൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൯൨. നോഉപാദാ കുസലം ധമ്മം പടിച്ച നോഉപാദാ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൯൩. നോഉപാദാ അകുസലം ധമ്മം പടിച്ച നോഉപാദാ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി …പേ… പഞ്ഹാവാരേപി സബ്ബത്ഥ ഏകം.)

൯൪. ഉപാദാ അബ്യാകതം ധമ്മം പടിച്ച നോഉപാദാ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

നോഉപാദാ അബ്യാകതം ധമ്മം പടിച്ച നോഉപാദാ അബ്യാകതോ ധമ്മോ ഉപ്പജ്ജതി ഹേതുപച്ചയാ. നോഉപാദാ അബ്യാകതം ധമ്മം പടിച്ച ഉപാദാ അബ്യാകതോ ധമ്മോ ഉപ്പജ്ജതി ഹേതുപച്ചയാ. നോഉപാദാ അബ്യാകതം ധമ്മം പടിച്ച ഉപാദാ അബ്യാകതോ ച നോഉപാദാ അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. (൩)

ഉപാദാ അബ്യാകതഞ്ച നോഉപാദാ അബ്യാകതഞ്ച ധമ്മം പടിച്ച നോഉപാദാ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൯൫. ഹേതുയാ പഞ്ച, ആരമ്മണേ തീണി…പേ… അഞ്ഞമഞ്ഞേ പഞ്ച…പേ… പുരേജാതേ ഏകം, ആസേവനേ ഏകം, കമ്മേ പഞ്ച, വിപാകേ പഞ്ച…പേ… അവിഗതേ പഞ്ച (സംഖിത്തം).

നഹേതുയാ പഞ്ച, നആരമ്മണേ തീണി, നഅധിപതിയാ പഞ്ച…പേ… നപുരേജാതേ പഞ്ച…പേ… നകമ്മേ തീണി, നവിപാകേ തീണി, നആഹാരേ തീണി, നഇന്ദ്രിയേ തീണി, നഝാനേ തീണി, നമഗ്ഗേ പഞ്ച, നസമ്പയുത്തേ തീണി, നവിപ്പയുത്തേ തീണി, നോനത്ഥിയാ തീണി, നോവിഗതേ തീണി (സംഖിത്തം. സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

ഹേതുആരമ്മണപച്ചയാദി

൯൬. നോഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

ഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

നോഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

നോഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ അധിപതിപച്ചയേന പച്ചയോ… തീണി (പഠമേ ദ്വേപി അധിപതീ, ദ്വീസു സഹജാതാധിപതി).

ഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ ഉപനിസ്സയപച്ചയേന പച്ചയോ. (൧)

നോഉപാദാ അബ്യാകതോ ധമ്മോ നോഉപാദാ അബ്യാകതസ്സ ധമ്മസ്സ ഉപനിസ്സയപച്ചയേന പച്ചയോ. (൧) (സംഖിത്തം.)

൯൭. ഉപനിസ്സയേ ദ്വേ, പുരേജാതേ തീണി, പച്ഛാജാതേ തീണി, ആസേവനേ ഏകം, കമ്മേ തീണി, വിപാകേ തീണി, ആഹാരേ ഛ, ഇന്ദ്രിയേ സത്ത, ഝാനേ തീണി, മഗ്ഗേ തീണി, സമ്പയുത്തേ ഏകം, വിപ്പയുത്തേ ചത്താരി, അത്ഥിയാ നവ…പേ… അവിഗതേ നവ (സംഖിത്തം).