൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൮. ഉപാദാനവിപ്പയുത്തം ഉപാദാനിയം കുസലം ധമ്മം പടിച്ച ഉപാദാനവിപ്പയുത്തോ ഉപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

ഉപാദാനവിപ്പയുത്തം അനുപാദാനിയം കുസലം ധമ്മം പടിച്ച ഉപാദാനവിപ്പയുത്തോ അനുപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൯. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം. ലോകിയദുകകുസലസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം).

൩൦. ഉപാദാനവിപ്പയുത്തം ഉപാദാനിയം അകുസലം ധമ്മം പടിച്ച ഉപാദാനവിപ്പയുത്തോ ഉപാദാനിയോ അകുസലോ ധമ്മോ ഉപ്പജ്ജതി ഹേതുപച്ചയാ (സബ്ബത്ഥ ഏകം).

ഉപാദാനവിപ്പയുത്തം ഉപാദാനിയം അബ്യാകതം ധമ്മം പടിച്ച ഉപാദാനവിപ്പയുത്തോ ഉപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

ഉപാദാനവിപ്പയുത്തം അനുപാദാനിയം അബ്യാകതം ധമ്മം പടിച്ച ഉപാദാനവിപ്പയുത്തോ അനുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

ഉപാദാനവിപ്പയുത്തം ഉപാദാനിയം അബ്യാകതഞ്ച ഉപാദാനവിപ്പയുത്തം അനുപാദാനിയം അബ്യാകതഞ്ച ധമ്മം പടിച്ച ഉപാദാനവിപ്പയുത്തോ ഉപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൩൧. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. ലോകിയദുകഅബ്യാകതസദിസം. സഹജാതവാരമ്പി…പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം).

ഉപാദാനഗോച്ഛകകുസലത്തികം നിട്ഠിതം.