൧. വിഭങ്ഗവാരോ

ആരമ്മണപച്ചയോ

൧൭൬. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ആരമ്മണപച്ചയേന പച്ചയോ – ദാനം ദത്വാ സീലം…പേ… ഉപോസഥകമ്മം കത്വാ തം പച്ചവേക്ഖതി, പുബ്ബേ സുചിണ്ണാനി പച്ചവേക്ഖതി; ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി, ഫലം പച്ചവേക്ഖന്തി; പഹീനേ കിലേസേ…പേ… വിക്ഖമ്ഭിതേ കിലേസേ…പേ… പുബ്ബേ…പേ… നഹേതൂ സഹേതുകേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ നഹേതു സഹേതുകോ വിപാകോ തദാരമ്മണതാ ഉപ്പജ്ജതി; ചേതോപരിയഞാണേന നഹേതുസഹേതുകചിത്തസമങ്ഗിസ്സ ചിത്തം ജാനാതി, ആകാസാനഞ്ചായതനം…പേ… ആകിഞ്ചഞ്ഞായതനം…പേ… നഹേതൂ സഹേതുകാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആരമ്മണപച്ചയേന പച്ചയോ; നഹേതൂ സഹേതുകേ ഖന്ധേ ആരബ്ഭ നഹേതൂ സഹേതുകാ ഖന്ധാ ഉപ്പജ്ജന്തി. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ ആരമ്മണപച്ചയേന പച്ചയോ – നഹേതൂ സഹേതുകേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ നഹേതു അഹേതുകോ വിപാകോ തദാരമ്മണതാ ഉപ്പജ്ജതി, നഹേതൂ സഹേതുകേ ഖന്ധേ ആരബ്ഭ നഹേതൂ അഹേതുകാ ഖന്ധാ ഉപ്പജ്ജന്തി. (൨)

൧൭൭. നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ ആരമ്മണപച്ചയേന പച്ചയോ – നിബ്ബാനം ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും… നഹേതൂ അഹേതുകേ ഖന്ധേ അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ നഹേതു അഹേതുകോ വിപാകോ തദാരമ്മണതാ ഉപ്പജ്ജതി. രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… നഹേതൂ അഹേതുകേ ഖന്ധേ ആരബ്ഭ നഹേതൂ അഹേതുകാ ഖന്ധാ ഉപ്പജ്ജന്തി. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ ആരമ്മണപച്ചയേന പച്ചയോ – അരിയാ നിബ്ബാനം പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ ആരമ്മണപച്ചയേന പച്ചയോ; ചക്ഖും…പേ… വത്ഥും… നഹേതൂ അഹേതുകേ ഖന്ധേ അനിച്ചതോ …പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ നഹേതു സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. ചേതോപരിയഞാണേന നഹേതുഅഹേതുകചിത്തസമങ്ഗിസ്സ ചിത്തം ജാനാതി. നഹേതൂ അഹേതുകാ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, അനാഗതംസഞാണസ്സ, ആരമ്മണപച്ചയേന പച്ചയോ; നഹേതൂ അഹേതുകേ ഖന്ധേ ആരബ്ഭ നഹേതൂ സഹേതുകാ ഖന്ധാ ഉപ്പജ്ജന്തി. (൨)

അധിപതിപച്ചയോ

൧൭൮. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം ദത്വാ സീലം സമാദിയിത്വാ ഉപോസഥകമ്മം കത്വാ തം ഗരും കത്വാ പച്ചവേക്ഖതി, പുബ്ബേ സുചിണ്ണാനി ഗരും കത്വാ പച്ചവേക്ഖതി, ഝാനം…പേ… അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി, ഫലം ഗരും കത്വാ പച്ചവേക്ഖന്തി. നഹേതൂ സഹേതുകേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – നഹേതുസഹേതുകാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – നഹേതു സഹേതുകാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

നഹേതു സഹേതുകോ ധമ്മോ നഹേതുസഹേതുകസ്സ ച നഹേതുഅഹേതുകസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – നഹേതു സഹേതുകാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അരിയാ നിബ്ബാനം ഗരും കത്വാ പച്ചവേക്ഖന്തി; നിബ്ബാനം ഗോത്രഭുസ്സ, വോദാനസ്സ, മഗ്ഗസ്സ, ഫലസ്സ അധിപതിപച്ചയേന പച്ചയോ; ചക്ഖും…പേ… വത്ഥും… നഹേതൂ അഹേതുകേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൧)

