൧. വിഭങ്ഗവാരോ

ഹേതുപച്ചയോ

൧൬. ആസവോ ധമ്മോ ആസവസ്സ ധമ്മസ്സ ഹേതുപച്ചയേന പച്ചയോ – കാമാസവോ ദിട്ഠാസവസ്സ അവിജ്ജാസവസ്സ ഹേതുപച്ചയേന പച്ചയോ; ഭവാസവോ അവിജ്ജാസവസ്സ ഹേതുപച്ചയേന പച്ചയോ (ചക്കം). (൧)

ആസവോ ധമ്മോ നോആസവസ്സ ധമ്മസ്സ ഹേതുപച്ചയേന പച്ചയോ – ആസവാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൨)

ആസവോ ധമ്മോ ആസവസ്സ ച നോആസവസ്സ ച ധമ്മസ്സ ഹേതുപച്ചയേന പച്ചയോ – കാമാസവോ ദിട്ഠാസവസ്സ അവിജ്ജാസവസ്സ സമ്പയുത്തകാനഞ്ച ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

൧൭. നോആസവോ ധമ്മോ നോആസവസ്സ ധമ്മസ്സ ഹേതുപച്ചയേന പച്ചയോ – നോആസവാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

നോആസവോ ധമ്മോ ആസവസ്സ ധമ്മസ്സ ഹേതുപച്ചയേന പച്ചയോ – നോആസവാ ഹേതൂ സമ്പയുത്തകാനം ആസവാനം ഹേതുപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ ഹേതുപച്ചയേന പച്ചയോ – നോആസവാ ഹേതൂ സമ്പയുത്തകാനം ഖന്ധാനം ആസവാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആസവോ ച നോആസവോ ച ധമ്മാ നോആസവസ്സ ധമ്മസ്സ ഹേതുപച്ചയേന പച്ചയോ – ആസവാ ച നോആസവാ ച ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൧)

ആരമ്മണപച്ചയോ

൧൮. ആസവോ ധമ്മോ ആസവസ്സ ധമ്മസ്സ ആരമ്മണപച്ചയേന പച്ചയോ – ആസവേ ആരബ്ഭ ആസവാ ഉപ്പജ്ജന്തി. (൧)

ആസവോ ധമ്മോ നോആസവസ്സ ധമ്മസ്സ ആരമ്മണപച്ചയേന പച്ചയോ – ആസവേ ആരബ്ഭ നോആസവാ ഖന്ധാ ഉപ്പജ്ജന്തി. (൨)

ആസവോ ധമ്മോ ആസവസ്സ ച നോആസവസ്സ ച ധമ്മസ്സ ആരമ്മണപച്ചയേന പച്ചയോ – ആസവേ ആരബ്ഭ ആസവാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൧൯. നോആസവോ ധമ്മോ നോആസവസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി, നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ, ആവജ്ജനായ ആരമ്മണപച്ചയേന പച്ചയോ; അരിയാ നോആസവേ പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ കിലേസേ ജാനന്തി, ചക്ഖും…പേ… വത്ഥും നോആസവേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന നോആസവചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നോആസവാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ…പേ… തം അസ്സാദേതി അഭിനന്ദതി, തം ആരബ്ഭ ആസവാ ഉപ്പജ്ജന്തി, സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… ചക്ഖും…പേ… വത്ഥും നോആസവേ ഖന്ധേ അസ്സാദേതി അഭിനന്ദതി, തം ആരബ്ഭ ആസവാ ഉപ്പജ്ജന്തി. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ ആരമ്മണപച്ചയേന പച്ചയോ – ദാനം ദത്വാ…പേ… (ദുതിയഗമനം) നോആസവേ ഖന്ധേ അസ്സാദേതി അഭിനന്ദതി, തം ആരബ്ഭ ആസവാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

൨൦. ആസവോ ച നോആസവോ ച ധമ്മാ ആസവസ്സ ധമ്മസ്സ ആരമ്മണപച്ചയേന പച്ചയോ – ആസവേ ച സമ്പയുത്തകേ ച ഖന്ധേ ആരബ്ഭ ആസവാ ഉപ്പജ്ജന്തി. (൧)

