൧. വിഭങ്ഗവാരോ

ഹേതുപച്ചയോ

൧൭. നോപരാമാസോ ധമ്മോ നോപരാമാസസ്സ ധമ്മസ്സ ഹേതുപച്ചയേന പച്ചയോ – നോപരാമാസാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

നോപരാമാസോ ധമ്മോ പരാമാസസ്സ ധമ്മസ്സ ഹേതുപച്ചയേന പച്ചയോ – നോപരാമാസാ ഹേതൂ പരാമാസസ്സ ഹേതുപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ ഹേതുപച്ചയേന പച്ചയോ – നോപരാമാസാ ഹേതൂ സമ്പയുത്തകാനം ഖന്ധാനം പരാമാസസ്സ ച ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൧൮. പരാമാസോ ധമ്മോ പരാമാസസ്സ ധമ്മസ്സ ആരമ്മണപച്ചയേന പച്ചയോ – പരാമാസം ആരബ്ഭ പരാമാസോ ഉപ്പജ്ജതി. (മൂലം കാതബ്ബം) പരാമാസം ആരബ്ഭ നോപരാമാസാ ഖന്ധാ ഉപ്പജ്ജന്തി. (മൂലം കാതബ്ബം) പരാമാസം ആരബ്ഭ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൧൯. നോപരാമാസോ ധമ്മോ നോപരാമാസസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം കത്വാ തം പച്ചവേക്ഖതി, അസ്സാദേതി അഭിനന്ദതി, തം ആരബ്ഭ രാഗോ…പേ… വിചികിച്ഛാ… ഉദ്ധച്ചം… ദോമനസ്സം ഉപ്പജ്ജതി; പുബ്ബേ സുചിണ്ണാനി …പേ… ഝാനാ വുട്ഠഹിത്വാ ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി. നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോപരാമാസേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും നോപരാമാസേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി, തം ആരബ്ഭ രാഗോ…പേ… വിചികിച്ഛാ… ഉദ്ധച്ചം… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നോപരാമാസചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോപരാമാസാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോപരാമാസോ ധമ്മോ പരാമാസസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… തം അസ്സാദേതി അഭിനന്ദതി, തം ആരബ്ഭ ദിട്ഠി ഉപ്പജ്ജതി, പുബ്ബേ…പേ… ഝാനാ…പേ… ചക്ഖും…പേ… വത്ഥും നോപരാമാസേ ഖന്ധേ അസ്സാദേതി അഭിനന്ദതി, തം ആരബ്ഭ ദിട്ഠി ഉപ്പജ്ജതി. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… തം അസ്സാദേതി അഭിനന്ദതി, തം ആരബ്ഭ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി, പുബ്ബേ…പേ… ഝാനാ …പേ… ചക്ഖും…പേ… വത്ഥും നോപരാമാസേ ഖന്ധേ അസ്സാദേതി അഭിനന്ദതി, തം ആരബ്ഭ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൨൦. പരാമാസോ ച നോപരാമാസോ ച ധമ്മാ പരാമാസസ്സ ധമ്മസ്സ ആരമ്മണപച്ചയേന പച്ചയോ – പരാമാസഞ്ച സമ്പയുത്തകേ ച ഖന്ധേ ആരബ്ഭ പരാമാസോ ഉപ്പജ്ജതി… തീണി.

അധിപതിപച്ചയോ

൨൧. പരാമാസോ ധമ്മോ പരാമാസസ്സ ധമ്മസ്സ അധിപതിപച്ചയേന പച്ചയോ – പരാമാസം ഗരും കത്വാ പരാമാസോ ഉപ്പജ്ജതി… തീണി (ആരമ്മണാധിപതിയേവ കാതബ്ബാ).

൨൨. നോപരാമാസോ ധമ്മോ നോപരാമാസസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… തം ഗരും കത്വാ പച്ചവേക്ഖതി, അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ…പേ… ഫലം ഗരും കത്വാ…പേ… നിബ്ബാനം ഗരും കത്വാ…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോപരാമാസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി. സഹജാതാധിപതി – നോപരാമാസാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോപരാമാസോ ധമ്മോ പരാമാസസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോപരാമാസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ദിട്ഠി ഉപ്പജ്ജതി. സഹജാതാധിപതി – നോപരാമാസാധിപതി പരാമാസസ്സ അധിപതിപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ …പേ… ചക്ഖും…പേ… വത്ഥും നോപരാമാസേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി. സഹജാതാധിപതി – നോപരാമാസാധിപതി സമ്പയുത്തകാനം ഖന്ധാനം പരാമാസസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

പരാമാസോ ച നോപരാമാസോ ച ധമ്മാ പരാമാസസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – പരാമാസഞ്ച സമ്പയുത്തകേ ച ഖന്ധേ ഗരും കത്വാ പരാമാസോ… തീണി.

