൭. പഞ്ഹാവാരോ

പച്ചയചതുക്കം

ആരമ്മണ-അധിപതിപച്ചയാ

൭൫. സംകിലിട്ഠസംകിലേസികോ നഹേതു ധമ്മോ സംകിലിട്ഠസംകിലേസികസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… ദ്വേ.

അസംകിലിട്ഠസംകിലേസികോ നഹേതു ധമ്മോ അസംകിലിട്ഠസംകിലേസികസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… ദ്വേ.

അസംകിലിട്ഠഅസംകിലേസികോ നഹേതു ധമ്മോ അസംകിലിട്ഠഅസംകിലേസികസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ… ദ്വേ.

൭൬. സംകിലിട്ഠസംകിലേസികോ നഹേതു ധമ്മോ സംകിലിട്ഠസംകിലേസികസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി.

അസംകിലിട്ഠസംകിലേസികോ നഹേതു ധമ്മോ അസംകിലിട്ഠസംകിലേസികസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… ദ്വേ.

അസംകിലിട്ഠഅസംകിലേസികോ നഹേതു ധമ്മോ അസംകിലിട്ഠഅസംകിലേസികസ്സ നഹേതുസ്സ ധമ്മസ്സ അധിപതിപച്ചയേന പച്ചയോ… തീണി (സംഖിത്തം).

൭൭. ആരമ്മണേ ഛ, അധിപതിയാ അട്ഠ, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ തേരസ, ഉപനിസ്സയേ അട്ഠ, ആസേവനേ തീണി, കമ്മേ സത്ത, വിപാകേ ചത്താരി, ആഹാരേ സത്ത…പേ… അവിഗതേ തേരസ (സംഖിത്തം).

നഹേതുയാ ചുദ്ദസ, നആരമ്മണേ ചുദ്ദസ (സംഖിത്തം).

ആരമ്മണപച്ചയാ നഹേതുയാ ഛ (സംഖിത്തം).

നഹേതുപച്ചയാ ആരമ്മണേ ഛ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)