ആസവോ ച നോആസവോ ച ധമ്മാ നോആസവസ്സ ധമ്മസ്സ ആരമ്മണപച്ചയേന പച്ചയോ – ആസവേ ച സമ്പയുത്തകേ ച ഖന്ധേ ആരബ്ഭ നോആസവാ ഖന്ധാ ഉപ്പജ്ജന്തി. (൨)

ആസവോ ച നോആസവോ ച ധമ്മാ ആസവസ്സ ച നോആസവസ്സ ച ധമ്മസ്സ ആരമ്മണപച്ചയേന പച്ചയോ – ആസവേ ച സമ്പയുത്തകേ ച ഖന്ധേ ആരബ്ഭ ആസവാ ച സമ്പയുത്തകാ ച ഖന്ധാ ഉപ്പജ്ജന്തി. (൩)

അധിപതിപച്ചയോ

൨൧. ആസവോ ധമ്മോ ആസവസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ആസവേ ഗരും കത്വാ ആസവാ ഉപ്പജ്ജന്തി (തീണി ആരമ്മണസദിസാ, ഗരുകാരമ്മണാ കാതബ്ബാ).

നോആസവോ ധമ്മോ നോആസവസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ…പേ… അരിയാ മഗ്ഗാ…പേ… ഫലം…പേ… നിബ്ബാനം ഗരും…പേ… നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും നോആസവേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോആസവാ അധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… നോആസവേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ ആസവാ ഉപ്പജ്ജന്തി. സഹജാതാധിപതി – നോആസവാ അധിപതി സമ്പയുത്തകാനം ആസവാനം അധിപതിപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… നോആസവേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നോആസവാ അധിപതി സമ്പയുത്തകാനം ഖന്ധാനം ആസവാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

ആസവോ ച നോആസവോ ച ധമ്മാ ആസവസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ആസവേ ച സമ്പയുത്തകേ ച ഖന്ധേ ഗരും കത്വാ അസ്സാദേതി…പേ… ആസവാ ഉപ്പജ്ജന്തി (തീണി, ഗരുകാരമ്മണാ).

അനന്തരപച്ചയോ

൨൨. ആസവോ ധമ്മോ ആസവസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ആസവാ പച്ഛിമാനം പച്ഛിമാനം ആസവാനം അനന്തരപച്ചയേന പച്ചയോ. (൧)

ആസവോ ധമ്മോ നോആസവസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ആസവാ പച്ഛിമാനം പച്ഛിമാനം നോആസവാനം ഖന്ധാനം അനന്തരപച്ചയേന പച്ചയോ; ആസവാ വുട്ഠാനസ്സ അനന്തരപച്ചയേന പച്ചയോ. (൨)

ആസവോ ധമ്മോ ആസവസ്സ ച നോആസവസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ ആസവാ പച്ഛിമാനം പച്ഛിമാനം ആസവാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൩. നോആസവോ ധമ്മോ നോആസവസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോആസവാ ഖന്ധാ പച്ഛിമാനം പച്ഛിമാനം നോആസവാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… ഫലസമാപത്തിയാ അനന്തരപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോആസവാ ഖന്ധാ പച്ഛിമാനം പച്ഛിമാനം ആസവാനം അനന്തരപച്ചയേന പച്ചയോ; ആവജ്ജനാ ആസവാനം അനന്തരപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ നോആസവാ ഖന്ധാ പച്ഛിമാനം പച്ഛിമാനം ആസവാനം സമ്പയുത്തകാനഞ്ച ഖന്ധാനം അനന്തരപച്ചയേന പച്ചയോ. (൩)

൨൪. ആസവോ ച നോആസവോ ച ധമ്മാ ആസവസ്സ ധമ്മസ്സ അനന്തരപച്ചയേന പച്ചയോ… തീണി.

