൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൦. ഉപാദാനിയം കുസലം ധമ്മം പടിച്ച ഉപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

അനുപാദാനിയം കുസലം ധമ്മം പടിച്ച അനുപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൧. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. ലോകിയലോകുത്തരദുകകുസലസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൧൨. ഉപാദാനിയം അകുസലം ധമ്മം പടിച്ച ഉപാദാനിയോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൩. ഉപാദാനിയം അബ്യാകതം ധമ്മം പടിച്ച ഉപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അനുപാദാനിയം അബ്യാകതം ധമ്മം പടിച്ച അനുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. അനുപാദാനിയം അബ്യാകതം ധമ്മം പടിച്ച ഉപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. അനുപാദാനിയം അബ്യാകതം ധമ്മം പടിച്ച ഉപാദാനിയോ അബ്യാകതോ ച അനുപാദാനിയോ അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. (൩)

ഉപാദാനിയം അബ്യാകതഞ്ച അനുപാദാനിയം അബ്യാകതഞ്ച ധമ്മം പടിച്ച ഉപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൪. ഹേതുയാ പഞ്ച, ആരമ്മണേ ദ്വേ…പേ… ആസേവനേ ഏകം…പേ… അവിഗതേ പഞ്ച (സംഖിത്തം. ലോകിയദുകഅബ്യാകതസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം).