൧. വിഭങ്ഗവാരോ

ഹേതുപച്ചയോ

൯൬. സഹേതുകോ ധമ്മോ സഹേതുകസ്സ ധമ്മസ്സ ഹേതുപച്ചയേന പച്ചയോ – സഹേതുകാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

സഹേതുകോ ധമ്മോ അഹേതുകസ്സ ധമ്മസ്സ ഹേതുപച്ചയേന പച്ചയോ – സഹേതുകാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ഹേതുപച്ചയേന പച്ചയോ – സഹേതുകാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൩)

൯൭. അഹേതുകോ ധമ്മോ അഹേതുകസ്സ ധമ്മസ്സ ഹേതുപച്ചയേന പച്ചയോ – വിചികിച്ഛാസഹഗതോ ഉദ്ധച്ചസഹഗതോ മോഹോ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ ഹേതുപച്ചയേന പച്ചയോ – വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ഹേതുപച്ചയേന പച്ചയോ – വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

ആരമ്മണപച്ചയോ

൯൮. സഹേതുകോ ധമ്മോ സഹേതുകസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി, ഝാനാ വുട്ഠഹിത്വാ ഝാനം പച്ചവേക്ഖതി. അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി. പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… സഹേതുകേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ സഹേതുകോ വിപാകോ തദാരമ്മണതാ ഉപ്പജ്ജതി; ചേതോപരിയഞാണേന സഹേതുകചിത്തസമങ്ഗിസ്സ ചിത്തം ജാനന്തി. ആകാസാനഞ്ചായതനം വിഞ്ഞാണഞ്ചായതനസ്സ…പേ… ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ…പേ… സഹേതുകാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ; സഹേതുകേ ഖന്ധേ ആരബ്ഭ സഹേതുകാ ഖന്ധാ ഉപ്പജ്ജന്തി. (൧)

സഹേതുകോ ധമ്മോ അഹേതുകസ്സ ധമ്മസ്സ ആരമ്മണപച്ചയേന പച്ചയോ – സഹേതുകേ ഖന്ധേ അനിച്ചതോ …പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ അഹേതുകോ വിപാകോ തദാരമ്മണതാ ഉപ്പജ്ജതി, സഹേതുകേ ഖന്ധേ ആരബ്ഭ അഹേതുകാ ഖന്ധാ ച മോഹോ ച ഉപ്പജ്ജന്തി. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ആരമ്മണപച്ചയേന പച്ചയോ – സഹേതുകേ ഖന്ധേ ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൯൯. അഹേതുകോ ധമ്മോ അഹേതുകസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും… അഹേതുകേ ഖന്ധേ ച മോഹഞ്ച അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ അഹേതുകോ വിപാകോ തദാരമ്മണതാ ഉപ്പജ്ജതി; രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… അഹേതുകേ ഖന്ധേ ച മോഹഞ്ച ആരബ്ഭ അഹേതുകാ ഖന്ധാ ച മോഹോ ച ഉപ്പജ്ജന്തി. (൧)

അഹേതുകോ ധമ്മോ സഹേതുകസ്സ ധമ്മസ്സ ആരമ്മണപച്ചയേന പച്ചയോ – അരിയാ നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ ആരമ്മണപച്ചയേന പച്ചയോ. അരിയാ അഹേതുകേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ…പേ… ചക്ഖും…പേ… വത്ഥും…പേ… അഹേതുകേ ഖന്ധേ ച മോഹഞ്ച അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, ചേതോപരിയഞാണേന അഹേതുകചിത്തസമങ്ഗിസ്സ ചിത്തം ജാനന്തി; അഹേതുകാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ ആരമ്മണപച്ചയേന പച്ചയോ; അഹേതുകേ ഖന്ധേ ച മോഹഞ്ച ആരബ്ഭ സഹേതുകാ ഖന്ധാ ഉപ്പജ്ജന്തി. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ആരമ്മണപച്ചയേന പച്ചയോ – ചക്ഖും ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി; സോതം …പേ… വത്ഥും… അഹേതുകേ ഖന്ധേ ച മോഹഞ്ച ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

൧൦൦. സഹേതുകോ ച അഹേതുകോ ച ധമ്മാ സഹേതുകസ്സ ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ സഹേതുകാ ഖന്ധാ ഉപ്പജ്ജന്തി. (൧)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ അഹേതുകാ ഖന്ധാ ച മോഹോ ച ഉപ്പജ്ജന്തി. (൨)

