൭. പഞ്ഹാവാരോ

ഹേതു-ആരമ്മണപച്ചയാ

൨൫. സവിതക്കോ കുസലോ ധമ്മോ സവിതക്കസ്സ കുസലസ്സ ധമ്മസ്സ ഹേതുപച്ചയേന പച്ചയോ. സവിതക്കോ കുസലോ ധമ്മോ അവിതക്കസ്സ കുസലസ്സ ധമ്മസ്സ ഹേതുപച്ചയേന പച്ചയോ. സവിതക്കോ കുസലോ ധമ്മോ സവിതക്കസ്സ കുസലസ്സ ച അവിതക്കസ്സ കുസലസ്സ ച ധമ്മസ്സ ഹേതുപച്ചയേന പച്ചയോ. (൩)

അവിതക്കോ കുസലോ ധമ്മോ അവിതക്കസ്സ കുസലസ്സ ധമ്മസ്സ ഹേതുപച്ചയേന പച്ചയോ. (൧)

സവിതക്കോ കുസലോ ധമ്മോ സവിതക്കസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

അവിതക്കോ കുസലോ ധമ്മോ അവിതക്കസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

സവിതക്കോ കുസലോ ച അവിതക്കോ കുസലോ ച ധമ്മാ സവിതക്കസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൨൬. ഹേതുയാ ചത്താരി, ആരമ്മണേ നവ, അധിപതിയാ നവ (ഹേട്ഠാ തീസു സഹജാതാധിപതി, അവിതക്കേ ഏകം, സഹജാതാധിപതി), അനന്തരേ നവ, സമനന്തരേ നവ, സഹജാതേ ഛ…പേ… ഉപനിസ്സയേ നവ, ആസേവനേ നവ, കമ്മേ ചത്താരി, ആഹാരേ ചത്താരി, ഇന്ദ്രിയേ ചത്താരി, ഝാനേ ഛ, മഗ്ഗേ ഛ, സമ്പയുത്തേ ഛ, അത്ഥിയാ ഛ, നത്ഥിയാ നവ, വിഗതേ നവ, അവിഗതേ ഛ (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

അകുസലപദം

൨൭. സവിതക്കം അകുസലം ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി ഹേതുപച്ചയാ. സവിതക്കം അകുസലം ധമ്മം പടിച്ച അവിതക്കോ അകുസലോ ധമ്മോ ഉപ്പജ്ജതി ഹേതുപച്ചയാ. സവിതക്കം അകുസലം ധമ്മം പടിച്ച സവിതക്കോ അകുസലോ ച അവിതക്കോ അകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

അവിതക്കം അകുസലം ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

സവിതക്കം അകുസലഞ്ച അവിതക്കം അകുസലഞ്ച ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൮. ഹേതുയാ പഞ്ച, ആരമ്മണേ പഞ്ച (സബ്ബത്ഥ പഞ്ച)…പേ… അവിഗതേ പഞ്ച (സംഖിത്തം).

൨൯. സവിതക്കം അകുസലം ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി നഹേതുപച്ചയാ. (൧)

അവിതക്കം അകുസലം ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി നഹേതുപച്ചയാ. (൧)

സവിതക്കം അകുസലഞ്ച അവിതക്കം അകുസലഞ്ച ധമ്മം പടിച്ച സവിതക്കോ അകുസലോ ധമ്മോ ഉപ്പജ്ജതി നഹേതുപച്ചയാ. (൧) (സംഖിത്തം.)

൩൦. നഹേതുയാ തീണി, നഅധിപതിയാ പഞ്ച, നകമ്മേ തീണി…പേ… നവിപ്പയുത്തേ പഞ്ച. (സംഖിത്തം. സഹജാതവാരാദി വിത്ഥാരേതബ്ബോ.)

൩൧. സവിതക്കോ അകുസലോ ധമ്മോ സവിതക്കസ്സ അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൩൨. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ…പേ… സഹജാതേ പഞ്ച…പേ… ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി…പേ… ഝാനേ പഞ്ച, മഗ്ഗേ പഞ്ച, സമ്പയുത്തേ പഞ്ച, അത്ഥിയാ പഞ്ച, നത്ഥിയാ നവ…പേ… അവിഗതേ പഞ്ച (സംഖിത്തം).

അബ്യാകതപദം

൩൩. സവിതക്കം അബ്യാകതം ധമ്മം പടിച്ച സവിതക്കോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അവിതക്കം അബ്യാകതം ധമ്മം പടിച്ച അവിതക്കോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

സവിതക്കം അബ്യാകതഞ്ച അവിതക്കം അബ്യാകതഞ്ച ധമ്മം പടിച്ച സവിതക്കോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൩൪. ഹേതുയാ നവ, ആരമ്മണേ നവ…പേ… പുരേജാതേ ആസേവനേ ഛ…പേ… അവിഗതേ നവ (സംഖിത്തം).

നഹേതുയാ നവ, നആരമ്മണേ തീണി, നഅധിപതിയാ നവ…പേ… നപുരേജാതേ നവ…പേ… നകമ്മേ ചത്താരി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ നവ, നസമ്പയുത്തേ തീണി, നവിപ്പയുത്തേ ഛ…പേ… നോവിഗതേ തീണി (സംഖിത്തം. സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം).

൩൫. സവിതക്കോ അബ്യാകതോ ധമ്മോ സവിതക്കസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

അവിതക്കോ അബ്യാകതോ ധമ്മോ അവിതക്കസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. (൧)

സവിതക്കോ അബ്യാകതോ ധമ്മോ സവിതക്കസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൩൬. ഹേതുയാ ചത്താരി, ആരമ്മണേ നവ, അധിപതിയാ നവ (സബ്ബത്ഥ നവ), ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ ചത്താരി, വിപാകേ നവ, ആഹാരേ ചത്താരി…പേ… ഝാനേ നവ, മഗ്ഗേ നവ, സമ്പയുത്തേ ഛ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)