൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. നോകിലേസം കുസലം ധമ്മം പടിച്ച നോകിലേസോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨. കിലേസം അകുസലം ധമ്മം പടിച്ച കിലേസോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നോകിലേസം അകുസലം ധമ്മം പടിച്ച നോകിലേസോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

കിലേസം അകുസലഞ്ച നോകിലേസം അകുസലഞ്ച ധമ്മം പടിച്ച കിലേസോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൩. ഹേതുയാ നവ, ആരമ്മണേ നവ (സബ്ബത്ഥ നവ), അവിഗതേ നവ (സംഖിത്തം).

൪. കിലേസം അകുസലം ധമ്മം പടിച്ച കിലേസോ അകുസലോ ധമ്മോ ഉപ്പജ്ജതി നഹേതുപച്ചയാ – വിചികിച്ഛം പടിച്ച വിചികിച്ഛാസഹഗതോ മോഹോ, ഉദ്ധച്ചം പടിച്ച ഉദ്ധച്ചസഹഗതോ മോഹോ (൧).

നോകിലേസം അകുസലം ധമ്മം പടിച്ച കിലേസോ അകുസലോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

കിലേസം അകുസലഞ്ച നോകിലേസം അകുസലഞ്ച ധമ്മം പടിച്ച കിലേസോ അകുസലോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ ച വിചികിച്ഛഞ്ച പടിച്ച വിചികിച്ഛാസഹഗതോ മോഹോ, ഉദ്ധച്ചസഹഗതേ ഖന്ധേ ച ഉദ്ധച്ചഞ്ച പടിച്ച ഉദ്ധച്ചസഹഗതോ മോഹോ. (൧) (സംഖിത്തം.)

൫. നഹേതുയാ തീണി, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം, സഹജാതവാരാദി വിത്ഥാരേതബ്ബോ).

൬. കിലേസോ അകുസലോ ധമ്മോ കിലേസസ്സ അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൭. ഹേതുയാ തീണി, ആരമ്മണേ നവ, അധിപതിയാ നവ (മജ്ഝേ തീണി സഹജാതാധിപതി), അനന്തരേ നവ, സമനന്തരേ നവ…പേ… ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ നവ, സമ്പയുത്തേ നവ…പേ… അവിഗതേ നവ (സംഖിത്തം).

നോകിലേസം അബ്യാകതം ധമ്മം പടിച്ച നോകിലേസോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൮. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)