സഹേതുകോ ച അഹേതുകോ ച ധമ്മാ സഹേതുകസ്സ ച അഹേതുകസ്സ ച ധമ്മസ്സ ആരമ്മണപച്ചയേന പച്ചയോ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. (൩)

അധിപതിപച്ചയോ

൧൦൧. സഹേതുകോ ധമ്മോ സഹേതുകസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം…പേ… ഉപോസഥകമ്മം കത്വാ തം ഗരും കത്വാ പച്ചവേക്ഖതി, ഝാനാ…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ…പേ… ഫലം…പേ… സഹേതുകേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സഹേതുകാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സഹേതുകോ ധമ്മോ അഹേതുകസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സഹേതുകാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സഹേതുകാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

അഹേതുകോ ധമ്മോ സഹേതുകസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും… അഹേതുകേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

അനന്തരപച്ചയോ

൧൦൨. സഹേതുകോ ധമ്മോ സഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സഹേതുകാ ഖന്ധാ പച്ഛിമാനം പച്ഛിമാനം സഹേതുകാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ… മഗ്ഗോ ഫലസ്സ… ഫലം ഫലസ്സ… അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

സഹേതുകോ ധമ്മോ അഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ പച്ഛിമസ്സ പച്ഛിമസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; സഹേതുകം ചുതിചിത്തം അഹേതുകസ്സ ഉപപത്തിചിത്തസ്സ അനന്തരപച്ചയേന പച്ചയോ; സഹേതുകം ഭവങ്ഗം ആവജ്ജനായ അനന്തരപച്ചയേന പച്ചയോ; സഹേതുകം ഭവങ്ഗം അഹേതുകസ്സ ഭവങ്ഗസ്സ അനന്തരപച്ചയേന പച്ചയോ; സഹേതുകാ ഖന്ധാ അഹേതുകസ്സ വുട്ഠാനസ്സ അനന്തരപച്ചയേന പച്ചയോ. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ പച്ഛിമാനം പച്ഛിമാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൧൦൩. അഹേതുകോ ധമ്മോ അഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമസ്സ പച്ഛിമസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; പുരിമാ പുരിമാ അഹേതുകാ ഖന്ധാ പച്ഛിമാനം പച്ഛിമാനം അഹേതുകാനം ഖന്ധാനം അനന്തരപച്ചയേന പച്ചയോ; ആവജ്ജനാ പഞ്ചന്നം വിഞ്ഞാണാനം അനന്തരപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ; അഹേതുകം ചുതിചിത്തം സഹേതുകസ്സ ഉപപത്തിചിത്തസ്സ അനന്തരപച്ചയേന പച്ചയോ; അഹേതുകം ഭവങ്ഗം സഹേതുകസ്സ ഭവങ്ഗസ്സ അനന്തരപച്ചയേന പച്ചയോ; ആവജ്ജനാ സഹേതുകാനം ഖന്ധാനം അനന്തരപച്ചയേന പച്ചയോ; അഹേതുകാ ഖന്ധാ സഹേതുകസ്സ വുട്ഠാനസ്സ അനന്തരപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമോ പുരിമോ വിചികിച്ഛാസഹഗതോ ഉദ്ധച്ചസഹഗതോ മോഹോ പച്ഛിമാനം പച്ഛിമാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ; ആവജ്ജനാ വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

൧൦൪. സഹേതുകോ ച അഹേതുകോ ച ധമ്മാ സഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം അനന്തരപച്ചയേന പച്ചയോ. (൧)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമസ്സ പച്ഛിമസ്സ വിചികിച്ഛാസഹഗതസ്സ ഉദ്ധച്ചസഹഗതസ്സ മോഹസ്സ അനന്തരപച്ചയേന പച്ചയോ; വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച അഹേതുകസ്സ വുട്ഠാനസ്സ അനന്തരപച്ചയേന പച്ചയോ. (൨)

സഹേതുകോ ച അഹേതുകോ ച ധമ്മാ സഹേതുകസ്സ ച അഹേതുകസ്സ ച ധമ്മസ്സ അനന്തരപച്ചയേന പച്ചയോ – പുരിമാ പുരിമാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പച്ഛിമാനം പച്ഛിമാനം വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അനന്തരപച്ചയേന പച്ചയോ. (൩)

സഹജാതപച്ചയാദി

൧൦൫. സഹേതുകോ ധമ്മോ സഹേതുകസ്സ ധമ്മസ്സ സഹജാതപച്ചയേന പച്ചയോ (പടിച്ചവാരേ സഹജാതസദിസം, ഇഹ ഘടനാ നത്ഥി)… അഞ്ഞമഞ്ഞപച്ചയേന പച്ചയോ (പടിച്ചവാരസദിസം)… നിസ്സയപച്ചയേന പച്ചയോ (പടിച്ചവാരേ നിസ്സയപച്ചയസദിസം, ഇഹ ഘടനാ നത്ഥി).

