൧-൭. പടിച്ചവാരാദി

പച്ചയചതുക്കം

൧. സരണം സുഖായ വേദനായ സമ്പയുത്തം ധമ്മം പടിച്ച സരണോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അരണം സുഖായ വേദനായ സമ്പയുത്തം ധമ്മം പടിച്ച അരണോ സുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨. ഹേതുയാ ദ്വേ, ആരമ്മണേ ദ്വേ…പേ… കമ്മേ ദ്വേ, വിപാകേ ഏകം…പേ… അവിഗതേ ദ്വേ (സംഖിത്തം. സഹജാതവാരോപി…പേ… പഞ്ഹാവാരോപി സബ്ബത്ഥ വിത്ഥാരേതബ്ബാ).

൩. സരണം ദുക്ഖായ വേദനായ സമ്പയുത്തം ധമ്മം പടിച്ച സരണോ ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

സരണം ദുക്ഖായ വേദനായ സമ്പയുത്തം ധമ്മം പടിച്ച സരണോ ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൪. ഹേതുയാ ഏകം, ആരമ്മണേ ദ്വേ…പേ… അവിഗതേ ദ്വേ (സംഖിത്തം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം).

൫. സരണം അദുക്ഖമസുഖായ വേദനായ സമ്പയുത്തം ധമ്മം പടിച്ച സരണോ അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (൧)

അരണം അദുക്ഖമസുഖായ വേദനായ സമ്പയുത്തം ധമ്മം പടിച്ച അരണോ അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൬. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം).

സരണദുകവേദനാത്തികം നിട്ഠിതം.