൧. വിഭങ്ഗവാരോ

ഹേതുപച്ചയോ

൧൧൫. ആസവഞ്ചേവ ആസവസമ്പയുത്തഞ്ച ധമ്മം പടിച്ച ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമാസവം പടിച്ച ദിട്ഠാസവോ അവിജ്ജാസവോ (ചക്കം ബന്ധിതബ്ബം). ഭവാസവം പടിച്ച അവിജ്ജാസവോ (ചക്കം ബന്ധിതബ്ബം). ദിട്ഠാസവം പടിച്ച അവിജ്ജാസവോ. (൧)

ആസവഞ്ചേവ ആസവസമ്പയുത്തഞ്ച ധമ്മം പടിച്ച ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ – ആസവേ പടിച്ച സമ്പയുത്തകാ ഖന്ധാ. (൨)

ആസവഞ്ചേവ ആസവസമ്പയുത്തഞ്ച ധമ്മം പടിച്ച ആസവോ ചേവ ആസവസമ്പയുത്തോ ച ആസവസമ്പയുത്തോ ചേവ നോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ – ആസവസമ്പയുത്തം കാമാസവം പടിച്ച ദിട്ഠാസവോ അവിജ്ജാസവോ സമ്പയുത്തകാ ച ഖന്ധാ (സബ്ബം ചക്കം). (൩)

൧൧൬. ആസവസമ്പയുത്തഞ്ചേവ നോ ച ആസവം ധമ്മം പടിച്ച ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തഞ്ചേവ നോ ച ആസവം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ആസവസമ്പയുത്തഞ്ചേവ നോ ച ആസവം ധമ്മം പടിച്ച ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തഞ്ചേവ നോ ച ആസവേ ഖന്ധേ പടിച്ച ആസവാ. (൨)

ആസവസമ്പയുത്തഞ്ചേവ നോ ച ആസവം ധമ്മം പടിച്ച ആസവോ ചേവ ആസവസമ്പയുത്തോ ച ആസവസമ്പയുത്തോ ചേവ നോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ – ആസവസമ്പയുത്തഞ്ചേവ നോ ച ആസവം ഏകം ഖന്ധം പടിച്ച തയോ ഖന്ധാ ആസവാ ച…പേ… ദ്വേ ഖന്ധേ…പേ…. (൩)

൧൧൭. ആസവഞ്ചേവ ആസവസമ്പയുത്തഞ്ച ആസവസമ്പയുത്തഞ്ചേവ നോ ച ആസവഞ്ച ധമ്മം പടിച്ച ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ – കാമാസവഞ്ച സമ്പയുത്തകേ ച ഖന്ധേ പടിച്ച ദിട്ഠാസവോ അവിജ്ജാസവോ (സബ്ബം ചക്കം). (൧)

ആസവഞ്ചേവ ആസവസമ്പയുത്തഞ്ച ആസവസമ്പയുത്തഞ്ചേവ നോ ച ആസവഞ്ച ധമ്മം പടിച്ച ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തഞ്ചേവ നോ ച ആസവം ഏകം ഖന്ധഞ്ച ആസവേ ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൨)

ആസവഞ്ചേവ ആസവസമ്പയുത്തഞ്ച ആസവസമ്പയുത്തഞ്ചേവ നോ ച ആസവഞ്ച ധമ്മം പടിച്ച ആസവോ ചേവ ആസവസമ്പയുത്തോ ച ആസവസമ്പയുത്തോ ചേവ നോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ – ആസവസമ്പയുത്തഞ്ചേവ നോ ച ആസവം ഏകം ഖന്ധഞ്ച കാമാസവഞ്ച പടിച്ച തയോ ഖന്ധാ ദിട്ഠാസവോ അവിജ്ജാസവോ…പേ… ദ്വേ ഖന്ധേ…പേ…. (൩)

(ചക്കം. ഏവം സബ്ബേ പച്ചയാ കാതബ്ബാ.)