൭. പഞ്ഹാവാരോ

പച്ചയചതുക്കം

൫൩. ഉപാദിന്നുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

അനുപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

അനുപാദിന്നഅനുപാദാനിയോ ഹേതു ധമ്മോ അനുപാദിന്നഅനുപാദാനിയസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

൫൪. ഉപാദിന്നുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. ഉപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

അനുപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. അനുപാദിന്നുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൨)

അനുപാദിന്നഅനുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൧)

൫൫. ഉപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)

അനുപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)

അനുപാദിന്നഅനുപാദാനിയോ ഹേതു ധമ്മോ അനുപാദിന്നഅനുപാദാനിയസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. അനുപാദിന്നഅനുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧)

അനന്തര-ഉപനിസ്സയപച്ചയാ

൫൬. ഉപാദിന്നുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. (൧)

അനുപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ അനന്തരപച്ചയേന പച്ചയോ… തീണി.

അനുപാദിന്നഅനുപാദാനിയോ ഹേതു ധമ്മോ അനുപാദിന്നഅനുപാദാനിയസ്സ ഹേതുസ്സ ധമ്മസ്സ അനന്തരപച്ചയേന പച്ചയോ. അനുപാദിന്നഅനുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ അനന്തരപച്ചയേന പച്ചയോ…പേ…. (൨)

൫൭. ഉപാദിന്നുപാദാനിയോ ഹേതു ധമ്മോ ഉപാദിന്നുപാദാനിയസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. ഉപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. ഉപാദിന്നുപാദാനിയോ ഹേതു ധമ്മോ അനുപാദിന്നഅനുപാദാനിയസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ. (൩)

അനുപാദിന്നുപാദാനിയോ ഹേതു ധമ്മോ അനുപാദിന്നുപാദാനിയസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ… തീണി.

അനുപാദിന്നഅനുപാദാനിയോ ഹേതു ധമ്മോ അനുപാദിന്നഅനുപാദാനിയസ്സ ഹേതുസ്സ ധമ്മസ്സ ഉപനിസ്സയപച്ചയേന പച്ചയോ… തീണി (സംഖിത്തം).

൫൮. ഹേതുയാ തീണി, ആരമ്മണേ പഞ്ച, അധിപതിയാ ചത്താരി, അനന്തരേ ഛ, സമനന്തരേ ഛ, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ ദ്വേ, വിപാകേ ദ്വേ…പേ… അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ പഞ്ച (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

നഹേതുപദപച്ചയചതുക്കം

൫൯. ഉപാദിന്നുപാദാനിയം നഹേതും ധമ്മം പടിച്ച ഉപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം നഹേതും ധമ്മം പടിച്ച ഉപാദിന്നുപാദാനിയോ നഹേതു ച അനുപാദിന്നുപാദാനിയോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

അനുപാദിന്നുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

അനുപാദിന്നഅനുപാദാനിയം നഹേതും ധമ്മം പടിച്ച അനുപാദിന്നഅനുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. അനുപാദിന്നഅനുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. അനുപാദിന്നഅനുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ച അനുപാദിന്നഅനുപാദാനിയോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

ഉപാദിന്നുപാദാനിയം നഹേതുഞ്ച അനുപാദിന്നുപാദാനിയം നഹേതുഞ്ച ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

അനുപാദിന്നുപാദാനിയം നഹേതുഞ്ച അനുപാദിന്നഅനുപാദാനിയം നഹേതുഞ്ച ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

൬൦. ഉപാദിന്നുപാദാനിയം നഹേതും ധമ്മം പടിച്ച ഉപാദിന്നുപാദാനിയോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അനുപാദിന്നുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧)

അനുപാദിന്നഅനുപാദാനിയം നഹേതും ധമ്മം പടിച്ച അനുപാദിന്നഅനുപാദാനിയോ നഹേതു ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൬൧. ഹേതുയാ നവ, ആരമ്മണേ തീണി, അധിപതിയാ പഞ്ച, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ തീണി, നിസ്സയേ നവ, ഉപനിസ്സയേ തീണി, പുരേജാതേ തീണി, ആസേവനേ ദ്വേ, കമ്മേ നവ, വിപാകേ നവ…പേ… അവിഗതേ നവ (സംഖിത്തം).

പച്ചനീയം – നഹേതുപച്ചയോ

൬൨. ഉപാദിന്നുപാദാനിയം നഹേതും ധമ്മം പടിച്ച ഉപാദിന്നുപാദാനിയോ നഹേതു ധമ്മോ ഉപ്പജ്ജതി നഹേതുപച്ചയാ… തീണി.

അനുപാദിന്നുപാദാനിയം നഹേതും ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി നഹേതുപച്ചയാ. (൧)

ഉപാദിന്നുപാദാനിയം നഹേതുഞ്ച അനുപാദിന്നുപാദാനിയം നഹേതുഞ്ച ധമ്മം പടിച്ച അനുപാദിന്നുപാദാനിയോ നഹേതു ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൬൩. നഹേതുയാ പഞ്ച, നആരമ്മണേ ഛ (സംഖിത്തം).

ഹേതുപച്ചയാ നആരമ്മണേ ഛ (സംഖിത്തം).

നഹേതുപച്ചയാ ആരമ്മണേ ദ്വേ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)