൧. വിഭങ്ഗവാരോ

നഹേതുപച്ചയോ

൬൨. സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നഹേതുപച്ചയാ – അഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧) (സബ്ബം യാവ അസഞ്ഞസത്താ താവ കാതബ്ബം.)

നആരമ്മണപച്ചയാദി

൬൩. സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നആരമ്മണപച്ചയാ – സഹേതുകേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)

അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നആരമ്മണപച്ചയാ – അഹേതുകേ ഖന്ധേ പടിച്ച ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഖന്ധേ പടിച്ച വത്ഥു; ഏകം മഹാഭൂതം…പേ… അസഞ്ഞസത്താനം ഏകം…പേ…. (൧)

സഹേതുകഞ്ച അഹേതുകഞ്ച ധമ്മം പടിച്ച അഹേതുകോ ധമ്മോ ഉപ്പജ്ജതി നആരമ്മണപച്ചയാ – സഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൧)

സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നഅധിപതിപച്ചയാ… (അനുലോമസഹജാതസദിസാ) നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ – അരൂപേ സഹേതുകം ഏകം ഖന്ധം…പേ… പടിസന്ധിക്ഖണേ…പേ…. (൧)

൬൪. സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ, സഹേതുകേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി നപുരേജാതപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ അഹേതുകം ഏകം ഖന്ധം…പേ… ദ്വേ ഖന്ധേ…പേ… അഹേതുകേ ഖന്ധേ പടിച്ച ചിത്തസമുട്ഠാനം രൂപം, വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… (യാവ അസഞ്ഞസത്താ താവ വിത്ഥാരോ). (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. (൨)

അഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ വത്ഥും പടിച്ച സഹേതുകാ ഖന്ധാ, മഹാഭൂതേ പടിച്ച കടത്താരൂപം. (൩)

൬൫. സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഹേതുകഞ്ച അഹേതുകഞ്ച ധമ്മം പടിച്ച അഹേതുകോ ധമ്മോ ഉപ്പജ്ജതി നപുരേജാതപച്ചയാ – സഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പടിച്ച കടത്താരൂപം. (൩)

നപച്ഛാജാതപച്ചയാദി

൬൬. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ… നകമ്മപച്ചയാ – സഹേതുകേ ഖന്ധേ പടിച്ച സഹേതുകാ ചേതനാ. (൧)

അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നകമ്മപച്ചയാ – അഹേതുകേ ഖന്ധേ പടിച്ച അഹേതുകാ ചേതനാ… ബാഹിരം… ആഹാരസമുട്ഠാനം… ഉതുസമുട്ഠാനം…പേ…. (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നകമ്മപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ചേതനാ. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി നകമ്മപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പടിച്ച സമ്പയുത്തകാ ചേതനാ… നവിപാകപച്ചയാ (പടിസന്ധി നത്ഥി).

നആഹാരപച്ചയാദി

൬൭. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ.

നവിപ്പയുത്തപച്ചയാദി

൬൮. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ സഹേതുകം ഏകം ഖന്ധം…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി നവിപ്പയുത്തപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അഹേതുകം ഏകം ഖന്ധം പടിച്ച തയോ ഖന്ധാ, ദ്വേ ഖന്ധേ…പേ…. (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… നോനത്ഥിപച്ചയാ… നോവിഗതപച്ചയാ. (൧)