൧-൭. പടിച്ചവാരാദി

പച്ചയചതുക്കം

൪൫. സരണം പരിത്താരമ്മണം ധമ്മം പടിച്ച സരണോ പരിത്താരമ്മണോ ധമ്മോ ഉപ്പജ്ജതി ഹേതുപച്ചയാ. (൧)

അരണം പരിത്താരമ്മണം ധമ്മം പടിച്ച അരണോ പരിത്താരമ്മണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ. (സംഖിത്തം.) (സഹജാതവാരോപി …പേ… പഞ്ഹാവാരോപി സബ്ബത്ഥ വിത്ഥാരേതബ്ബാ.)

൪൬. സരണം മഹഗ്ഗതാരമ്മണം ധമ്മം പടിച്ച സരണോ മഹഗ്ഗതാരമ്മണോ ധമ്മോ ഉപ്പജ്ജതി ഹേതുപച്ചയാ. (൧)

അരണം മഹഗ്ഗതാരമ്മണം ധമ്മം പടിച്ച അരണോ മഹഗ്ഗതാരമ്മണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ. (സംഖിത്തം.) (സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ.)

൪൭. അരണം അപ്പമാണാരമ്മണം ധമ്മം പടിച്ച അരണോ അപ്പമാണാരമ്മണോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം. (സംഖിത്തം.) (സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)