അനന്തരപച്ചയോ

൨൩. പരാമാസോ ധമ്മോ പരാമാസസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ പരാമാസോ പച്ഛിമസ്സ പച്ഛിമസ്സ പരാമാസസ്സ അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ പരാമാസോ പച്ഛിമാനം പച്ഛിമാനം നോപരാമാസാനം ഖന്ധാനം അനന്തരപച്ചയേന പച്ചയോ; പരാമാസോ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ പരാമാസോ പച്ഛിമസ്സ പച്ഛിമസ്സ പരാമാസസ്സ സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൪. നോപരാമാസോ ധമ്മോ നോപരാമാസസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോപരാമാസാ ഖന്ധാ പച്ഛിമാനം പച്ഛിമാനം നോപരാമാസാനം ഖന്ധാനം അനന്തരപച്ചയേന പച്ചയോ…പേ… അനുലോമം ഫലസമാപത്തിയാ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ നോപരാമാസാ ഖന്ധാ പച്ഛിമസ്സ പച്ഛിമസ്സ പരാമാസസ്സ അനന്തരപച്ചയേന പച്ചയോ; ആവജ്ജനാ പരാമാസസ്സ അനന്തരപച്ചയേന പച്ചയോ. (മൂലം കാതബ്ബം) പുരിമാ പുരിമാ നോപരാമാസാ ഖന്ധാ പച്ഛിമസ്സ പച്ഛിമസ്സ പരാമാസസ്സ ച സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ; ആവജ്ജനാ പരാമാസസ്സ ച സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൫. പരാമാസോ ച നോപരാമാസോ ച ധമ്മാ പരാമാസസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ പരാമാസോ ച സമ്പയുത്തകാ ച ഖന്ധാ പച്ഛിമസ്സ പച്ഛിമസ്സ പരാമാസസ്സ അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ പരാമാസോ ച സമ്പയുത്തകാ ച ഖന്ധാ പച്ഛിമാനം പച്ഛിമാനം നോപരാമാസാനം ഖന്ധാനം അനന്തരപച്ചയേന പച്ചയോ; പരാമാസോ ച സമ്പയുത്തകാ ച ഖന്ധാ വുട്ഠാനസ്സ അനന്തരപച്ചയേന പച്ചയോ. (മൂലം കാതബ്ബം) പുരിമോ പുരിമോ പരാമാസോ ച സമ്പയുത്തകാ ച ഖന്ധാ പച്ഛിമസ്സ പച്ഛിമസ്സ പരാമാസസ്സ സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയാദി

൨൬. പരാമാസോ ധമ്മോ പരാമാസസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ… പഞ്ച.

ഉപനിസ്സയപച്ചയോ

൨൭. പരാമാസോ ധമ്മോ പരാമാസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പരാമാസോ പരാമാസസ്സ ഉപനിസ്സയപച്ചയേന പച്ചയോ… തീണി.

൨൮. നോപരാമാസോ ധമ്മോ നോപരാമാസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… മാനം ജപ്പേതി… സീലം…പേ… പഞ്ഞം… രാഗം… ദോസം… മോഹം… മാനം… പത്ഥനം… കായികം സുഖം…പേ… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി… പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം, സദ്ധായ…പേ… പഞ്ഞായ, രാഗസ്സ…പേ… പത്ഥനായ… കായികസ്സ സുഖസ്സ…പേ… മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോപരാമാസോ ധമ്മോ പരാമാസസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി, സീലം…പേ… പഞ്ഞം, രാഗം…പേ… പത്ഥനം, കായികം സുഖം…പേ… സേനാസനം ഉപനിസ്സായ ദിട്ഠിം ഗണ്ഹാതി; സദ്ധാ…പേ… സേനാസനം പരാമാസസ്സ ഉപനിസ്സയപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദിട്ഠിം ഗണ്ഹാതി, സീലം…പേ… സേനാസനം ഉപനിസ്സായ ദിട്ഠിം ഗണ്ഹാതി; സദ്ധാ…പേ… സേനാസനം പരാമാസസ്സ സമ്പയുത്തകാനഞ്ച ഖന്ധാനം ഉപനിസ്സയപച്ചയേന പച്ചയോ. (൩)

൨൯. പരാമാസോ ച നോപരാമാസോ ച ധമ്മാ പരാമാസസ്സ ധമ്മസ്സ ഉപനിസ്സയപച്ചയേന പച്ചയോ – തീണി ഉപനിസ്സയാ പരാമാസോ ച സമ്പയുത്തകാ ച ഖന്ധാ പരാമാസസ്സ ഉപനിസ്സയപച്ചയേന പച്ചയോ… തീണി.