സമനന്തരപച്ചയാദി

൨൫. ആസവോ ധമ്മോ ആസവസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ… നവ… അഞ്ഞമഞ്ഞപച്ചയേന പച്ചയോ… നവ… നിസ്സയപച്ചയേന പച്ചയോ… നവ (വത്ഥു ച ദസ്സേതബ്ബം).

ഉപനിസ്സയപച്ചയോ

൨൬. ആസവോ ധമ്മോ ആസവസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – ആസവാ ആസവാനം ഉപനിസ്സയപച്ചയേന പച്ചയോ (തീണി).

൨൭. നോആസവോ ധമ്മോ നോആസവസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സങ്ഘം ഭിന്ദതി, സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… സേനാസനം ഉപനിസ്സായ…പേ… പാണം ഹനതി…പേ… സങ്ഘം ഭിന്ദതി, സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൩)

ആസവോ ച നോആസവോ ച ധമ്മാ ആസവസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ… തീണി.

പുരേജാതപച്ചയോ

൨൮. നോആസവോ ധമ്മോ നോആസവസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും …പേ… വത്ഥും (ഏവം വിത്ഥാരേതബ്ബം), ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ, വത്ഥു നോആസവാനം ഖന്ധാനം പുരേജാതപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ആസവാ ഉപ്പജ്ജന്തി. വത്ഥുപുരേജാതം – വത്ഥു ആസവാനം പുരേജാതപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ആസവാ ച സമ്പയുത്തകാ ച ഖന്ധാ ഉപ്പജ്ജന്തി. വത്ഥുപുരേജാതം – വത്ഥു ആസവാനഞ്ച ആസവസമ്പയുത്തകാനഞ്ച ഖന്ധാനം പുരേജാതപച്ചയേന പച്ചയോ. (൩)

പച്ഛാജാതപച്ചയോ

൨൯. ആസവോ ധമ്മോ നോആസവസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ആസവാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നോആസവോ ധമ്മോ നോആസവസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നോആസവാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസവോ ച നോആസവോ ച ധമ്മാ നോആസവസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ ആസവാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൩൦. ആസവോ ധമ്മോ ആസവസ്സ ധമ്മസ്സ ആസേവനപച്ചയേന പച്ചയോ… നവ.

കമ്മപച്ചയോ

൩൧. നോആസവോ ധമ്മോ നോആസവസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നോആസവാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നോആസവാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ കമ്മപച്ചയേന പച്ചയോ – നോആസവാ ചേതനാ സമ്പയുത്തകാനം ആസവാനം കമ്മപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ കമ്മപച്ചയേന പച്ചയോ – നോആസവാ ചേതനാ സമ്പയുത്തകാനം ഖന്ധാനം ആസവാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

വിപാകാഹാരപച്ചയാ

൩൨. നോആസവോ ധമ്മോ നോആസവസ്സ ധമ്മസ്സ വിപാകപച്ചയേന പച്ചയോ… ഏകം, ആഹാരപച്ചയേന പച്ചയോ – നോആസവാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ ആഹാരപച്ചയേന പച്ചയോ – നോആസവാ ആഹാരാ സമ്പയുത്തകാനം ആസവാനം ആഹാരപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ ആഹാരപച്ചയേന പച്ചയോ – നോആസവാ ആഹാരാ സമ്പയുത്തകാനം ഖന്ധാനം ആസവാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ. (൩)

ഇന്ദ്രിയപച്ചയാദി

൩൩. നോആസവോ ധമ്മോ നോആസവസ്സ ധമ്മസ്സ ഇന്ദ്രിയപച്ചയേന പച്ചയോ – നോആസവാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ… തീണി… ഝാനപച്ചയേന പച്ചയോ… തീണി… മഗ്ഗപച്ചയേന പച്ചയോ… നവ… സമ്പയുത്തപച്ചയേന പച്ചയോ… നവ.

