൧. വിഭങ്ഗവാരോ

ഹേതുപച്ചയോ

൧൨൧. ആസവോ ചേവ ആസവസമ്പയുത്തോ ച ധമ്മോ ആസവസ്സ ചേവ ആസവസമ്പയുത്തസ്സ ച ധമ്മസ്സ ഹേതുപച്ചയേന പച്ചയോ… തീണി.

ആസവസമ്പയുത്തോ ചേവ നോ ച ആസവോ ധമ്മോ ആസവസമ്പയുത്തസ്സ ചേവ നോ ച ആസവസ്സ ധമ്മസ്സ ഹേതുപച്ചയേന പച്ചയോ – ആസവസമ്പയുത്താ ചേവ നോ ച ആസവാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആരമ്മണപച്ചയാദി

൧൨൨. ആസവോ ചേവ ആസവസമ്പയുത്തോ ച ധമ്മോ ആസവസ്സ ചേവ ആസവസമ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ… തീണി.

ആസവസമ്പയുത്തോ ചേവ നോ ച ആസവോ ധമ്മോ ആസവസമ്പയുത്തസ്സ ചേവ നോ ച ആസവസ്സ ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ചേവ നോ ച ആസവേ ഖന്ധേ ആരബ്ഭ ആസവസമ്പയുത്താ ചേവ നോ ച ആസവാ ഖന്ധാ ഉപ്പജ്ജന്തി. (൧)

ആസവസമ്പയുത്തോ ചേവ നോ ച ആസവോ ധമ്മോ ആസവസ്സ ചേവ ആസവസമ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ചേവ നോ ച ആസവേ ഖന്ധേ ആരബ്ഭ ആസവാ ഉപ്പജ്ജന്തി. (൨)

ആസവസമ്പയുത്തോ ചേവ നോ ച ആസവോ ധമ്മോ ആസവസ്സ ചേവ ആസവസമ്പയുത്തസ്സ ച ആസവസമ്പയുത്തസ്സ ചേവ നോ ച ആസവസ്സ ച ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ചേവ നോ ച ആസവേ ഖന്ധേ ആരബ്ഭ ആസവാ ച ആസവസമ്പയുത്തകാ ച ഖന്ധാ ഉപ്പജ്ജന്തി. (൩)

ആസവോ ചേവ ആസവസമ്പയുത്തോ ച ആസവസമ്പയുത്തോ ചേവ നോ ച ആസവോ ച ധമ്മാ ആസവസ്സ ചേവ ആസവസമ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ … തീണി.

അധിപതിപച്ചയാ… (ആരമ്മണസദിസാ, ഗരുകാരമ്മണാ) അനന്തരപച്ചയാ… (ആരമ്മണസദിസായേവ, പുരിമാ പുരിമാതി കാതബ്ബാ.) സമനന്തരപച്ചയാ… സഹജാതപച്ചയാ… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ (ആരമ്മണസദിസംയേവ, വിഭജനാ നത്ഥി… തീണി. ഉപനിസ്സയം സബ്ബം കാതബ്ബം).

കമ്മപച്ചയാദി

൧൨൩. ആസവസമ്പയുത്തോ ചേവ നോ ച ആസവോ ധമ്മോ ആസവസമ്പയുത്തസ്സ ചേവ നോ ച ആസവസ്സ ധമ്മസ്സ കമ്മപച്ചയേന പച്ചയോ… തീണി… ആഹാരപച്ചയേന പച്ചയോ… തീണി… ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ… അത്ഥിപച്ചയേന പച്ചയോ… നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ… നവ.