൭. പഞ്ഹാവാരോ

പച്ചയചതുക്കം

൩൯. വിപാകോ ഹേതു ധമ്മോ വിപാകസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

വിപാകധമ്മധമ്മോ ഹേതു ധമ്മോ വിപാകധമ്മധമ്മസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

നേവവിപാകനവിപാകധമ്മധമ്മോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ ഹേതുപച്ചയേന പച്ചയോ. (൧)

൪൦. വിപാകോ ഹേതു ധമ്മോ വിപാകസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. വിപാകോ ഹേതു ധമ്മോ വിപാകധമ്മധമ്മസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. വിപാകോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

വിപാകധമ്മധമ്മോ ഹേതു ധമ്മോ വിപാകധമ്മധമ്മസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ ഹേതു ധമ്മോ വിപാകസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. വിപാകധമ്മധമ്മോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ. (൩)

നേവവിപാകനവിപാകധമ്മധമ്മോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ ആരമ്മണപച്ചയേന പച്ചയോ… തീണി.

൪൧. വിപാകോ ഹേതു ധമ്മോ വിപാകസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. വിപാകോ ഹേതു ധമ്മോ വിപാകധമ്മധമ്മസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. വിപാകോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ അധിപതിപച്ചയേന പച്ചയോ … തീണി.

വിപാകധമ്മധമ്മോ ഹേതു ധമ്മോ വിപാകധമ്മധമ്മസ്സ ഹേതുസ്സ ധമ്മസ്സ അധിപതിപച്ചയേന പച്ചയോ… ദ്വേ.

നേവവിപാകനവിപാകധമ്മധമ്മോ ഹേതു ധമ്മോ നേവവിപാകനവിപാകധമ്മധമ്മസ്സ ഹേതുസ്സ ധമ്മസ്സ അധിപതിപച്ചയേന പച്ചയോ. (൧) (സംഖിത്തം.)

൪൨. ഹേതുയാ തീണി, ആരമ്മണേ നവ, അധിപതിയാ ഛ, അനന്തരേ പഞ്ച, സമനന്തരേ പഞ്ച, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ ദ്വേ, വിപാകേ ഏകം…പേ… അവിഗതേ തീണി (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

നഹേതുപദപച്ചയചതുക്കം

൪൩. വിപാകം നഹേതും ധമ്മം പടിച്ച വിപാകോ നഹേതു ധമ്മോ ഉപ്പജ്ജതി ഹേതുപച്ചയാ. വിപാകം നഹേതും ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ. വിപാകം നഹേതും ധമ്മം പടിച്ച വിപാകോ നഹേതു ച നേവവിപാകനവിപാകധമ്മധമ്മോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

വിപാകധമ്മധമ്മം നഹേതും ധമ്മം പടിച്ച വിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മം നഹേതും ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ. വിപാകധമ്മധമ്മം നഹേതും ധമ്മം പടിച്ച വിപാകധമ്മധമ്മോ നഹേതു ച നേവവിപാകനവിപാകധമ്മധമ്മോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നേവവിപാകനവിപാകധമ്മധമ്മം നഹേതും ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

വിപാകം നഹേതുഞ്ച നേവവിപാകനവിപാകധമ്മധമ്മം നഹേതുഞ്ച ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

വിപാകധമ്മധമ്മം നഹേതുഞ്ച നേവവിപാകനവിപാകധമ്മധമ്മം നഹേതുഞ്ച ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി ഹേതുപച്ചയാ (സംഖിത്തം).

൪൪. ഹേതുയാ തേരസ, ആരമ്മണേ പഞ്ച, അധിപതിയാ നവ, അനന്തരേ പഞ്ച, സമനന്തരേ പഞ്ച, സഹജാതേ തേരസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ പഞ്ച, പുരേജാതേ തീണി, ആസേവനേ ദ്വേ, കമ്മേ തേരസ, വിപാകേ നവ, ആഹാരേ തേരസ…പേ… സമ്പയുത്തേ പഞ്ച…പേ… അവിഗതേ തേരസ (സംഖിത്തം).

നഹേതു-നആരമ്മണപച്ചയാ

൪൫. വിപാകം നഹേതും ധമ്മം പടിച്ച വിപാകോ നഹേതു ധമ്മോ ഉപ്പജ്ജതി നഹേതുപച്ചയാ… നവ.

വിപാകം നഹേതും ധമ്മം പടിച്ച നേവവിപാകനവിപാകധമ്മധമ്മോ നഹേതു ധമ്മോ ഉപ്പജ്ജതി നആരമ്മണപച്ചയാ (സംഖിത്തം).

൪൬. നഹേതുയാ നവ, നആരമ്മണേ പഞ്ച, നഅധിപതിയാ തേരസ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ തേരസ, നആസേവനേ തേരസ, നകമ്മേ ദ്വേ, നവിപാകേ പഞ്ച, നവിപ്പയുത്തേ തീണി…പേ… നോവിഗതേ പഞ്ച (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)