൧. വിഭങ്ഗവാരോ

ഹേതുപച്ചയോ

൪൯. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി ഹേതുപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൫൦. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. (൨)

അഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ, മഹാഭൂതേ പടിച്ച കടത്താരൂപം. (൩)

൫൧. സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഹേതുകഞ്ച അഹേതുകഞ്ച ധമ്മം പടിച്ച അഹേതുകോ ധമ്മോ ഉപ്പജ്ജതി ഹേതുപച്ചയാ – സഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച മോഹഞ്ച പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ…. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… സഹേതുകേ ഖന്ധേ ച മഹാഭൂതേ ച പടിച്ച കടത്താരൂപം. (൩)

ആരമ്മണപച്ചയോ

൫൨. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി ആരമ്മണപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ…. (൩)

൫൩. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി ആരമ്മണപച്ചയാ – അഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ വത്ഥും പടിച്ച അഹേതുകാ ഖന്ധാ. (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി ആരമ്മണപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അധിപതിപച്ചയോ

൫൪. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി അധിപതിപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി അധിപതിപച്ചയാ – സഹേതുകേ ഖന്ധേ പടിച്ച ചിത്തസമുട്ഠാനം രൂപം. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി അധിപതിപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ…. (൩)

൫൫. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി അധിപതിപച്ചയാ – ഏകം മഹാഭൂതം…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

സഹേതുകഞ്ച അഹേതുകഞ്ച ധമ്മം പടിച്ച അഹേതുകോ ധമ്മോ ഉപ്പജ്ജതി അധിപതിപച്ചയാ – സഹേതുകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തരപച്ചയാദി

൫൬. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… സഹജാതപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ…പേ… പടിസന്ധിക്ഖണേ…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി സഹജാതപച്ചയാ – സഹേതുകേ ഖന്ധേ പടിച്ച ചിത്തസമുട്ഠാനം രൂപം, വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ ചിത്തസമുട്ഠാനഞ്ച രൂപം; പടിസന്ധിക്ഖണേ…പേ…. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി സഹജാതപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം, ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൩)

൫൭. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി സഹജാതപച്ചയാ – അഹേതുകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം; പടിസന്ധിക്ഖണേ…പേ… ഖന്ധേ പടിച്ച വത്ഥു, വത്ഥും പടിച്ച ഖന്ധാ; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി സഹജാതപച്ചയാ (ഇമേ പഞ്ച പഞ്ഹാ ഹേതുസദിസാ, നിന്നാനം). (൨)

അഞ്ഞമഞ്ഞപച്ചയോ

൫൮. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – സഹേതുകം ഏകം ഖന്ധം പടിച്ച തയോ ഖന്ധാ…പേ… പടിസന്ധിക്ഖണേ…പേ…. (൧)

സഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ; പടിസന്ധിക്ഖണേ സഹേതുകേ ഖന്ധേ പടിച്ച വത്ഥു. (൨)

സഹേതുകം ധമ്മം പടിച്ച സഹേതുകോ ച അഹേതുകോ ച ധമ്മാ ഉപ്പജ്ജന്തി അഞ്ഞമഞ്ഞപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധം പടിച്ച തയോ ഖന്ധാ മോഹോ ച…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധം പടിച്ച തയോ ഖന്ധാ വത്ഥു ച…പേ… ദ്വേ ഖന്ധേ…പേ…. (൩)

൫൯. അഹേതുകം ധമ്മം പടിച്ച അഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – അഹേതുകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ അഹേതുകം ഏകം ഖന്ധം പടിച്ച തയോ ഖന്ധാ വത്ഥു ച…പേ… ദ്വേ ഖന്ധേ…പേ… (സംഖിത്തം, യാവ അസഞ്ഞസത്താ). (൧)

അഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. (൨)

സഹേതുകഞ്ച അഹേതുകഞ്ച ധമ്മം പടിച്ച സഹേതുകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വിചികിച്ഛാസഹഗതം ഉദ്ധച്ചസഹഗതം ഏകം ഖന്ധഞ്ച മോഹഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ… പടിസന്ധിക്ഖണേ സഹേതുകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നിസ്സയപച്ചയാദി

൬൦. സഹേതുകം ധമ്മം പടിച്ച സഹേതുകോ ധമ്മോ ഉപ്പജ്ജതി നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ… കമ്മപച്ചയാ… വിപാകപച്ചയാ… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… (ഝാനമ്പി മഗ്ഗമ്പി സഹജാതപച്ചയസദിസാ, ബാഹിരാ മഹാഭൂതാ നത്ഥി ) സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.