൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൯൮. അനുപാദിന്നം കുസലം ധമ്മം പടിച്ച അനുപാദിന്നോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സബ്ബത്ഥ ഏകം. സംഖിത്തം. സഹജാതവാരേപി…പേ… പഞ്ഹാവാരേപി ഏകം സപ്പച്ചയകുസലസദിസം).

൯൯. അനുപാദിന്നം അകുസലം ധമ്മം പടിച്ച അനുപാദിന്നോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ ഏകം).

൧൦൦. ഉപാദിന്നം അബ്യാകതം ധമ്മം പടിച്ച ഉപാദിന്നോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അനുപാദിന്നം അബ്യാകതം ധമ്മം പടിച്ച അനുപാദിന്നോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

ഉപാദിന്നം അബ്യാകതഞ്ച അനുപാദിന്നം അബ്യാകതഞ്ച ധമ്മം പടിച്ച അനുപാദിന്നോ അബ്യാകതോ ധമ്മോ ഉപ്പജ്ജതി ഹേതുപച്ചയാ – ഉപാദിന്നേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧) (സംഖിത്തം.)

൧൦൧. ഹേതുയാ പഞ്ച, ആരമ്മണേ ദ്വേ, അധിപതിയാ ഏകം…പേ… പുരേജാതേ ദ്വേ, ആസേവനേ ഏകം, കമ്മേ പഞ്ച, വിപാകേ പഞ്ച…പേ… അവിഗതേ പഞ്ച (സംഖിത്തം).

നഹേതുയാ പഞ്ച, നആരമ്മണേ ചത്താരി, നഅധിപതിയാ പഞ്ച…പേ… നപുരേജാതേ ചത്താരി, നപച്ഛാജാതേ നആസേവനേ പഞ്ച, നകമ്മേ ഏകം, നവിപാകേ ദ്വേ, നആഹാരേ ദ്വേ, നഇന്ദ്രിയേ ദ്വേ, നഝാനേ ദ്വേ, നമഗ്ഗേ പഞ്ച, നസമ്പയുത്തേ ചത്താരി, നവിപ്പയുത്തേ ദ്വേ, നോനത്ഥിയാ ചത്താരി, നോവിഗതേ ചത്താരി (സംഖിത്തം. സഹജാതവാരാദി വിത്ഥാരേതബ്ബോ).

ഹേതു-പുരേജാതപച്ചയാ

൧൦൨. ഉപാദിന്നോ അബ്യാകതോ ധമ്മോ ഉപാദിന്നസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

അനുപാദിന്നോ അബ്യാകതോ ധമ്മോ അനുപാദിന്നസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. (൧)

അനുപാദിന്നോ അബ്യാകതോ ധമ്മോ അനുപാദിന്നസ്സ അബ്യാകതസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… ഏകം.

ഉപാദിന്നോ അബ്യാകതോ ധമ്മോ ഉപാദിന്നസ്സ അബ്യാകതസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം (ദ്വേ പഞ്ഹാ).

അനുപാദിന്നോ അബ്യാകതോ ധമ്മോ അനുപാദിന്നസ്സ അബ്യാകതസ്സ ധമ്മസ്സ പുരേജാതപച്ചയേന പച്ചയോ… ദ്വേ (ആരമ്മണപുരേജാതംയേവ, ഘടനാ ദ്വേ, ആരമ്മണപുരേജാതമ്പി വത്ഥുപുരേജാതമ്പി).

൧൦൩. ഹേതുയാ ചത്താരി, ആരമ്മണേ ചത്താരി (ഉപാദിന്നമൂലകേ ദ്വേ, അനുപാദിന്നമൂലകേ ദ്വേ), അധിപതിയാ ഏകം, അനന്തരേ സമനന്തരേ ചത്താരി, സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ പഞ്ച, ഉപനിസ്സയേ ചത്താരി, പുരേജാതേ ഛ, പച്ഛാജാതേ ഛ, ആസേവനേ ഏകം, കമ്മേ ചത്താരി, വിപാകേ ചത്താരി, ആഹാരേ നവ, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ദ്വേ, വിപ്പയുത്തേ ഛ, അത്ഥിയാ നവ, നത്ഥിയാ ചത്താരി, വിഗതേ ചത്താരി, അവിഗതേ നവ (സംഖിത്തം).

നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ ചത്താരി (സംഖിത്തം).

മഹന്തരദുകകുസലത്തികം നിട്ഠിതം.