൧. വിഭങ്ഗവാരോ

ഹേതുപച്ചയോ

൬൩. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ഹേതുപച്ചയേന പച്ചയോ – പരാമാസസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (മൂലം കാതബ്ബം) പരാമാസസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (മൂലം കാതബ്ബം) പരാമാസസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – പരാമാസവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൬൪. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – രാഗം അസ്സാദേതി അഭിനന്ദതി, തം ആരബ്ഭ പരാമാസസമ്പയുത്തോ രാഗോ ഉപ്പജ്ജതി; പരാമാസസമ്പയുത്തേ ഖന്ധേ അസ്സാദേതി അഭിനന്ദതി, തം ആരബ്ഭ പരാമാസസമ്പയുത്തോ രാഗോ ഉപ്പജ്ജതി. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ പരാമാസസമ്പയുത്തേ പഹീനേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി, പരാമാസസമ്പയുത്തേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ പരാമാസവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ചേതോപരിയഞാണേന പരാമാസസമ്പയുത്തചിത്തസമങ്ഗിസ്സ ചിത്തം ജാനാതി, പരാമാസസമ്പയുത്താ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൬൫. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, അസ്സാദേതി അഭിനന്ദതി, തം ആരബ്ഭ പരാമാസവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ പരാമാസവിപ്പയുത്തേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും പരാമാസവിപ്പയുത്തേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ പരാമാസവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന പരാമാസവിപ്പയുത്തചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… പരാമാസവിപ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും പരാമാസവിപ്പയുത്തേ ഖന്ധേ അസ്സാദേതി അഭിനന്ദതി. തം ആരബ്ഭ പരാമാസസമ്പയുത്തോ രാഗോ ഉപ്പജ്ജതി. (൨)

അധിപതിപച്ചയോ

൬൬. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസസമ്പയുത്തോ രാഗോ ഉപ്പജ്ജതി, പരാമാസസമ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസസമ്പയുത്തോ രാഗോ ഉപ്പജ്ജതി. സഹജാതാധിപതി – പരാമാസസമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – പരാമാസസമ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസവിപ്പയുത്തോ രാഗോ ഉപ്പജ്ജതി. സഹജാതാധിപതി – പരാമാസസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

പരാമാസസമ്പയുത്തോ ധമ്മോ പരാമാസസമ്പയുത്തസ്സ ച പരാമാസവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – പരാമാസസമ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൬൭. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, അസ്സാദേതി അഭിനന്ദതി, തം ഗരും കത്വാ പരാമാസവിപ്പയുത്തോ രാഗോ ഉപ്പജ്ജതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും പരാമാസവിപ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസവിപ്പയുത്തോ രാഗോ ഉപ്പജ്ജതി. സഹജാതാധിപതി – പരാമാസവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… സീലം…പേ… ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസസമ്പയുത്തോ രാഗോ ഉപ്പജ്ജതി, പുബ്ബേ…പേ… ഝാനാ…പേ… ചക്ഖും…പേ… വത്ഥും പരാമാസവിപ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസസമ്പയുത്തോ രാഗോ ഉപ്പജ്ജതി. (൨)

അനന്തര-സമനന്തരപച്ചയാ

൬൮. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പരാമാസസമ്പയുത്താ ഖന്ധാ പച്ഛിമാനം പച്ഛിമാനം പരാമാസസമ്പയുത്തകാനം ഖന്ധാനം അനന്തരപച്ചയേന പച്ചയോ. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പരാമാസസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

൬൯. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പരാമാസവിപ്പയുത്താ ഖന്ധാ പച്ഛിമാനം പച്ഛിമാനം പരാമാസവിപ്പയുത്താനം ഖന്ധാനം അനന്തരപച്ചയേന പച്ചയോ; അനുലോമം…പേ… ഫലസമാപത്തിയാ അനന്തരപച്ചയേന പച്ചയോ. (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ പരാമാസസമ്പയുത്തകാനം ഖന്ധാനം അനന്തരപച്ചയേന പച്ചയോ… സമനന്തരപച്ചയേന പച്ചയോ. (൨)

സഹജാതപച്ചയാദി

൭൦. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ സഹജാതപച്ചയേന പച്ചയോ… പഞ്ച… അഞ്ഞമഞ്ഞപച്ചയേന പച്ചയോ… ദ്വേ… നിസ്സയപച്ചയേന പച്ചയോ… സത്ത.