പുരേജാതപച്ചയോ

൩൦. നോപരാമാസോ ധമ്മോ നോപരാമാസസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… വിപസ്സതി അസ്സാദേതി അഭിനന്ദതി, തം ആരബ്ഭ രാഗോ…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ…. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോപരാമാസാനം ഖന്ധാനം പുരേജാതപച്ചയേന പച്ചയോ. (൧)

നോപരാമാസോ ധമ്മോ പരാമാസസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ദിട്ഠി ഉപ്പജ്ജതി. വത്ഥുപുരേജാതം – വത്ഥു പരാമാസസ്സ പുരേജാതപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു പരാമാസസ്സ ച സമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതാസേവനപച്ചയാ

൩൧. പരാമാസോ ധമ്മോ നോപരാമാസസ്സ ധമ്മസ്സ പച്ഛാജാതപച്ചയേന പച്ചയോ… തീണി (പച്ഛാജാതാ കാതബ്ബാ)… ആസേവനപച്ചയേന പച്ചയോ… നവ.

കമ്മപച്ചയോ

൩൨. നോപരാമാസോ ധമ്മോ നോപരാമാസസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോപരാമാസാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോപരാമാസാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (മൂലം കാതബ്ബം) നോപരാമാസാ ചേതനാ പരാമാസസ്സ കമ്മപച്ചയേന പച്ചയോ. (മൂലം കാതബ്ബം) നോപരാമാസാ ചേതനാ പരാമാസസ്സ ച സമ്പയുത്തകാനഞ്ച ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകപച്ചയാദി

൩൩. നോപരാമാസോ ധമ്മോ നോപരാമാസസ്സ ധമ്മസ്സ വിപാകപച്ചയേന പച്ചയോ… ഏകം… ആഹാരപച്ചയേന പച്ചയോ… തീണി, ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി.

പരാമാസോ ധമ്മോ നോപരാമാസസ്സ ധമ്മസ്സ മഗ്ഗപച്ചയേന പച്ചയോ – പരാമാസാനി മഗ്ഗങ്ഗാനി…പേ… (ഏവം പഞ്ച പഞ്ഹാ കാതബ്ബാ) സമ്പയുത്തപച്ചയേന പച്ചയോ… പഞ്ച.

വിപ്പയുത്തപച്ചയോ

൩൪. പരാമാസോ ധമ്മോ നോപരാമാസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

നോപരാമാസോ ധമ്മോ നോപരാമാസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

നോപരാമാസോ ധമ്മോ പരാമാസസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു പരാമാസസ്സ വിപ്പയുത്തപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു പരാമാസസ്സ ച സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

പരാമാസോ ച നോപരാമാസോ ച ധമ്മാ നോപരാമാസസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അത്ഥിപച്ചയോ

൩൫. പരാമാസോ ധമ്മോ നോപരാമാസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതോ – പരാമാസോ സമ്പയുത്തകാനഞ്ച ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതോ – പരാമാസോ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൧)

൩൬. നോപരാമാസോ ധമ്മോ നോപരാമാസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). (൧)

നോപരാമാസോ ധമ്മോ പരാമാസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – നോപരാമാസാ ഖന്ധാ പരാമാസസ്സ അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ദിട്ഠി ഉപ്പജ്ജതി, വത്ഥു പരാമാസസ്സ അത്ഥിപച്ചയേന പച്ചയോ. (൨)

നോപരാമാസോ ധമ്മോ പരാമാസസ്സ ച നോപരാമാസസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോപരാമാസോ ഏകോ ഖന്ധോ തിണ്ണന്നം ഖന്ധാനം പരാമാസസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ പരാമാസോ ച സമ്പയുത്തകാ ച ഖന്ധാ ഉപ്പജ്ജന്തി, വത്ഥു പരാമാസസ്സ ച സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ. (൩)

൩൭. പരാമാസോ ച നോപരാമാസോ ച ധമ്മാ നോപരാമാസസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോപരാമാസോ ഏകോ ഖന്ധോ ച പരാമാസോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… പരാമാസോ ച സമ്പയുത്തകാ ച ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പരാമാസോ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പരാമാസോ ച വത്ഥു ച നോപരാമാസാനം ഖന്ധാനം അത്ഥിപച്ചയേന പച്ചയോ. പച്ഛാജാതോ – പരാമാസോ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതോ – പരാമാസോ ച സമ്പയുത്തകാ ച ഖന്ധാ കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതോ – പരാമാസോ ച സമ്പയുത്തകാ ച ഖന്ധാ രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൧)