൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. സാരമ്മണം കുസലം ധമ്മം പടിച്ച സാരമ്മണോ കുസലോ ധമ്മോ ഉപ്പജ്ജതി ഹേതുപച്ചയാ (യഥാ സപ്പച്ചയം കുസലം, ഏവം വിത്ഥാരേതബ്ബം.)

൨. സാരമ്മണം അകുസലം ധമ്മം പടിച്ച സാരമ്മണോ അകുസലോ ധമ്മോ ഉപ്പജ്ജതി ഹേതുപച്ചയാ (യഥാ സപ്പച്ചയം അകുസലം, ഏവം കാതബ്ബം.)

൩. സാരമ്മണം അബ്യാകതം ധമ്മം പടിച്ച സാരമ്മണോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അനാരമ്മണം അബ്യാകതം ധമ്മം പടിച്ച അനാരമ്മണോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

സാരമ്മണം അബ്യാകതഞ്ച അനാരമ്മണം അബ്യാകതഞ്ച ധമ്മം പടിച്ച സാരമ്മണോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൪. ഹേതുയാ നവ, ആരമ്മണേ തീണി, അധിപതിയാ പഞ്ച…പേ… അഞ്ഞമഞ്ഞേ ഛ…പേ… പുരേജാതേ ഏകം, ആസേവനേ ഏകം (സംഖിത്തം).

നഹേതുയാ നവ, നആരമ്മണേ തീണി, നഅധിപതിയാ നവ…പേ… നകമ്മേ ദ്വേ, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ ദ്വേ, നമഗ്ഗേ നവ, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി (സംഖിത്തം).

ഹേതു-ആരമ്മണ-അധിപതിപച്ചയാ

൫. സാരമ്മണോ അബ്യാകതോ ധമ്മോ സാരമ്മണസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

൬. സാരമ്മണോ അബ്യാകതോ ധമ്മോ സാരമ്മണസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

അനാരമ്മണോ അബ്യാകതോ ധമ്മോ സാരമ്മണസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ.

൭. സാരമ്മണോ അബ്യാകതോ ധമ്മോ സാരമ്മണസ്സ അബ്യാകതസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി. അനാരമ്മണോ അബ്യാകതോ ധമ്മോ സാരമ്മണസ്സ അബ്യാകതസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി (സംഖിത്തം).

൮. ഹേതുയാ തീണി, ആരമ്മണേ ദ്വേ, അധിപതിയാ ചത്താരി, അനന്തരേ ഏകം…പേ… സഹജാതേ സത്ത, അഞ്ഞമഞ്ഞേ ഛ, നിസ്സയേ സത്ത, ഉപനിസ്സയേ ദ്വേ, പുരേജാതേ ഏകം, പച്ഛാജാതേ ഏകം, ആസേവനേ ഏകം, കമ്മേ തീണി, വിപാകേ തീണി, സമ്പയുത്തേ ഏകം, വിപ്പയുത്തേ ദ്വേ (സംഖിത്തം).