൧-൭. പടിച്ചവാരാദി

പച്ചയചതുക്കം

൧൧. അരണം ഉപാദിന്നുപാദാനിയം ധമ്മം പടിച്ച അരണോ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ ഏകം).

൧൨. സരണം അനുപാദിന്നുപാദാനിയം ധമ്മം പടിച്ച സരണോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… തീണി.

അരണം അനുപാദിന്നുപാദാനിയം ധമ്മം പടിച്ച അരണോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧)

സരണം അനുപാദിന്നുപാദാനിയഞ്ച അരണം അനുപാദിന്നുപാദാനിയഞ്ച ധമ്മം പടിച്ച അരണോ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൩. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം).

൧൪. അരണം അനുപാദിന്നഅനുപാദാനിയം ധമ്മം പടിച്ച അരണോ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം. സഹജാതവാരേപി …പേ… പഞ്ഹാവാരേപി സബ്ബത്ഥ ഏകം).