൧. വിഭങ്ഗവാരോ

ഹേതുപച്ചയോ

൫൪. പരാമാസസമ്പയുത്തം ധമ്മം പച്ചയാ പരാമാസസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി (പടിച്ചവാരസദിസോ).

പരാമാസവിപ്പയുത്തം ധമ്മം പച്ചയാ പരാമാസവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – പരാമാസവിപ്പയുത്തം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അജ്ഝത്തികാ മഹാഭൂതാ) വത്ഥും പച്ചയാ പരാമാസവിപ്പയുത്താ ഖന്ധാ. (൧)

പരാമാസവിപ്പയുത്തം ധമ്മം പച്ചയാ പരാമാസസമ്പയുത്തോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ പരാമാസസമ്പയുത്തകാ ഖന്ധാ. (൨)

പരാമാസവിപ്പയുത്തം ധമ്മം പച്ചയാ പരാമാസസമ്പയുത്തോ ച പരാമാസവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ പരാമാസസമ്പയുത്തകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൩)

൫൫. പരാമാസസമ്പയുത്തഞ്ച പരാമാസവിപ്പയുത്തഞ്ച ധമ്മം പച്ചയാ പരാമാസസമ്പയുത്തോ ധമ്മോ ഉപ്പജ്ജതി ഹേതുപച്ചയാ – പരാമാസസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ…. (൧)

പരാമാസസമ്പയുത്തഞ്ച പരാമാസവിപ്പയുത്തഞ്ച ധമ്മം പച്ചയാ പരാമാസവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – പരാമാസസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൨)

പരാമാസസമ്പയുത്തഞ്ച പരാമാസവിപ്പയുത്തഞ്ച ധമ്മം പച്ചയാ പരാമാസസമ്പയുത്തോ ച പരാമാസവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – പരാമാസസമ്പയുത്തം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പരാമാസസമ്പയുത്തേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം (സംഖിത്തം). (൩)