൧-൭. പടിച്ചവാരാദി

പച്ചയചതുക്കം

൪൫. സപ്പീതികം കുസലം ധമ്മം പടിച്ച സപ്പീതികോ കുസലോ ധമ്മോ ഉപ്പജ്ജതി ഹേതുപച്ചയാ. സപ്പീതികം കുസലം ധമ്മം പടിച്ച അപ്പീതികോ കുസലോ ധമ്മോ ഉപ്പജ്ജതി ഹേതുപച്ചയാ. സപ്പീതികം കുസലം ധമ്മം പടിച്ച സപ്പീതികോ കുസലോ ച അപ്പീതികോ കുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

അപ്പീതികം കുസലം ധമ്മം പടിച്ച അപ്പീതികോ കുസലോ ധമ്മോ ഉപ്പജ്ജതി ഹേതുപച്ചയാ. അപ്പീതികം കുസലം ധമ്മം പടിച്ച സപ്പീതികോ കുസലോ ധമ്മോ ഉപ്പജ്ജതി ഹേതുപച്ചയാ. (൨)

സപ്പീതികം കുസലഞ്ച അപ്പീതികം കുസലഞ്ച ധമ്മം പടിച്ച സപ്പീതികോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൪൬. ഹേതുയാ ഛ (സബ്ബത്ഥ ഛ)…പേ… അവിഗതേ ഛ (സംഖിത്തം).

നഅധിപതിയാ ഛ, നപുരേജാതേ ഛ…പേ… നകമ്മേ ചത്താരി, നവിപ്പയുത്തേ ഛ (സംഖിത്തം. സഹജാതവാരമ്പി …പേ… സമ്പയുത്തവാരമ്പി വിത്ഥാരേതബ്ബം).

൪൭. സപ്പീതികോ കുസലോ ധമ്മോ സപ്പീതികസ്സ കുസലസ്സ ധമ്മസ്സ ഹേതുപച്ചയേന പച്ചയോ… തീണി.

അപ്പീതികോ കുസലോ ധമ്മോ അപ്പീതികസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧)

സപ്പീതികോ കുസലോ ധമ്മോ സപ്പീതികസ്സ കുസലസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൪൮. ഹേതുയാ ചത്താരി, ആരമ്മണേ നവ, അധിപതിയാ നവ (ചത്താരി സഹജാതാധിപതി), അനന്തരേ നവ, സമനന്തരേ നവ, സഹജാതേ ഛ…പേ… ഉപനിസ്സയേ നവ, ആസേവനേ നവ, കമ്മേ ചത്താരി, ആഹാരേ ചത്താരി, ഇന്ദ്രിയേ ചത്താരി, ഝാനേ ഛ, മഗ്ഗേ ചത്താരി, സമ്പയുത്തേ ഛ, അത്ഥിയാ ഛ, നത്ഥിയാ നവ, വിഗതേ നവ, അവിഗതേ ഛ (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

അകുസലപദം

ഹേതുപച്ചയോ

൪൯. സപ്പീതികം അകുസലം ധമ്മം പടിച്ച സപ്പീതികോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

അപ്പീതികം അകുസലം ധമ്മം പടിച്ച അപ്പീതികോ അകുസലോ ധമ്മോ ഉപ്പജ്ജതി ഹേതുപച്ചയാ… ദ്വേ.

സപ്പീതികം അകുസലഞ്ച അപ്പീതികം അകുസലഞ്ച ധമ്മം പടിച്ച സപ്പീതികോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൫൦. ഹേതുയാ ഛ, ആരമ്മണേ ഛ…പേ… അവിഗതേ ഛ (സംഖിത്തം. കുസലസദിസം. സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ).

അബ്യാകതപദം

ഹേതുപച്ചയോ

൫൧. സപ്പീതികം അബ്യാകതം ധമ്മം പടിച്ച സപ്പീതികോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അപ്പീതികം അബ്യാകതം ധമ്മം പടിച്ച അപ്പീതികോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

സപ്പീതികം അബ്യാകതഞ്ച അപ്പീതികം അബ്യാകതഞ്ച ധമ്മം പടിച്ച സപ്പീതികോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൫൨. ഹേതുയാ നവ, ആരമ്മണേ നവ…പേ… പുരേജാതേ ഛ, ആസേവനേ ഛ…പേ… അവിഗതേ നവ (സംഖിത്തം).

നഹേതുയാ നവ, നആരമ്മണേ തീണി, നഅധിപതിയാ നവ…പേ… നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ നവ, നസമ്പയുത്തേ തീണി, നവിപ്പയുത്തേ ഛ…പേ… (സംഖിത്തം. സഹജാതവാരാദി വിത്ഥാരേതബ്ബോ).

൫൩. സപ്പീതികോ അബ്യാകതോ ധമ്മോ സപ്പീതികസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൫൪. ഹേതുയാ ചത്താരി, ആരമ്മണേ നവ, അധിപതിയാ നവ, അനന്തരേ നവ…പേ… (സബ്ബത്ഥ നവ), ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ ചത്താരി, വിപാകേ നവ, ആഹാരേ ചത്താരി, ഇന്ദ്രിയേ ചത്താരി, ഝാനേ നവ, മഗ്ഗേ ചത്താരി, സമ്പയുത്തേ ഛ, വിപ്പയുത്തേ പഞ്ച, അത്ഥിയാ നവ…പേ… അവിഗതേ നവ (സംഖിത്തം).