൧-൭. പടിച്ചവാരാദി

പച്ചയചതുക്കം

൧൮. സരണം സവിതക്കസവിചാരം ധമ്മം പടിച്ച സരണോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. (൧)

അരണം സവിതക്കസവിചാരം ധമ്മം പടിച്ച അരണോ സവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൯. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം).

൨൦. അരണം അവിതക്കവിചാരമത്തം ധമ്മം പടിച്ച അരണോ അവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ ഏകം).

൨൧. അരണം അവിതക്കഅവിചാരം ധമ്മം പടിച്ച അരണോ അവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം (സബ്ബത്ഥ ഏകം)…പേ… അവിഗതേ ഏകം (സംഖിത്തം).