൧-൭. പടിച്ചവാരാദി

പച്ചയചതുക്കം

൭൧. രൂപാവചരം കുസലം ധമ്മം പടിച്ച രൂപാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

നരൂപാവചരം കുസലം ധമ്മം പടിച്ച നരൂപാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൭൨. ഹേതുയാ ദ്വേ, ആരമ്മണേ ദ്വേ (സബ്ബത്ഥ ദ്വേ, സംഖിത്തം).

നഅധിപതിയാ ദ്വേ…പേ… നപുരേജാതേ ഏകം, നആസേവനേ ഏകം…പേ… നവിപ്പയുത്തേ ഏകം (സംഖിത്തം. സഹജാതവാരാദി വിത്ഥാരേതബ്ബോ).

൭൩. രൂപാവചരോ കുസലോ ധമ്മോ രൂപാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧)

നരൂപാവചരോ കുസലോ ധമ്മോ നരൂപാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൭൪. ഹേതുയാ ദ്വേ, ആരമ്മണേ ചത്താരി, അധിപതിയാ തീണി (രൂപാവചരേ ഏകം, സഹജാതാധിപതിയേവ, നരൂപാവചരേ ദ്വേ), അനന്തരേ തീണി (രൂപാവചരേ ഏകം, നരൂപാവചരേ ദ്വേ), സമനന്തരേ തീണി, സഹജാതേ ദ്വേ…പേ… ഉപനിസ്സയേ ചത്താരി, ആസേവനേ തീണി, കമ്മേ ദ്വേ…പേ… അത്ഥിയാ ദ്വേ, നത്ഥിയാ തീണി…പേ… അവിഗതേ ദ്വേ (സംഖിത്തം).

൭൫. നരൂപാവചരം അകുസലം ധമ്മം പടിച്ച നരൂപാവചരോ അകുസലോ ധമ്മോ ഉപ്പജ്ജതി ഹേതുപച്ചയാ (സബ്ബത്ഥ ഏകം).

രൂപാവചരം അബ്യാകതം ധമ്മം പടിച്ച രൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നരൂപാവചരം അബ്യാകതം ധമ്മം പടിച്ച നരൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

രൂപാവചരം അബ്യാകതഞ്ച നരൂപാവചരം അബ്യാകതഞ്ച ധമ്മം പടിച്ച രൂപാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൭൬. ഹേതുയാ നവ, ആരമ്മണേ ചത്താരി, അധിപതിയാ പഞ്ച…പേ… പുരേജാതേ ആസേവനേ ദ്വേ…പേ… അവിഗതേ നവ (സംഖിത്തം. യഥാ കാമാവചരദുകഅബ്യാകതസദിസം, ഏത്തകായേവ പഞ്ഹാ ഹേട്ഠുപരികം പരിവത്തന്തി. സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം).