൧-൭. പടിച്ചവാരാദി

പച്ചയചതുക്കം

൧൦൧. സഉത്തരം കുസലം ധമ്മം പടിച്ച സഉത്തരോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

അനുത്തരം കുസലം ധമ്മം പടിച്ച അനുത്തരോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൦൨. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. സഹജാതവാരോപി…പേ… പഞ്ഹാവാരോപി സബ്ബത്ഥ വിത്ഥാരേതബ്ബാ).

൧൦൩. സഉത്തരം അകുസലം ധമ്മം പടിച്ച സഉത്തരോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ ഏകം).

സഉത്തരം അബ്യാകതം ധമ്മം പടിച്ച സഉത്തരോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അനുത്തരം അബ്യാകതം ധമ്മം പടിച്ച അനുത്തരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി. (൩)

സഉത്തരം അബ്യാകതഞ്ച അനുത്തരം അബ്യാകതഞ്ച ധമ്മം പടിച്ച സഉത്തരോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൦൪. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം ലോകിയദുകഅബ്യാകതസദിസം).