൧. വിഭങ്ഗവാരോ

ഹേതുപച്ചയോ

൮൬. സഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

അഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം സംസട്ഠാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ. (൧)

സഹേതുകഞ്ച അഹേതുകഞ്ച ധമ്മം സംസട്ഠോ സഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധേ…പേ…. (൧)

ആരമ്മണപച്ചയോ

൮൭. സഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി ആരമ്മണപച്ചയാ – സഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകം ധമ്മം സംസട്ഠോ അഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ സംസട്ഠോ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകം ധമ്മം സംസട്ഠോ സഹേതുകോ ച അഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം സംസട്ഠാ തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൮൮. അഹേതുകം ധമ്മം സംസട്ഠോ അഹേതുകോ ധമ്മോ ഉപ്പജ്ജതി ആരമ്മണപച്ചയാ – അഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

അഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം സംസട്ഠാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ. (൨)

സഹേതുകഞ്ച അഹേതുകഞ്ച ധമ്മം സംസട്ഠോ സഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച സംസട്ഠാ തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൮൯. സഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി അധിപതിപച്ചയാ – സഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ…. (൧)

അനന്തരപച്ചയാദി

൯൦. സഹേതുകം ധമ്മം സംസട്ഠോ സഹേതുകോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ…പേ… വിപാകപച്ചയാ – വിപാകം സഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ….

അഹേതുകം ധമ്മം സംസട്ഠോ അഹേതുകോ ധമ്മോ ഉപ്പജ്ജതി വിപാകപച്ചയാ – വിപാകം അഹേതുകം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ… ഝാനപച്ചയാ…പേ… അവിഗതപച്ചയാ.