വിപ്പയുത്തപച്ചയോ

൩൪. ആസവോ ധമ്മോ നോആസവസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ആസവാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ആസവാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

൩൫. നോആസവോ ധമ്മോ നോആസവസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നോആസവാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ… ഖന്ധാ വത്ഥുസ്സ വിപ്പയുത്തപച്ചയേന പച്ചയോ, വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോആസവാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നോആസവാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ആസവാനം വിപ്പയുത്തപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു ആസവാനം സമ്പയുത്തകാനഞ്ച ഖന്ധാനം വിപ്പയുത്തപച്ചയേന പച്ചയോ. (൩)

൩൬. ആസവോ ച നോആസവോ ച ധമ്മാ നോആസവസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – ആസവാ ച സമ്പയുത്തകാ ച ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – ആസവാ ച സമ്പയുത്തകാ ച ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൩൭. ആസവോ ധമ്മോ ആസവസ്സ ധമ്മസ്സ അത്ഥിപച്ചയേന പച്ചയോ – കാമാസവോ ദിട്ഠാസവസ്സ അവിജ്ജാസവസ്സ അത്ഥിപച്ചയേന പച്ചയോ (ചക്കം). (൧)

ആസവോ ധമ്മോ നോആസവസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – ആസവാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പച്ഛാജാതാ – ആസവാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

ആസവോ ധമ്മോ ആസവസ്സ ച നോആസവസ്സ ച ധമ്മസ്സ അത്ഥിപച്ചയേന പച്ചയോ – കാമാസവോ ദിട്ഠാസവസ്സ അവിജ്ജാസവസ്സ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ (ചക്കം). (൩)

൩൮. നോആസവോ ധമ്മോ നോആസവസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോആസവോ ഏകോ ഖന്ധോ തിണ്ണന്നം ഖന്ധാനം…പേ… (യാവ അസഞ്ഞസത്താ). പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നോആസവാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – നോആസവാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

നോആസവോ ധമ്മോ ആസവസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതാ – നോആസവാ ഖന്ധാ ആസവാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അസ്സാദേതി അഭിനന്ദതി, തം ആരബ്ഭ ആസവാ ഉപ്പജ്ജന്തി, വത്ഥു ആസവാനം അത്ഥിപച്ചയേന പച്ചയോ. (൨)

നോആസവോ ധമ്മോ ആസവസ്സ ച നോആസവസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോആസവോ ഏകോ ഖന്ധോ തിണ്ണന്നം ഖന്ധാനം ആസവാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… (ചക്കം). (൩)

൩൯. ആസവോ ച നോആസവോ ച ധമ്മാ ആസവസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – കാമാസവോ ച സമ്പയുത്തകാ ച ഖന്ധാ ദിട്ഠാസവസ്സ അവിജ്ജാസവസ്സ അത്ഥിപച്ചയേന പച്ചയോ (ചക്കം). കാമാസവോ ച വത്ഥു ച ദിട്ഠാസവസ്സ അവിജ്ജാസവസ്സ അത്ഥിപച്ചയേന പച്ചയോ (ചക്കം). (൧)

ആസവോ ച നോആസവോ ച ധമ്മാ നോആസവസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നോആസവോ ഏകോ ഖന്ധോ ച ആസവാ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. സഹജാതാ – ആസവാ മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; ആസവാ ച വത്ഥു ച നോആസവാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – ആസവാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – ആസവാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

ആസവോ ച നോആസവോ ച ധമ്മാ ആസവസ്സ ച നോആസവസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നോആസവോ ഏകോ ഖന്ധോ ച കാമാസവോ ച തിണ്ണന്നം ഖന്ധാനം ദിട്ഠാസവസ്സ അവിജ്ജാസവസ്സ ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… (ചക്കം). സഹജാതോ – കാമാസവോ ച വത്ഥു ച ദിട്ഠാസവസ്സ അവിജ്ജാസവസ്സ സമ്പയുത്തകാനഞ്ച ഖന്ധാനം അത്ഥിപച്ചയേന പച്ചയോ (ചക്കം). (൩)