൧-൭. പടിച്ചവാരാദി

പച്ചയചതുക്കം

൬൨. കാമാവചരം കുസലം ധമ്മം പടിച്ച കാമാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

നകാമാവചരം കുസലം ധമ്മം പടിച്ച നകാമാവചരോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൬൩. ഹേതുയാ ദ്വേ, ആരമ്മണേ ദ്വേ (സബ്ബത്ഥ ദ്വേ), അവിഗതേ ദ്വേ (സംഖിത്തം).

നഅധിപതിയാ ദ്വേ…പേ… നവിപ്പയുത്തേ ദ്വേ. (സംഖിത്തം.)

(സഹജാതവാരാദി വിത്ഥാരേതബ്ബോ.)

൬൪. കാമാവചരോ കുസലോ ധമ്മോ കാമാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧)

നകാമാവചരോ കുസലോ ധമ്മോ നകാമാവചരസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൬൫. ഹേതുയാ ദ്വേ, ആരമ്മണേ ചത്താരി, അധിപതിയാ തീണി (കാമാവചരേ ഏകം, നകാമാവചരേ ദ്വേ), അനന്തരേ തീണി (കാമാവചരേ ദ്വേ, നകാമാവചരേ ഏകം)…പേ… സഹജാതേ ദ്വേ …പേ… ഉപനിസ്സയേ ചത്താരി, ആസേവനേ തീണി, കമ്മേ ദ്വേ, ആഹാരേ ദ്വേ…പേ… നത്ഥിയാ തീണി…പേ… അവിഗതേ ദ്വേ (സംഖിത്തം).

൬൬. കാമാവചരം അകുസലം ധമ്മം പടിച്ച കാമാവചരോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൬൭. കാമാവചരം അബ്യാകതം ധമ്മം പടിച്ച കാമാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നകാമാവചരം അബ്യാകതം ധമ്മം പടിച്ച നകാമാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

കാമാവചരം അബ്യാകതഞ്ച നകാമാവചരം അബ്യാകതഞ്ച ധമ്മം പടിച്ച കാമാവചരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൬൮. ഹേതുയാ നവ, ആരമ്മണേ ചത്താരി, അധിപതിയാ പഞ്ച…പേ… അഞ്ഞമഞ്ഞേ ഛ…പേ… പുരേജാതേ ദ്വേ, ആസേവനേ ദ്വേ…പേ… അവിഗതേ നവ (സംഖിത്തം).

നഹേതുയാ ഏകം, നആരമ്മണേ തീണി, നഅധിപതിയാ നവ…പേ… നകമ്മേ ദ്വേ, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി (സംഖിത്തം. സഹജാതവാരാദി വിത്ഥാരേതബ്ബോ).

൬൯. കാമാവചരോ അബ്യാകതോ ധമ്മോ കാമാവചരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. (൧)

നകാമാവചരോ അബ്യാകതോ ധമ്മോ നകാമാവചരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി (സംഖിത്തം).

൭൦. ഹേതുയാ ചത്താരി, ആരമ്മണേ ചത്താരി, അധിപതിയാ ചത്താരി (കാമാവചരേ ഏകം, നകാമാവചരേ തീണി, കാമാവചരേ സഹജാതാധിപതിയേവ), അനന്തരേ ചത്താരി, സമനന്തരേ ചത്താരി, സഹജാതേ സത്ത, അഞ്ഞമഞ്ഞേ ഛ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ തീണി, കമ്മേ ചത്താരി, വിപാകേ ചത്താരി, ആഹാരേ ചത്താരി…പേ… സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ ചത്താരി…പേ… അവിഗതേ സത്ത (സംഖിത്തം).