ഉപനിസ്സയപച്ചയോ

൧൦൬. സഹേതുകോ ധമ്മോ സഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഹേതുകാ ഖന്ധാ സഹേതുകാനം ഖന്ധാനം ഉപനിസ്സയപച്ചയേന പച്ചയോ. (൧)

സഹേതുകോ ധമ്മോ അഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഹേതുകാ ഖന്ധാ അഹേതുകാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സഹേതുകാ ഖന്ധാ വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൧൦൭. അഹേതുകോ ധമ്മോ അഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം കായികസ്സ സുഖസ്സ, കായികസ്സ ദുക്ഖസ്സ, മോഹസ്സ ച ഉപനിസ്സയപച്ചയേന പച്ചയോ; കായികം ദുക്ഖം… ഉതു… ഭോജനം… സേനാസനം കായികസ്സ സുഖസ്സ, കായികസ്സ ദുക്ഖസ്സ, മോഹസ്സ ച ഉപനിസ്സയപച്ചയേന പച്ചയോ; മോഹോ കായികസ്സ സുഖസ്സ, കായികസ്സ ദുക്ഖസ്സ, മോഹസ്സ ച ഉപനിസ്സയപച്ചയേന പച്ചയോ; കായികം സുഖം… കായികം ദുക്ഖം… ഉതു… ഭോജനം, സേനാസനം, മോഹോ ച കായികസ്സ സുഖസ്സ, കായികസ്സ ദുക്ഖസ്സ, മോഹസ്സ ച ഉപനിസ്സയപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ ദാനം ദേതി…പേ… സങ്ഘം ഭിന്ദതി; കായികം ദുക്ഖം… ഉതും… ഭോജനം… സേനാസനം… മോഹം ഉപനിസ്സായ ദാനം ദേതി…പേ… സങ്ഘം ഭിന്ദതി; കായികം സുഖം…പേ… മോഹോ ച സദ്ധായ…പേ… പഞ്ഞായ രാഗസ്സ…പേ… പത്ഥനായ മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം മോഹോ ച വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

൧൦൮. സഹേതുകോ ച അഹേതുകോ ച ധമ്മാ സഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച സഹേതുകാനം ഖന്ധാനം ഉപനിസ്സയപച്ചയേന പച്ചയോ. (൧)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച അഹേതുകാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൨)

സഹേതുകോ ച അഹേതുകോ ച ധമ്മാ സഹേതുകസ്സ ച അഹേതുകസ്സ ച ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച ഉപനിസ്സയപച്ചയേന പച്ചയോ. (൩)

പുരേജാതപച്ചയോ

൧൦൯. അഹേതുകോ ധമ്മോ അഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ അഹേതുകോ വിപാകോ തദാരമ്മണതാ ഉപ്പജ്ജതി; രൂപായതനം ചക്ഖുവിഞ്ഞാണസ്സ …പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… പുരേജാതം വത്ഥു അഹേതുകാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു സഹേതുകാനം ഖന്ധാനം പുരേജാതപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി. വത്ഥുപുരേജാതം – വത്ഥു വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച പുരേജാതപച്ചയേന പച്ചയോ. (൩)

പച്ഛാജാതപച്ചയാദി

൧൧൦. സഹേതുകോ ധമ്മോ അഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ സഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

അഹേതുകോ ധമ്മോ അഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ അഹേതുകാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

സഹേതുകോ ധമ്മോ സഹേതുകസ്സ ധമ്മസ്സ ആസേവനപച്ചയേന പച്ചയോ (അനന്തരസദിസം. ആവജ്ജനമ്പി ഭവങ്ഗമ്പി നത്ഥി, ആസേവനപച്ചയേ വജ്ജേതബ്ബാ നവപി ).

