൧-൭. പടിച്ചവാരാദി

പച്ചയചതുക്കം

൫൭. ഉപേക്ഖാസഹഗതം കുസലം ധമ്മം പടിച്ച…പേ… ഛ (സപ്പീതികദുകസദിസം, ഉപേക്ഖാതി നാനാഉപേക്ഖാ അബ്യാകതേ. പച്ചനീയേ നഹേതുയാ നവ, നഝാനേ ഛ).

൫൮. ഉപേക്ഖാസഹഗതം അകുസലം ധമ്മം പടിച്ച ഉപേക്ഖാസഹഗതോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഛ (സബ്ബത്ഥ ഛ. സംഖിത്തം).

൫൯. ഉപേക്ഖാസഹഗതം അകുസലം ധമ്മം പടിച്ച ഉപേക്ഖാസഹഗതോ അകുസലോ ധമ്മോ ഉപ്പജ്ജതി നഹേതുപച്ചയാ. (൧)

നഉപേക്ഖാസഹഗതം അകുസലം ധമ്മം പടിച്ച ഉപേക്ഖാസഹഗതോ അകുസലോ ധമ്മോ ഉപ്പജ്ജതി നഹേതുപച്ചയാ. (൧)

ഉപേക്ഖാസഹഗതഞ്ച നഉപേക്ഖാസഹഗതഞ്ച ധമ്മം പടിച്ച ഉപേക്ഖാസഹഗതോ അകുസലോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൬൦. നഹേതുയാ തീണി, നഅധിപതിയാ ഛ…പേ… നവിപ്പയുത്തേ ഛ (സംഖിത്തം. ഏവം സബ്ബത്ഥ അകുസലം വിത്ഥാരേതബ്ബം. സപ്പീതികദുകസദിസം).

൬൧. ഉപേക്ഖാസഹഗതം അബ്യാകതം ധമ്മം പടിച്ച ഉപേക്ഖാസഹഗതോ അബ്യാകതോ ധമ്മോ ഉപ്പജ്ജതി ഹേതുപച്ചയാ നവ പഞ്ഹാ (സപ്പീതികദുകഅബ്യാകതസദിസം. പഞ്ഹാവാരേ കുസലാകുസലേ ഇന്ദ്രിയേ ഝാനേ ഛ, അബ്യാകതേ നവ).