൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൪൩. ചിത്തസമുട്ഠാനം കുസലം ധമ്മം പടിച്ച ചിത്തസമുട്ഠാനോ കുസലോ ധമ്മോ ഉപ്പജ്ജതി ഹേതുപച്ചയാ. ചിത്തസമുട്ഠാനം കുസലം ധമ്മം പടിച്ച നോചിത്തസമുട്ഠാനോ കുസലോ ധമ്മോ ഉപ്പജ്ജതി ഹേതുപച്ചയാ. ചിത്തസമുട്ഠാനം കുസലം ധമ്മം പടിച്ച ചിത്തസമുട്ഠാനോ കുസലോ ച നോചിത്തസമുട്ഠാനോ കുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നോചിത്തസമുട്ഠാനം കുസലം ധമ്മം പടിച്ച ചിത്തസമുട്ഠാനോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

ചിത്തസമുട്ഠാനം കുസലഞ്ച നോചിത്തസമുട്ഠാനം കുസലഞ്ച ധമ്മം പടിച്ച ചിത്തസമുട്ഠാനോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൪൪. ഹേതുയാ പഞ്ച, ആരമ്മണേ പഞ്ച (സബ്ബത്ഥ പഞ്ച), അവിഗതേ പഞ്ച (സംഖിത്തം).

നഅധിപതിയാ പഞ്ച, നപുരേജാതേ പഞ്ച…പേ… നകമ്മേ തീണി, നവിപാകേ പഞ്ച…പേ… നവിപ്പയുത്തേ പഞ്ച (സംഖിത്തം, സഹജാതവാരാദി വിത്ഥാരേതബ്ബോ).

൪൫. ചിത്തസമുട്ഠാനോ കുസലോ ധമ്മോ ചിത്തസമുട്ഠാനസ്സ കുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൪൬. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ പഞ്ച…പേ… ഉപനിസ്സയേ നവ, ആസേവനേ നവ, കമ്മേ തീണി, ആഹാരേ പഞ്ച, ഇന്ദ്രിയേ പഞ്ച, ഝാനേ തീണി, മഗ്ഗേ തീണി, സമ്പയുത്തേ പഞ്ച, അത്ഥിയാ പഞ്ച…പേ… അവിഗതേ പഞ്ച (സംഖിത്തം).

൪൭. ചിത്തസമുട്ഠാനം അകുസലം ധമ്മം പടിച്ച ചിത്തസമുട്ഠാനോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നോചിത്തസമുട്ഠാനം അകുസലം ധമ്മം പടിച്ച ചിത്തസമുട്ഠാനോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

ചിത്തസമുട്ഠാനം അകുസലഞ്ച നോചിത്തസമുട്ഠാനം അകുസലഞ്ച ധമ്മം പടിച്ച ചിത്തസമുട്ഠാനോ അകുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം).

൪൮. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച (സംഖിത്തം).

(കുസലത്തികസദിസം സഹജാതവാരമ്പി …പേ… പഞ്ഹാവാരമ്പി വിത്ഥാരേതബ്ബം.)

൪൯. ചിത്തസമുട്ഠാനം അബ്യാകതം ധമ്മം പടിച്ച ചിത്തസമുട്ഠാനോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നോചിത്തസമുട്ഠാനം അബ്യാകതം ധമ്മം പടിച്ച നോചിത്തസമുട്ഠാനോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

ചിത്തസമുട്ഠാനം അബ്യാകതഞ്ച നോചിത്തസമുട്ഠാനം അബ്യാകതഞ്ച ധമ്മം പടിച്ച ചിത്തസമുട്ഠാനോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൫൦. ഹേതുയാ നവ, ആരമ്മണേ നവ, അധിപതിയാ പഞ്ച (സബ്ബത്ഥ നവ), പുരേജാതേ പഞ്ച, ആസേവനേ പഞ്ച…പേ… അവിഗതേ നവ (സംഖിത്തം).

നഹേതുയാ നവ, നആരമ്മണേ ഛ, നഅധിപതിയാ നവ…പേ… നകമ്മേ തീണി, നവിപാകേ ഛ, നആഹാരേ ഏകം, നഇന്ദ്രിയേ ഏകം, നഝാനേ ഛ, നമഗ്ഗേ നവ, നസമ്പയുത്തേ ഛ, നവിപ്പയുത്തേ ഛ, നോനത്ഥിയാ ഛ, നോവിഗതേ ഛ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി വിത്ഥാരേതബ്ബം.)

൫൧. ചിത്തസമുട്ഠാനോ അബ്യാകതോ ധമ്മോ ചിത്തസമുട്ഠാനസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

ചിത്തസമുട്ഠാനോ അബ്യാകതോ ധമ്മോ ചിത്തസമുട്ഠാനസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൫൨. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ (സബ്ബത്ഥ നവ), പുരേജാതേ നവ, പച്ഛാജാതേ നവ, ആസേവനേ നവ, കമ്മേ തീണി, വിപാകേ നവ, ആഹാരേ നവ (ചിത്തസമുട്ഠാനമൂലം നോചിത്തസമുട്ഠാനസ്സ കബളീകാരോ ആഹാരോ കാതബ്ബോ. നോചിത്തസമുട്ഠാനോ ചിത്തസമുട്ഠാനസ്സ കബളീകാരോ ആഹാരോ ഘടനേ മജ്ഝേ കബളീകാരോ ആഹാരോ), ഇന്ദ്രിയേ നവ (രൂപജീവിതിന്ദ്രിയം ഏകം), ഝാനേ തീണി, മഗ്ഗേ തീണി, സമ്പയുത്തേ പഞ്ച, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)