൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൫. ഉപാദാനവിപ്പയുത്തം കുസലം ധമ്മം പടിച്ച ഉപാദാനവിപ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൬. ഉപാദാനസമ്പയുത്തം അകുസലം ധമ്മം പടിച്ച ഉപാദാനസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

ഉപാദാനവിപ്പയുത്തം അകുസലം ധമ്മം പടിച്ച ഉപാദാനവിപ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ… ദ്വേ.

ഉപാദാനസമ്പയുത്തം അകുസലഞ്ച ഉപാദാനവിപ്പയുത്തം അകുസലഞ്ച ധമ്മം പടിച്ച ഉപാദാനസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൧൭. ഹേതുയാ ഛ, ആരമ്മണേ ഛ (സബ്ബത്ഥ ഛ), അവിഗതേ ഛ (സംഖിത്തം).

നഹേതുയാ ഏകം, നഅധിപതിയാ ഛ…പേ… നകമ്മേ ചത്താരി, നവിപാകേ ഛ, നവിപ്പയുത്തേ ഛ (സംഖിത്തം. സഹജാതവാരാദി വിത്ഥാരേതബ്ബോ).

൧൮. ഉപാദാനസമ്പയുത്തോ അകുസലോ ധമ്മോ ഉപാദാനസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ… തീണി.

ഉപാദാനവിപ്പയുത്തോ അകുസലോ ധമ്മോ ഉപാദാനവിപ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ… ദ്വേ.

ഉപാദാനസമ്പയുത്തോ അകുസലോ ച ഉപാദാനവിപ്പയുത്തോ അകുസലോ ച ധമ്മാ ഉപാദാനസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൧൯. ഹേതുയാ ഛ, ആരമ്മണേ നവ, അധിപതിയാ നവ (ഉപാദാനസമ്പയുത്തമൂലകേ തീണി, സഹജാതാധിപതി, ഉപാദാനവിപ്പയുത്തേ ഏകം), അനന്തരേ നവ, സമനന്തരേ നവ, സഹജാതേ ഛ, അഞ്ഞമഞ്ഞേ ഛ, നിസ്സയേ ഛ, ഉപനിസ്സയേ നവ, ആസേവനേ നവ, കമ്മേ ചത്താരി, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ഛ, അത്ഥിയാ ഛ, നത്ഥിയാ നവ, വിഗതേ നവ, അവിഗതേ ഛ (സംഖിത്തം).

൨൦. ഉപാദാനവിപ്പയുത്തം അബ്യാകതം ധമ്മം പടിച്ച ഉപാദാനവിപ്പയുത്തോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം).