൨. സങ്ഖ്യാവാരോ

സുദ്ധം

൧൦൨. ഹേതുയാ നവ, ആരമ്മണേ നവ, അധിപതിയാ പഞ്ച, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ ചത്താരി, വിപാകേ ഏകം, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ ചത്താരി, സമ്പയുത്തേ ഛ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

പച്ചനീയുദ്ധാരോ

൧൦൩. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൧൦൪. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

൧൦൫. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)