ഉപനിസ്സയപച്ചയോ

൭൧. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പരാമാസസമ്പയുത്തോ രാഗോ… മോഹോ… പത്ഥനാ പരാമാസസമ്പയുത്തസ്സ രാഗസ്സ… മോഹസ്സ… പത്ഥനായ ഉപനിസ്സയപച്ചയേന പച്ചയോ. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പരാമാസസമ്പയുത്തം രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി; പരാമാസസമ്പയുത്തം മോഹം… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, പാണം ഹനതി…പേ… സങ്ഘം ഭിന്ദതി; പരാമാസസമ്പയുത്തോ രാഗോ… മോഹോ… പത്ഥനാ സദ്ധായ …പേ… പഞ്ഞായ, രാഗസ്സ… ദോസസ്സ… മോഹസ്സ… മാനസ്സ… പത്ഥനായ… കായികസ്സ സുഖസ്സ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൨)

൭൨. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി …പേ… സമാപത്തിം ഉപ്പാദേതി, മാനം ജപ്പേതി; സീലം…പേ… പഞ്ഞം, രാഗം…പേ… മാനം…പേ… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, പാണം ഹനതി…പേ… സങ്ഘം ഭിന്ദതി; കായികം സുഖം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… പഞ്ഞാ, രാഗോ…പേ… മാനോ… പത്ഥനാ… കായികം സുഖം…പേ… സേനാസനം സദ്ധായ…പേ… പഞ്ഞായ, രാഗസ്സ…പേ… മാനസ്സ… പത്ഥനായ… കായികസ്സ സുഖസ്സ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ പരാമാസസമ്പയുത്തോ രാഗോ ഉപ്പജ്ജതി; സീലം…പേ… സേനാസനം ഉപനിസ്സായ പരാമാസസമ്പയുത്തോ രാഗോ ഉപ്പജ്ജതി; സദ്ധാ…പേ… സേനാസനം പരാമാസസമ്പയുത്തസ്സ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൭൩. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ പരാമാസവിപ്പയുത്തോ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ …പേ… കായായതനം കായവിഞ്ഞാണസ്സ…പേ… വത്ഥു പരാമാസവിപ്പയുത്താനം ഖന്ധാനം പുരേജാതപച്ചയേന പച്ചയോ. (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ പരാമാസസമ്പയുത്തോ രാഗോ ഉപ്പജ്ജതി. വത്ഥുപുരേജാതം – വത്ഥു പരാമാസസമ്പയുത്തകാനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതാസേവനപച്ചയാ

൭൪. പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). (൧)

പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ ആസേവനപച്ചയേന പച്ചയോ… ദ്വേ.

കമ്മപച്ചയാദി

൭൫. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ കമ്മപച്ചയേന പച്ചയോ – പരാമാസസമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – പരാമാസസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – പരാമാസസമ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (മൂലം കാതബ്ബം) പരാമാസസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – പരാമാസവിപ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – പരാമാസവിപ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയേന പച്ചയോ… ഏകം, ആഹാരപച്ചയേന പച്ചയോ… ചത്താരി, ഇന്ദ്രിയപച്ചയേന പച്ചയോ… ചത്താരി, ഝാനപച്ചയേന പച്ചയോ… ചത്താരി, മഗ്ഗപച്ചയേന പച്ചയോ… ചത്താരി, സമ്പയുത്തപച്ചയേന പച്ചയോ… ദ്വേ.

വിപ്പയുത്തപച്ചയോ

൭൬. പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു പരാമാസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൭൭. പരാമാസസമ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – പരാമാസസമ്പയുത്തോ ഏകോ ഖന്ധോ തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൧)

പരാമാസസമ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – പരാമാസസമ്പയുത്താ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. (മൂലം കാതബ്ബം.) (൨)

പരാമാസസമ്പയുത്തോ ധമ്മോ പരാമാസസമ്പയുത്തസ്സ ച പരാമാസവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – പരാമാസസമ്പയുത്തോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ…. (൩)

൭൮. പരാമാസവിപ്പയുത്തോ ധമ്മോ പരാമാസവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

പരാമാസവിപ്പയുത്തോ ധമ്മോ പരാമാസസമ്പയുത്തസ്സ ധമ്മസ്സ അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ പരാമാസസമ്പയുത്തോ രാഗോ ഉപ്പജ്ജതി, വത്ഥു പരാമാസസമ്പയുത്തകാനം ഖന്ധാനം അത്ഥിപച്ചയേന പച്ചയോ. (൨)

൭൯. പരാമാസസമ്പയുത്തോ ച പരാമാസവിപ്പയുത്തോ ച ധമ്മാ പരാമാസസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – പരാമാസസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

പരാമാസസമ്പയുത്തോ ച പരാമാസവിപ്പയുത്തോ ച ധമ്മാ പരാമാസവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – പരാമാസസമ്പയുത്താ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – പരാമാസസമ്പയുത്താ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – പരാമാസസമ്പയുത്താ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)