൧-൭. പടിച്ചവാരാദി

പച്ചയചതുക്കം

൬൯. അരണം അനിദസ്സനസപ്പടിഘം ധമ്മം പടിച്ച അരണോ അനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, അധിപതിയാ ഏകം…പേ… അവിഗതേ ഏകം. (സംഖിത്തം.) (സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൭൦. സരണം അനിദസ്സനഅപ്പടിഘം ധമ്മം പടിച്ച സരണോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി.

അരണം അനിദസ്സനഅപ്പടിഘം ധമ്മം പടിച്ച അരണോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

സരണം അനിദസ്സനഅപ്പടിഘഞ്ച അരണം അനിദസ്സനഅപ്പടിഘഞ്ച ധമ്മം പടിച്ച അരണോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച. (സംഖിത്തം.) (സഹജാതവാരോപി…പേ… സമ്പയുത്തവാരോപി വിത്ഥാരേതബ്ബാ.)

൭൧. അരണോ അനിദസ്സനസപ്പടിഘോ ധമ്മോ അരണസ്സ അനിദസ്സനസപ്പടിഘസ്സ ധമ്മസ്സ സഹജാതപച്ചയേന പച്ചയോ… ഏകം (അഞ്ഞമഞ്ഞേ ഏകം, നിസ്സയേ ഏകം, അത്ഥിയാ ഏകം, അവിഗതേ ഏകം. സംഖിത്തം).

൭൨. സരണോ അനിദസ്സനഅപ്പടിഘോ ധമ്മോ സരണസ്സ അനിദസ്സനഅപ്പടിഘസ്സ ധമ്മസ്സ ഹേതുപച്ചയേന പച്ചയോ… തീണി. അരണോ അനിദസ്സനഅപ്പടിഘോ ധമ്മോ അരണസ്സ അനിദസ്സനഅപ്പടിഘസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൭൩. ഹേതുയാ ചത്താരി, ആരമ്മണേ ചത്താരി…പേ… അവിഗതേ സത്ത (സംഖിത്തം).

നഹേതുയാ സത്ത, നആരമ്മണേ സത്ത (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ ചത്താരി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ധമ്മാനുലോമേ ദുകതികപട്ഠാനം നിട്ഠിതം.

ധമ്മാനുലോമേ തികദുകപട്ഠാനം