ്മണപച്ചയേന പച്ചയോ… ചത്താരി.

അധിപതിപച്ചയോ

൯൯. സവിതക്കസവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… സത്ത.

അവിതക്കവിചാരമത്തോ നഹേതു ധമ്മോ അവിതക്കവിചാരമത്തസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… പഞ്ച.

അവിതക്കഅവിചാരോ നഹേതു ധമ്മോ അവിതക്കഅവിചാരസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… പഞ്ച.

അവിതക്കവിചാരമത്തോ നഹേതു ച അവിതക്കഅവിചാരോ നഹേതു ച ധമ്മാ സവിതക്കസവിചാരസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

സവിതക്കസവിചാരോ നഹേതു ച അവിതക്കവിചാരമത്തോ നഹേതു ച ധമ്മാ സവിതക്കസവിചാരസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

അനന്തരപച്ചയാദി

൧൦൦. സവിതക്കസവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ അനന്തരപച്ചയേന പച്ചയോ…പേ… സമനന്തരപച്ചയേന പച്ചയോ.

സവിതക്കസവിചാരോ നഹേതു ധമ്മോ സവിതക്കസവിചാരസ്സ നഹേതുസ്സ ധമ്മസ്സ ഉപനിസ്സയപച്ചയേന പച്ചയോ (സംഖിത്തം).

൧൦൧. ആരമ്മണേ ഏകവീസ, അധിപതിയാ തേവീസ, അനന്തരേ പഞ്ചവീസ, സമനന്തരേ പഞ്ചവീസ, സഹജാതേ തിംസ, അഞ്ഞമഞ്ഞേ അട്ഠവീസ, നിസ്സയേ തിംസ, ഉപനിസ്സയേ പഞ്ചവീസ, പുരേജാതേ പഞ്ച, പച്ഛാജാതേ പഞ്ച, ആസേവനേ ഏകവീസ, കമ്മേ ഏകാദസ, വിപാകേ ഏകവീസ, ആഹാരേ ഏകാദസ…പേ… അവിഗതേ തിംസ (സംഖിത്തം).

നഹേതുയാ പഞ്ചതിംസ, നആരമ്മണേ പഞ്ചതിംസ, നഅധിപതിയാ പഞ്ചതിംസ (സംഖിത്തം).

ആരമ്മണപച്ചയാ നഹേതുയാ ഏകവീസ (സംഖിത്തം).

നഹേതുപച്ചയാ ആരമ്മണേ ഏകവീസ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)