കമ്മപച്ചയോ

൧൧൧. സഹേതുകോ ധമ്മോ സഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സഹേതുകാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സഹേതുകാ ചേതനാ വിപാകാനം സഹേതുകാനം ഖന്ധാനം കമ്മപച്ചയേന പച്ചയോ. (൧)

സഹേതുകോ ധമ്മോ അഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സഹേതുകാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – സഹേതുകാ ചേതനാ വിപാകാനം അഹേതുകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സഹേതുകാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. നാനാക്ഖണികാ – സഹേതുകാ ചേതനാ വിപാകാനം സഹേതുകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൩)

അഹേതുകോ ധമ്മോ അഹേതുകസ്സ ധമ്മസ്സ കമ്മപച്ചയേന പച്ചയോ – അഹേതുകാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. (൧)

വിപാകപച്ചയോ

൧൧൨. സഹേതുകോ ധമ്മോ സഹേതുകസ്സ ധമ്മസ്സ വിപാകപച്ചയേന പച്ചയോ – വിപാകോ സഹേതുകോ ഏകോ ഖന്ധോ തിണ്ണന്നം ഖന്ധാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)

സഹേതുകോ ധമ്മോ അഹേതുകസ്സ ധമ്മസ്സ വിപാകപച്ചയേന പച്ചയോ – വിപാകാ സഹേതുകാ ഖന്ധാ ചിത്തസമുട്ഠാനാനം രൂപാനം വിപാകപച്ചയേന പച്ചയോ; പടിസന്ധിക്ഖണേ…പേ…. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ വിപാകപച്ചയേന പച്ചയോ – വിപാകോ സഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൩)

അഹേതുകോ ധമ്മോ അഹേതുകസ്സ ധമ്മസ്സ വിപാകപച്ചയേന പച്ചയോ – വിപാകോ അഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ… ഖന്ധാ വത്ഥുസ്സ വിപാകപച്ചയേന പച്ചയോ. (൧)

ആഹാരപച്ചയോ

൧൧൩. സഹേതുകോ ധമ്മോ സഹേതുകസ്സ ധമ്മസ്സ ആഹാരപച്ചയേന പച്ചയോ… തീണി.

അഹേതുകോ ധമ്മോ അഹേതുകസ്സ ധമ്മസ്സ ആഹാരപച്ചയേന പച്ചയോ – അഹേതുകാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം…പേ… പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)

ഇന്ദ്രിയപച്ചയാദി

൧൧൪. സഹേതുകോ ധമ്മോ സഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.

അഹേതുകോ ധമ്മോ അഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ – അഹേതുകാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം…പേ… പടിസന്ധിക്ഖണേ…പേ… ചക്ഖുന്ദ്രിയം ചക്ഖുവിഞ്ഞാണസ്സ…പേ… കായിന്ദ്രിയം കായവിഞ്ഞാണസ്സ ഇന്ദ്രിയപച്ചയേന പച്ചയോ; രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ. (൧)

സഹേതുകോ ധമ്മോ സഹേതുകസ്സ ധമ്മസ്സ ഝാനപച്ചയേന പച്ചയോ… തീണി.

അഹേതുകോ ധമ്മോ അഹേതുകസ്സ ധമ്മസ്സ ഝാനപച്ചയേന പച്ചയോ – അഹേതുകാനി ഝാനങ്ഗാനി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം…പേ… പടിസന്ധിക്ഖണേ…പേ…. (൧)

സഹേതുകോ ധമ്മോ സഹേതുകസ്സ ധമ്മസ്സ മഗ്ഗപച്ചയേന പച്ചയോ… തീണി.

സഹേതുകോ ധമ്മോ സഹേതുകസ്സ ധമ്മസ്സ സമ്പയുത്തപച്ചയേന പച്ചയോ (പടിച്ചവാരേ സമ്പയുത്തസദിസാ ഛ പഞ്ഹാ).

വിപ്പയുത്തപച്ചയോ

൧൧൫. സഹേതുകോ ധമ്മോ അഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – സഹേതുകാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ സഹേതുകാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ. പച്ഛാജാതാ – സഹേതുകാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അഹേതുകോ ധമ്മോ അഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – അഹേതുകാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ അഹേതുകാ ഖന്ധാ കടത്താരൂപാനം വിപ്പയുത്തപച്ചയേന പച്ചയോ; ഖന്ധാ വത്ഥുസ്സ വിപ്പയുത്തപച്ചയേന പച്ചയോ; വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… വത്ഥു അഹേതുകാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. പച്ഛാജാതാ – അഹേതുകാ ഖന്ധാ ച മോഹോ ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു സഹേതുകാനം ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു സഹേതുകാനം ഖന്ധാനം വിപ്പയുത്തപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച വിപ്പയുത്തപച്ചയേന പച്ചയോ. (൩)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ. പച്ഛാജാതാ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

