൧. വിഭങ്ഗവാരോ

ഹേതുപച്ചയോ

൪൮. ആസവസമ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ആസവസമ്പയുത്തം ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തേ ഖന്ധേ പടിച്ച ചിത്തസമുട്ഠാനം രൂപം, ദോമനസ്സസഹഗതേ ഖന്ധേ പടിച്ച മോഹോ ചിത്തസമുട്ഠാനഞ്ച രൂപം. (൨)

ആസവസമ്പയുത്തം ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ആസവസമ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം ഏകം ഖന്ധം പടിച്ച തയോ ഖന്ധാ മോഹോ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൪൯. ആസവവിപ്പയുത്തം ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ആസവവിപ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ, ഏകം മഹാഭൂതം പടിച്ച തയോ മഹാഭൂതാ, തയോ മഹാഭൂതേ പടിച്ച ഏകം മഹാഭൂതം, ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

ആസവവിപ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൨)

ആസവവിപ്പയുത്തം ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൫൦. ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ – ആസവസമ്പയുത്തേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, ദോമനസ്സസഹഗതേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ…. (൩)

ആരമ്മണപച്ചയോ

൫൧. ആസവസമ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ആസവസമ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ആസവസമ്പയുത്തം ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദോമനസ്സസഹഗതേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച മോഹോ. (൨)

ആസവസമ്പയുത്തം ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി ആരമ്മണപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൫൨. ആസവവിപ്പയുത്തം ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ആസവവിപ്പയുത്തം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… വത്ഥും പടിച്ച ഖന്ധാ. (൧) ആസവവിപ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൨)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി ആരമ്മണപച്ചയാ – ദോമനസ്സസഹഗതം വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൫൩. ആസവസമ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി അധിപതിപച്ചയാ… തീണി.

ആസവവിപ്പയുത്തം ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി അധിപതിപച്ചയാ – ആസവവിപ്പയുത്തം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ദോമനസ്സസഹഗതം മോഹം പടിച്ച ചിത്തസമുട്ഠാനം രൂപം, ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

ആസവവിപ്പയുത്തം ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി അധിപതിപച്ചയാ – ദോമനസ്സസഹഗതം മോഹം പടിച്ച സമ്പയുത്തകാ ഖന്ധാ. (൨)

ആസവവിപ്പയുത്തം ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി അധിപതിപച്ചയാ – ദോമനസ്സസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം. (൩)

൫൪. ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവസമ്പയുത്തോ ധമ്മോ ഉപ്പജ്ജതി അധിപതിപച്ചയാ – ദോമനസ്സസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവവിപ്പയുത്തോ ധമ്മോ ഉപ്പജ്ജതി അധിപതിപച്ചയാ – ആസവസമ്പയുത്തേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, ദോമനസ്സസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം. (൨)

ആസവസമ്പയുത്തഞ്ച ആസവവിപ്പയുത്തഞ്ച ധമ്മം പടിച്ച ആസവസമ്പയുത്തോ ച ആസവവിപ്പയുത്തോ ച ധമ്മാ ഉപ്പജ്ജന്തി അധിപതിപച്ചയാ – ദോമനസ്സസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

(ഏവം സബ്ബേ പച്ചയാ വിത്ഥാരേതബ്ബാ. സംഖിത്തം.)