൧. വിഭങ്ഗവാരോ

ഹേതുപച്ചയോ

൭൪. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ആസവസമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ആസവസമ്പയുത്താ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; ദോസോ മോഹസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ആസവസമ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദോസോ സമ്പയുത്തകാനം ഖന്ധാനം മോഹസ്സ ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൭൫. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ആസവവിപ്പയുത്താ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൭൬. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദോസോ ച മോഹോ ച ആസവസമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ ഹേതുപച്ചയേന പച്ചയോ – ദോസോ ച മോഹോ ച ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഹേതുപച്ചയേന പച്ചയോ – ദോസോ ച മോഹോ ച സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൭൭. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ഖന്ധേ ആരബ്ഭ ആസവസമ്പയുത്തകാ ഖന്ധാ ഉപ്പജ്ജന്തി. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ഖന്ധേ ആരബ്ഭ ആസവവിപ്പയുത്താ ഖന്ധാ ച മോഹോ ച ഉപ്പജ്ജന്തി. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ആസവസമ്പയുത്തേ ഖന്ധേ ആരബ്ഭ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൭൮. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗം…പേ… ഫലം…പേ… നിബ്ബാനം…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ ആസവവിപ്പയുത്തേ പഹീനേ കിലേസേ പച്ചവേക്ഖന്തി; വിക്ഖമ്ഭിതേ…പേ… പുബ്ബേ…പേ… ചക്ഖും…പേ… വത്ഥും ആസവവിപ്പയുത്തേ ഖന്ധേ അനിച്ചതോ ദുക്ഖതോ അനത്തതോ വിപസ്സതി. (ഇധ അസ്സാദനാ നത്ഥി) ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന ആസവവിപ്പയുത്തചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ആസവവിപ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ മോഹസ്സ ആരമ്മണപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി; പുബ്ബേ സുചിണ്ണാനി…പേ… ഝാനാ വുട്ഠഹിത്വാ ഝാനം…പേ… ചക്ഖും…പേ… വത്ഥും ആസവവിപ്പയുത്തേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ…പേ… ദിട്ഠി… ദോമനസ്സം… വിചികിച്ഛാ… ഉദ്ധച്ചം ഉപ്പജ്ജതി. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും…പേ… വത്ഥും ആസവവിപ്പയുത്തേ ഖന്ധേ ആരബ്ഭ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൭൯. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദോമനസ്സസഹഗതേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ആസവസമ്പയുത്താ ഖന്ധാ ഉപ്പജ്ജന്തി. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദോമനസ്സസഹഗതേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ആസവവിപ്പയുത്താ ഖന്ധാ ച മോഹോ ച ഉപ്പജ്ജന്തി. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആരമ്മണപച്ചയേന പച്ചയോ – ദോമനസ്സസഹഗതേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

അധിപതിപച്ചയോ

൮൦. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ആസവസമ്പയുത്തേ ഖന്ധേ ഗരും കത്വാ ആസവസമ്പയുത്തകാ ഖന്ധാ ഉപ്പജ്ജന്തി. സഹജാതാധിപതി – ആസവസമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – ആസവസമ്പയുത്താധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ; ദോമനസ്സസഹഗതാധിപതി മോഹസ്സ ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – ആസവസമ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ; ദോമനസ്സസഹഗതാധിപതി സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൮൧. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ, സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി; പുബ്ബേ സുചിണ്ണാനി…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം…പേ… ഫലം…പേ… നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ. സഹജാതാധിപതി – ആസവവിപ്പയുത്താധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി, പുബ്ബേ സുചിണ്ണാനി…പേ… ഝാനാ…പേ… ചക്ഖും…പേ… വത്ഥും ആസവവിപ്പയുത്തേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയോ

൮൨. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ആസവസമ്പയുത്തകാ ഖന്ധാ പച്ഛിമാനം പച്ഛിമാനം ആസവസമ്പയുത്തകാനം ഖന്ധാനം അനന്തരപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ പച്ഛിമസ്സ പച്ഛിമസ്സ ദോമനസ്സസഹഗതസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; ആസവസമ്പയുത്താ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ പച്ഛിമാനം പച്ഛിമാനം ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൮൩. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമസ്സ പച്ഛിമസ്സ ദോമനസ്സസഹഗതസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; പുരിമാ പുരിമാ ആസവവിപ്പയുത്താ ഖന്ധാ പച്ഛിമാനം പച്ഛിമാനം ആസവവിപ്പയുത്താനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ; ആവജ്ജനാ ആസവസമ്പയുത്തകാനം ഖന്ധാനം അനന്തരപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ; ആവജ്ജനാ ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൮൪. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമസ്സ പച്ഛിമസ്സ ദോമനസ്സസഹഗതസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച വുട്ഠാനസ്സ അനന്തരപച്ചയേന പച്ചയോ. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

സമനന്തരപച്ചയാദി

൮൫. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… ഛ… നിസ്സയപച്ചയേന പച്ചയോ… നവ.

