൨. സങ്ഖ്യാവാരോ

സുദ്ധം

൩൮. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ പഞ്ച, അഞ്ഞമഞ്ഞേ പഞ്ച, നിസ്സയേ പഞ്ച, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ പഞ്ച, സമ്പയുത്തേ പഞ്ച, വിപ്പയുത്തേ പഞ്ച, അത്ഥിയാ പഞ്ച, നത്ഥിയാ നവ, വിഗതേ നവ, അവിഗതേ പഞ്ച.

അനുലോമം.

പച്ചനീയുദ്ധാരോ

൩൯. പരാമാസോ ധമ്മോ പരാമാസസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

പരാമാസോ ധമ്മോ നോപരാമാസസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

പരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൪൦. നോപരാമാസോ ധമ്മോ നോപരാമാസസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ … ഇന്ദ്രിയപച്ചയേന പച്ചയോ. (൧)

നോപരാമാസോ ധമ്മോ പരാമാസസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൪൧. പരാമാസോ ച നോപരാമാസോ ച ധമ്മാ പരാമാസസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

പരാമാസോ ച നോപരാമാസോ ച ധമ്മാ നോപരാമാസസ്സ ധമ്മസ്സ ആരമ്മണപച്ചയേന പച്ചയോ … സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

പരാമാസോ ച നോപരാമാസോ ച ധമ്മാ പരാമാസസ്സ ച നോപരാമാസസ്സ ച ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ. (൩)