൧. വിഭങ്ഗവാരോ

ഹേതുപച്ചയോ

൭൨. സഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി ഹേതുപച്ചയാ (സഹേതുകമൂലകം പടിച്ചവാരസദിസം).

അഹേതുകം ധമ്മം പച്ചയാ അഹേതുകോ ധമ്മോ…പേ… (പടിച്ചവാരസദിസംയേവ). (൧)

അഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ സഹേതുകാ ഖന്ധാ, വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ; പടിസന്ധിക്ഖണേ വത്ഥും പച്ചയാ സഹേതുകാ ഖന്ധാ. (൨)

അഹേതുകം ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ സഹേതുകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വത്ഥും…പേ…. (൩)

൭൩. സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകഞ്ച അഹേതുകഞ്ച ധമ്മം പച്ചയാ അഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി ഹേതുപച്ചയാ – സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പച്ചയാ കടത്താരൂപം. (൩)

ആരമ്മണപച്ചയോ

൭൪. സഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി ആരമ്മണപച്ചയാ – സഹേതുകം ഏകം ഖന്ധം പച്ചയാ തയോ ഖന്ധാ…പേ… പടിസന്ധിക്ഖണേ…പേ…. (൧)

സഹേതുകം ധമ്മം പച്ചയാ അഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകം ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൭൫. അഹേതുകം ധമ്മം പച്ചയാ അഹേതുകോ ധമ്മോ ഉപ്പജ്ജതി ആരമ്മണപച്ചയാ – അഹേതുകം ഏകം ഖന്ധം…പേ… ദ്വേ ഖന്ധേ…പേ… പടിസന്ധിക്ഖണേ വത്ഥും പച്ചയാ ഖന്ധാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ ഖന്ധാ. (൧)

അഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ സഹേതുകാ ഖന്ധാ, വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ; പടിസന്ധിക്ഖണേ…പേ…. (൨)

അഹേതുകം ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വത്ഥും പച്ചയാ വിചികിച്ഛാസഹഗതാ ഉദ്ധച്ചസഹഗതാ ഖന്ധാ മോഹോ ച. (൩)

൭൬. സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ധമ്മോ ഉപ്പജ്ജതി ആരമ്മണപച്ചയാ – സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകഞ്ച അഹേതുകഞ്ച ധമ്മം പച്ചയാ അഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

അധിപതിപച്ചയോ

൭൭. സഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി അധിപതിപച്ചയാ (അധിപതിയാ നവ പഞ്ഹാ പവത്തേയേവ).

അനന്തരപച്ചയാദി

൭൮. സഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ… തീണി (പടിച്ചവാരസദിസാ).

അഹേതുകം ധമ്മം പച്ചയാ അഹേതുകോ ധമ്മോ ഉപ്പജ്ജതി സഹജാതപച്ചയാ – അഹേതുകം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ… (യാവ അസഞ്ഞസത്താ), ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ ഖന്ധാ. (൧)

അഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി സഹജാതപച്ചയാ – വത്ഥും പച്ചയാ സഹേതുകാ ഖന്ധാ, വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ; പടിസന്ധിക്ഖണേ…പേ…. (൨)

അഹേതുകം ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി സഹജാതപച്ചയാ – വത്ഥും പച്ചയാ സഹേതുകാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം മോഹം പച്ചയാ സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വത്ഥും…പേ…. (൩)

൭൯. സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ധമ്മോ ഉപ്പജ്ജതി സഹജാതപച്ചയാ – സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകഞ്ച അഹേതുകഞ്ച ധമ്മം പച്ചയാ അഹേതുകോ ധമ്മോ ഉപ്പജ്ജതി സഹജാതപച്ചയാ – സഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പച്ചയാ ചിത്തസമുട്ഠാനം രൂപം; പടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകഞ്ച അഹേതുകഞ്ച ധമ്മം പച്ചയാ സഹേതുകോ ച അഹേതുകോ ച ധമ്മാ ഉപ്പജ്ജന്തി സഹജാതപച്ചയാ – സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ മോഹോ ച…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പച്ചയാ കടത്താരൂപം. (൩)

അഞ്ഞമഞ്ഞപച്ചയാദി

൮൦. സഹേതുകം ധമ്മം പച്ചയാ സഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ…പേ… അവിഗതപച്ചയാ.