൧. വിഭങ്ഗവാരോ

ഹേതുപച്ചയോ

൧൦. ആസവം ധമ്മം പച്ചയാ ആസവോ ധമ്മോ ഉപ്പജ്ജതി ഹേതുപച്ചയാ (ആസവമൂലകം തീണി, പടിച്ചസദിസാ).

നോആസവം ധമ്മം പച്ചയാ നോആസവോ ധമ്മോ ഉപ്പജ്ജതി ഹേതുപച്ചയാ – നോആസവം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം, വത്ഥും പച്ചയാ നോആസവാ ഖന്ധാ. (൧)

നോആസവം ധമ്മം പച്ചയാ ആസവോ ധമ്മോ ഉപ്പജ്ജതി ഹേതുപച്ചയാ – നോആസവേ ഖന്ധേ പച്ചയാ ആസവാ, വത്ഥും പച്ചയാ ആസവാ. (൨)

നോആസവം ധമ്മം പച്ചയാ ആസവോ ച നോആസവോ ച ധമ്മാ ഉപ്പജ്ജന്തി ഹേതുപച്ചയാ – നോആസവം ഏകം ഖന്ധം പച്ചയാ തയോ ഖന്ധാ ആസവാ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വത്ഥും പച്ചയാ ആസവാ സമ്പയുത്തകാ ച ഖന്ധാ. (൩)

൧൧. ആസവഞ്ച നോആസവഞ്ച ധമ്മം പച്ചയാ ആസവോ ധമ്മോ ഉപ്പജ്ജതി ഹേതുപച്ചയാ – കാമാസവഞ്ച സമ്പയുത്തകേ ച ഖന്ധേ പച്ചയാ ദിട്ഠാസവോ അവിജ്ജാസവോ (ചക്കം). കാമാസവഞ്ച വത്ഥുഞ്ച പച്ചയാ ദിട്ഠാസവോ അവിജ്ജാസവോ (ചക്കം). (൧)

ആസവഞ്ച നോആസവഞ്ച ധമ്മം പച്ചയാ നോആസവോ ധമ്മോ ഉപ്പജ്ജതി ഹേതുപച്ചയാ – നോആസവം ഏകം ഖന്ധഞ്ച ആസവേ ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… ആസവഞ്ച വത്ഥുഞ്ച പച്ചയാ നോആസവാ ഖന്ധാ. (൨)

ആസവഞ്ച നോആസവഞ്ച ധമ്മം പച്ചയാ ആസവോ ച നോആസവോ ച ധമ്മാ ഉപ്പജ്ജന്തി ഹേതുപച്ചയാ – നോആസവം ഏകം ഖന്ധഞ്ച കാമാസവഞ്ച പച്ചയാ തയോ ഖന്ധാ ദിട്ഠാസവോ അവിജ്ജാസവോ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… (ചക്കം). കാമാസവഞ്ച വത്ഥുഞ്ച പച്ചയാ ദിട്ഠാസവോ അവിജ്ജാസവോ സമ്പയുത്തകാ ച ഖന്ധാ (ചക്കം. സംഖിത്തം). (൩)