൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൮൪. അജ്ഝത്തികം കുസലം ധമ്മം പടിച്ച ബാഹിരോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

ബാഹിരം കുസലം ധമ്മം പടിച്ച ബാഹിരോ കുസലോ ധമ്മോ ഉപ്പജ്ജതി ഹേതുപച്ചയാ. ബാഹിരം കുസലം ധമ്മം പടിച്ച അജ്ഝത്തികോ കുസലോ ധമ്മോ ഉപ്പജ്ജതി ഹേതുപച്ചയാ. ബാഹിരം കുസലം ധമ്മം പടിച്ച അജ്ഝത്തികോ കുസലോ ച ബാഹിരോ കുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

അജ്ഝത്തികം കുസലഞ്ച ബാഹിരം കുസലഞ്ച ധമ്മം പടിച്ച ബാഹിരോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൮൫. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച. (സംഖിത്തം. ചിത്തദുകസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം).

൮൬. അജ്ഝത്തികം അകുസലം ധമ്മം പടിച്ച ബാഹിരോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

ബാഹിരം അകുസലം ധമ്മം പടിച്ച ബാഹിരോ അകുസലോ ധമ്മോ ഉപ്പജ്ജതി ഹേതുപച്ചയാ. ബാഹിരം അകുസലം ധമ്മം പടിച്ച അജ്ഝത്തികോ അകുസലോ ധമ്മോ ഉപ്പജ്ജതി ഹേതുപച്ചയാ. ബാഹിരം അകുസലം ധമ്മം പടിച്ച അജ്ഝത്തികോ അകുസലോ ച ബാഹിരോ അകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

അജ്ഝത്തികം അകുസലഞ്ച ബാഹിരം അകുസലഞ്ച ധമ്മം പടിച്ച ബാഹിരോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൮൭. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച. (സംഖിത്തം. ചിത്തദുകസദിസം. സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൮൮. അജ്ഝത്തികം അബ്യാകതം ധമ്മം പടിച്ച അജ്ഝത്തികോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

ബാഹിരം അബ്യാകതം ധമ്മം പടിച്ച ബാഹിരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അജ്ഝത്തികം അബ്യാകതഞ്ച ബാഹിരം അബ്യാകതഞ്ച ധമ്മം പടിച്ച അജ്ഝത്തികോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൮൯. ഹേതുയാ നവ, ആരമ്മണേ പഞ്ച, അധിപതിയാ പഞ്ച…പേ… അഞ്ഞമഞ്ഞേ പഞ്ച, നിസ്സയേ നവ, ഉപനിസ്സയേ പഞ്ച, പുരേജാതേ പഞ്ച, ആസേവനേ പഞ്ച, കമ്മേ…പേ… മഗ്ഗേ നവ, സമ്പയുത്തേ പഞ്ച, വിപ്പയുത്തേ നവ…പേ… അവിഗതേ നവ (സംഖിത്തം).

നഹേതുയാ നവ, നആരമ്മണേ നവ, നഅധിപതിയാ നവ…പേ… നകമ്മേ തീണി, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ പഞ്ച, നമഗ്ഗേ നവ, നസമ്പയുത്തേ നവ, നവിപ്പയുത്തേ പഞ്ച, നോനത്ഥിയാ നവ, നോവിഗതേ നവ (സംഖിത്തം. സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

൯൦. ബാഹിരോ അബ്യാകതോ ധമ്മോ ബാഹിരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

ബാഹിരോ അബ്യാകതോ ധമ്മോ ബാഹിരസ്സ അബ്യാകതസ്സ ധമ്മസ്സ കമ്മപച്ചയേന പച്ചയോ… തീണി.

൯൧. ഹേതുയാ തീണി, ആരമ്മണേ നവ, അധിപതിയാ നവ (അജ്ഝത്തികോ ബാഹിരസ്സ ഗമനകാലേ സഹജാതാധിപതി, മജ്ഝേ തീസുപി സഹജാതാധിപതി), അനന്തരേ നവ, സഹജാതേ നവ, അഞ്ഞമഞ്ഞേ പഞ്ച, നിസ്സയേ നവ, ഉപനിസ്സയേ നവ, പുരേജാതേ നവ (ആരമ്മണപുരേജാതമ്പി വത്ഥുപുരേജാതമ്പി), പച്ഛാജാതേ നവ, ആസേവനേ നവ, കമ്മേ തീണി, വിപാകേ നവ, ആഹാരേ നവ (തിണ്ണന്നം കബളീകാരോ ആഹാരോ), ഇന്ദ്രിയേ നവ (തിണ്ണന്നം രൂപജീവിതിന്ദ്രിയം), ഝാനേ മഗ്ഗേ തീണി, സമ്പയുത്തേ പഞ്ച, വിപ്പയുത്തേ നവ, അത്ഥിയാ നവ…പേ… അവിഗതേ നവ (സംഖിത്തം).