൧-൭. പടിച്ചവാരാദി

പച്ചയചതുക്കം

൭൭. അരൂപാവചരം കുസലം ധമ്മം പടിച്ച അരൂപാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

നഅരൂപാവചരം കുസലം ധമ്മം പടിച്ച നഅരൂപാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൭൮. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം).

നഅധിപതിയാ ദ്വേ…പേ… നആസേവനേ ഏകം…പേ… നവിപ്പയുത്തേ ദ്വേ (സംഖിത്തം. സഹജാതവാരാദി വിത്ഥാരേതബ്ബോ).

൭൯. അരൂപാവചരോ കുസലോ ധമ്മോ അരൂപാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧)

നഅരൂപാവചരോ കുസലോ ധമ്മോ നഅരൂപാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൮൦. ഹേതുയാ ദ്വേ, ആരമ്മണേ തീണി, അധിപതിയാ തീണി, അനന്തരേ തീണി…പേ… സഹജാതേ ദ്വേ…പേ… ഉപനിസ്സയേ ചത്താരി, ആസേവനേ തീണി, കമ്മേ ദ്വേ…പേ… അത്ഥിയാ ദ്വേ, നത്ഥിയാ തീണി…പേ… അവിഗതേ ദ്വേ (സംഖിത്തം).

൮൧. നഅരൂപാവചരം അകുസലം ധമ്മം പടിച്ച നഅരൂപാവചരോ അകുസലോ ധമ്മോ ഉപ്പജ്ജതി ഹേതുപച്ചയാ… ഏകം (സബ്ബത്ഥ ഏകം, സംഖിത്തം).

അരൂപാവചരം അബ്യാകതം ധമ്മം പടിച്ച അരൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നഅരൂപാവചരം അബ്യാകതം ധമ്മം പടിച്ച നഅരൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അരൂപാവചരം അബ്യാകതഞ്ച നഅരൂപാവചരം അബ്യാകതഞ്ച ധമ്മം പടിച്ച നഅരൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൮൨. ഹേതുയാ പഞ്ച, ആരമ്മണേ ദ്വേ, അധിപതിയാ പഞ്ച…പേ… അവിഗതേ പഞ്ച (സംഖിത്തം).

നഹേതുയാ ഏകം, നആരമ്മണേ തീണി, നഅധിപതിയാ ദ്വേ…പേ… നപുരേജാതേ ചത്താരി, നപച്ഛാജാതേ നആസേവനേ പഞ്ച, നകമ്മേ ദ്വേ, നവിപാകേ പഞ്ച, നആഹാരേ ഏകം…പേ… നവിപ്പയുത്തേ ദ്വേ…പേ… നോവിഗതേ തീണി (സംഖിത്തം. സഹജാതവാരാദി വിത്ഥാരേതബ്ബോ).

൮൩. അരൂപാവചരോ അബ്യാകതോ ധമ്മോ അരൂപാവചരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

നഅരൂപാവചരോ അബ്യാകതോ ധമ്മോ നഅരൂപാവചരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൮൪. ഹേതുയാ ചത്താരി, ആരമ്മണേ തീണി (അരൂപാവചരമൂലേ ദ്വേ, നഅരൂപാവചരേ ഏകം), അധിപതിയാ ചത്താരി (അരൂപാവചരമൂലേ തീണി, നഅരൂപേ ഏകം), അനന്തരേ ചത്താരി…പേ… സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ തീണി, കമ്മേ ചത്താരി, വിപാകേ ദ്വേ…പേ… സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ ചത്താരി…പേ… അവിഗതേ സത്ത (സംഖിത്തം).