അത്ഥിപച്ചയോ

൧൧൬. സഹേതുകോ ധമ്മോ സഹേതുകസ്സ ധമ്മസ്സ അത്ഥിപച്ചയേന പച്ചയോ – സഹേതുകോ ഏകോ ഖന്ധോ തിണ്ണന്നം ഖന്ധാനം…പേ… ദ്വേ ഖന്ധാ…പേ… പടിസന്ധിക്ഖണേ…പേ…. (൧)

സഹേതുകോ ധമ്മോ അഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം. സഹജാതാ – സഹേതുകാ ഖന്ധാ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; വിചികിച്ഛാസഹഗതാ ഉദ്ധച്ചസഹഗതാ ഖന്ധാ മോഹസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – സഹേതുകാ ഖന്ധാ പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. (൨)

സഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ; വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ തിണ്ണന്നം ഖന്ധാനം മോഹസ്സ ച ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… പടിസന്ധിക്ഖണേ സഹേതുകോ…പേ…. (൩)

൧൧൭. അഹേതുകോ ധമ്മോ അഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – അഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… ദ്വേ ഖന്ധാ…പേ… വിചികിച്ഛാസഹഗതോ ഉദ്ധച്ചസഹഗതോ മോഹോ ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ… (യാവ അസഞ്ഞസത്താ കാതബ്ബം). പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ അഹേതുകോ വിപാകോ തദാരമ്മണതാ ഉപ്പജ്ജതി; രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ അത്ഥിപച്ചയേന പച്ചയോ; വത്ഥു അഹേതുകാനം ഖന്ധാനം മോഹസ്സ ച അത്ഥിപച്ചയേന പച്ചയോ. പച്ഛാജാതാ – അഹേതുകാ ഖന്ധാ ച മോഹോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ; കബളീകാരോ ആഹാരോ ഇമസ്സ കായസ്സ അത്ഥിപച്ചയേന പച്ചയോ; രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

അഹേതുകോ ധമ്മോ സഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം അത്ഥിപച്ചയേന പച്ചയോ; പടിസന്ധിക്ഖണേ വത്ഥു സഹേതുകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി, വത്ഥു സഹേതുകാനം ഖന്ധാനം അത്ഥിപച്ചയേന പച്ചയോ. (൨)

അഹേതുകോ ധമ്മോ സഹേതുകസ്സ ച അഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ ഉദ്ധച്ചസഹഗതോ മോഹോ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും ആരബ്ഭ വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ഉപ്പജ്ജന്തി, വത്ഥു വിചികിച്ഛാസഹഗതാനം ഉദ്ധച്ചസഹഗതാനം ഖന്ധാനം മോഹസ്സ ച അത്ഥിപച്ചയേന പച്ചയോ. (൩)

൧൧൮. സഹേതുകോ ച അഹേതുകോ ച ധമ്മാ സഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… പടിസന്ധിക്ഖണേ സഹേതുകോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. സഹജാതോ – സഹേതുകോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൧)

സഹേതുകോ ച അഹേതുകോ ച ധമ്മാ അഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതാ – സഹേതുകാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ സഹേതുകാ ഖന്ധാ ച മഹാഭൂതാ ച കടത്താരൂപാനം അത്ഥിപച്ചയേന പച്ചയോ. സഹജാതാ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച വത്ഥു ച മോഹസ്സ അത്ഥിപച്ചയേന പച്ചയോ. പച്ഛാജാതാ – വിചികിച്ഛാസഹഗതാ ഉദ്ധച്ചസഹഗതാ ഖന്ധാ ച മോഹോ ച പുരേജാതസ്സ ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സഹേതുകാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സഹേതുകാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

സഹേതുകോ ച അഹേതുകോ ച ധമ്മാ സഹേതുകസ്സ ച അഹേതുകസ്സ ച ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച മോഹോ ച തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ…. സഹജാതോ – വിചികിച്ഛാസഹഗതോ ഉദ്ധച്ചസഹഗതോ ഏകോ ഖന്ധോ ച വത്ഥു ച തിണ്ണന്നം ഖന്ധാനം മോഹസ്സ ച അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ…. (൩)