ഉപനിസ്സയപച്ചയോ

൮൬. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആസവസമ്പയുത്താ ഖന്ധാ ആസവസമ്പയുത്താനം ഖന്ധാനം ഉപനിസ്സയപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആസവസമ്പയുത്താ ഖന്ധാ ആസവവിപ്പയുത്താനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആസവസമ്പയുത്തകാ ഖന്ധാ ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൮൭. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സീലം…പേ… പഞ്ഞം… കായികം സുഖം…പേ… സേനാസനം… മോഹം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സദ്ധാ…പേ… പഞ്ഞാ… കായികം സുഖം… കായികം ദുക്ഖം… മോഹോ ച സദ്ധായ…പേ… മോഹസ്സ ച ഉപനിസ്സയപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം… മോഹം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… മോഹോ ച രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധാ… സീലം…പേ… മോഹോ ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൮൮. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ …പേ…. പകതൂപനിസ്സയോ – ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ആസവസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (പുച്ഛിതബ്ബം മൂലം) ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ആസവസമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൮൯. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ ദുക്ഖതോ അനത്തതോ വിപസ്സതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു ആസവവിപ്പയുത്താനം ഖന്ധാനം മോഹസ്സ ച പുരേജാതപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. വത്ഥുപുരേജാതം – വത്ഥു ആസവസമ്പയുത്തകാനം ഖന്ധാനം പുരേജാതപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. വത്ഥുപുരേജാതം – വത്ഥു ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൩)

പച്ഛാജാതപച്ചയോ

൯൦. ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ആസവസമ്പയുത്തകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ആസവവിപ്പയുത്താ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൯൧. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആസേവനപച്ചയേന പച്ചയോ… നവ (ആവജ്ജനാപി വുട്ഠാനമ്പി നത്ഥി ).

കമ്മപച്ചയോ

൯൨. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ കമ്മപച്ചയേന പച്ചയോ – ആസവസമ്പയുത്തകാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ആസവസമ്പയുത്താ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ചേതനാ മോഹസ്സ ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – ആസവസമ്പയുത്തകാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ കമ്മപച്ചയേന പച്ചയോ – ആസവസമ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ചേതനാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ആസവവിപ്പയുത്താ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ ആസവവിപ്പയുത്താ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൯൩. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ വിപാകപച്ചയേന പച്ചയോ… ഏകം.

ആഹാരപച്ചയോ

൯൪. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ആഹാരപച്ചയേന പച്ചയോ – ആസവസമ്പയുത്താ ആഹാരാ സമ്പയുത്തകാനം ഖന്ധാനം ആഹാരപച്ചയേന പച്ചയോ. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആഹാരപച്ചയേന പച്ചയോ – ആസവസമ്പയുത്താ ആഹാരാ ചിത്തസമുട്ഠാനാനം രൂപാനം ആഹാരപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ആഹാരാ മോഹസ്സ ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ ആഹാരപച്ചയേന പച്ചയോ – ആസവസമ്പയുത്താ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ആഹാരാ സമ്പയുത്തകാനം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൩)

൯൫. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ ആഹാരപച്ചയേന പച്ചയോ – ആസവവിപ്പയുത്താ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)

ഇന്ദ്രിയപച്ചയാദി

൯൬. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ ഇന്ദ്രിയപച്ചയേന പച്ചയോ… ചത്താരി… ഝാനപച്ചയേന പച്ചയോ… ചത്താരി… മഗ്ഗപച്ചയേന പച്ചയോ… ചത്താരി… സമ്പയുത്തപച്ചയേന പച്ചയോ… ഛ.

വിപ്പയുത്തപച്ചയോ

൯൭. ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ആസവസമ്പയുത്താ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ആസവസമ്പയുത്താ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം. വിത്ഥാരേതബ്ബം). (൧)

൯൮. ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ആസവസമ്പയുത്തകാനം ഖന്ധാനം വിപ്പയുത്തപച്ചയേന പച്ചയോ. (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ദോമനസ്സസഹഗതാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൯൯. ആസവസമ്പയുത്തോ ധമ്മോ ആസവസമ്പയുത്തസ്സ ധമ്മസ്സ അത്ഥിപച്ചയേന പച്ചയോ… ഏകം. (൧)

ആസവസമ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ആസവസമ്പയുത്താ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ മോഹസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ആസവസമ്പയുത്താ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ആസവസമ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ (സഹജാതസദിസം). (൩)

൧൦൦. ആസവവിപ്പയുത്തോ ധമ്മോ ആസവവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം, വിത്ഥാരേതബ്ബം). (൧)

ആസവവിപ്പയുത്തോ ധമ്മോ ആസവസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി, ദോമനസ്സം ഉപ്പജ്ജതി, വത്ഥു ആസവസമ്പയുത്തകാനം ഖന്ധാനം അത്ഥിപച്ചയേന പച്ചയോ. (൨)

ആസവവിപ്പയുത്തോ ധമ്മോ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും ആരബ്ഭ ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൧൦൧. ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ആസവസമ്പയുത്തോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം അത്ഥിപച്ചയേന പച്ചയോ; ദ്വേ ഖന്ധാ ച…പേ…. (൧)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവവിപ്പയുത്തസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – ആസവസമ്പയുത്താ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ദോമനസ്സസഹഗതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച വത്ഥു ച മോഹസ്സ അത്ഥിപച്ചയേന പച്ചയോ. പച്ഛാജാതാ – ആസവസമ്പയുത്താ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ആസവസമ്പയുത്താ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ആസവസമ്പയുത്തോ ച ആസവവിപ്പയുത്തോ ച ധമ്മാ ആസവസമ്പയുത്തസ്സ ച ആസവവിപ്പയുത്തസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – ദോമനസ്സസഹഗതോ വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം മോഹസ്സ ച…പേ… ദ്വേ ഖന്ധാ ച…പേ…. (൩)