൧. വിഭങ്ഗവാരോ

ഹേതുപച്ചയോ

൧. ആസവം ധമ്മം പടിച്ച ആസവോ ധമ്മോ ഉപ്പജ്ജതി ഹേതുപച്ചയാ – കാമാസവം പടിച്ച ദിട്ഠാസവോ അവിജ്ജാസവോ, ദിട്ഠാസവം പടിച്ച കാമാസവോ അവിജ്ജാസവോ, അവിജ്ജാസവം പടിച്ച കാമാസവോ ദിട്ഠാസവോ, ഭവാസവം പടിച്ച അവിജ്ജാസവോ, ദിട്ഠാസവം പടിച്ച അവിജ്ജാസവോ (ഏകേകമ്പി ചക്കം കാതബ്ബം). (൧)

ആസവം ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ – ആസവം പടിച്ച ആസവസമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൨)

ആസവം ധമ്മം പടിച്ച ആസവോ ച നോആസവോ ച ധമ്മാ ഉപ്പജ്ജന്തി ഹേതുപച്ചയാ – കാമാസവം പടിച്ച ദിട്ഠാസവോ അവിജ്ജാസവോ സമ്പയുത്തകാ ച ഖന്ധാ ചിത്തസമുട്ഠാനഞ്ച രൂപം (ചക്കം). (൩)

൨. നോആസവം ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ – നോആസവം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനം രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നോആസവം ധമ്മം പടിച്ച ആസവോ ധമ്മോ ഉപ്പജ്ജതി ഹേതുപച്ചയാ – നോആസവേ ഖന്ധേ പടിച്ച ആസവാ. (൨)

നോആസവം ധമ്മം പടിച്ച ആസവോ ച നോആസവോ ച ധമ്മാ ഉപ്പജ്ജന്തി ഹേതുപച്ചയാ – നോആസവം ഏകം ഖന്ധം പടിച്ച തയോ ഖന്ധാ ആസവാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൩. ആസവഞ്ച നോആസവഞ്ച ധമ്മം പടിച്ച ആസവോ ധമ്മോ ഉപ്പജ്ജതി ഹേതുപച്ചയാ – കാമാസവഞ്ച സമ്പയുത്തകേ ച ഖന്ധേ പടിച്ച ദിട്ഠാസവോ അവിജ്ജാസവോ (ചക്കം ബന്ധിതബ്ബം). (൧)

ആസവഞ്ച നോആസവഞ്ച ധമ്മം പടിച്ച നോആസവോ ധമ്മോ ഉപ്പജ്ജതി ഹേതുപച്ചയാ – നോആസവം ഏകം ഖന്ധഞ്ച ആസവേ ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൨)

ആസവഞ്ച നോആസവഞ്ച ധമ്മം പടിച്ച ആസവോ ച നോആസവോ ച ധമ്മാ ഉപ്പജ്ജന്തി ഹേതുപച്ചയാ – നോആസവം ഏകം ഖന്ധഞ്ച കാമാസവഞ്ച പടിച്ച തയോ ഖന്ധാ ദിട്ഠാസവോ അവിജ്ജാസവോ ചിത്തസമുട്ഠാനഞ്ച രൂപം…പേ… ദ്വേ ഖന്ധേ ച…പേ… (ചക്കം. സംഖിത്തം). (൩)