അനന്തരപച്ചയോ

൧൭൯. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നഹേതൂ സഹേതുകാ ഖന്ധാ പച്ഛിമാനം പച്ഛിമാനം നഹേതുസഹേതുകാനം ഖന്ധാനം അനന്തരപച്ചയേന പച്ചയോ; അനുലോമം ഗോത്രഭുസ്സ…പേ… നേവസഞ്ഞാനാസഞ്ഞായതനം ഫലസമാപത്തിയാ അനന്തരപച്ചയേന പച്ചയോ. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ അനന്തരപച്ചയേന പച്ചയോ – നഹേതു സഹേതുകം ചുതിചിത്തം നഹേതുഅഹേതുകസ്സ ഉപപത്തിചിത്തസ്സ അനന്തരപച്ചയേന പച്ചയോ; നഹേതു സഹേതുകം ഭവങ്ഗം ആവജ്ജനായ, നഹേതു സഹേതുകം ഭവങ്ഗം നഹേതുഅഹേതുകസ്സ ഭവങ്ഗസ്സ, നഹേതൂ സഹേതുകാ ഖന്ധാ നഹേതുഅഹേതുകസ്സ വുട്ഠാനസ്സ അനന്തരപച്ചയേന പച്ചയോ. (൨)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ നഹേതൂ അഹേതുകാ ഖന്ധാ പച്ഛിമാനം പച്ഛിമാനം നഹേതുഅഹേതുകാനം ഖന്ധാനം അനന്തരപച്ചയേന പച്ചയോ; ആവജ്ജനാ പഞ്ചന്നം വിഞ്ഞാണാനം അനന്തരപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ അനന്തരപച്ചയേന പച്ചയോ – നഹേതു അഹേതുകം ചുതിചിത്തം നഹേതുസഹേതുകസ്സ ഉപപത്തിചിത്തസ്സ അനന്തരപച്ചയേന പച്ചയോ; ആവജ്ജനാ നഹേതുസഹേതുകാനം ഖന്ധാനം അനന്തരപച്ചയേന പച്ചയോ; നഹേതൂ അഹേതുകാ ഖന്ധാ നഹേതുസഹേതുകസ്സ വുട്ഠാനസ്സ അനന്തരപച്ചയേന പച്ചയോ. (൨)

സമനന്തരപച്ചയാദി

൧൮൦. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ സമനന്തരപച്ചയേന പച്ചയോ… സഹജാതപച്ചയേന പച്ചയോ (ഇഹ ഘടനാ നത്ഥി, സത്ത പഞ്ഹാ)… അഞ്ഞമഞ്ഞപച്ചയേന പച്ചയോ (ഛ പഞ്ഹാ)… നിസ്സയപച്ചയേന പച്ചയോ (പവത്തിപടിസന്ധി സത്ത പഞ്ഹാ, ഇഹ ഘടനാ നത്ഥി).

ഉപനിസ്സയപച്ചയോ

൧൮൧. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… മാനം ജപ്പേതി, ദിട്ഠിം ഗണ്ഹാതി; സീലം…പേ… പത്ഥനം ഉപനിസ്സായ ദാനം ദേതി…പേ… സങ്ഘം ഭിന്ദതി; സദ്ധാ…പേ… പത്ഥനാ സദ്ധായ…പേ… പത്ഥനായ മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധാ കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ; സീലം…പേ… പത്ഥനാ കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ; സദ്ധാ…പേ… പത്ഥനാ കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൨)

൧൮൨. നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ; കായികം ദുക്ഖം… ഉതു… ഭോജനം… സേനാസനം കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ; കായികം സുഖം… കായികം ദുക്ഖം… ഉതു… ഭോജനം… സേനാസനം കായികസ്സ സുഖസ്സ, കായികസ്സ ദുക്ഖസ്സ ഉപനിസ്സയപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – കായികം സുഖം ഉപനിസ്സായ ദാനം ദേതി…പേ… സങ്ഘം ഭിന്ദതി; കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സങ്ഘം ഭിന്ദതി; കായികം സുഖം …പേ… സേനാസനം സദ്ധായ…പേ… പത്ഥനായ മഗ്ഗസ്സ ഫലസമാപത്തിയാ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൧൮൩. നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ നഹേതു അഹേതുകോ വിപാകോ തദാരമ്മണതാ ഉപ്പജ്ജതി; രൂപായതനം ചക്ഖുവിഞ്ഞാണസ്സ പുരേജാതപച്ചയേന പച്ചയോ…പേ… ഫോട്ഠബ്ബായതനം കായവിഞ്ഞാണസ്സ പുരേജാതപച്ചയേന പച്ചയോ. വത്ഥുപുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ… വത്ഥു നഹേതുഅഹേതുകാനം ഖന്ധാനം പുരേജാതപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം. ആരമ്മണപുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ നഹേതു സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു നഹേതുസഹേതുകാനം ഖന്ധാനം പുരേജാതപച്ചയേന പച്ചയോ. (൨)

പച്ഛാജാതപച്ചയോ

൧൮൪. നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നഹേതൂ സഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ പച്ഛാജാതപച്ചയേന പച്ചയോ – പച്ഛാജാതാ നഹേതൂ അഹേതുകാ ഖന്ധാ പുരേജാതസ്സ ഇമസ്സ കായസ്സ പച്ഛാജാതപച്ചയേന പച്ചയോ. (൧)

ആസേവനപച്ചയോ

൧൮൫. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ നഹേതൂ സഹേതുകാ ഖന്ധാ പച്ഛിമാനം പച്ഛിമാനം നഹേതുസഹേതുകാനം ഖന്ധാനം ആസേവനപച്ചയേന പച്ചയോ… അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ നഹേതൂ അഹേതുകാ ഖന്ധാ പച്ഛിമാനം പച്ഛിമാനം നഹേതുഅഹേതുകാനം ഖന്ധാനം ആസേവനപച്ചയേന പച്ചയോ. (൧)

കമ്മപച്ചയോ

൧൮൬. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നഹേതു സഹേതുകാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നഹേതു സഹേതുകാ ചേതനാ വിപാകാനം നഹേതുസഹേതുകാനം ഖന്ധാനം കമ്മപച്ചയേന പച്ചയോ. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നഹേതു സഹേതുകാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നഹേതു സഹേതുകാ ചേതനാ വിപാകാനം നഹേതുഅഹേതുകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നഹേതു സഹേതുകോ ധമ്മോ നഹേതുസഹേതുകസ്സ ച നഹേതുഅഹേതുകസ്സ ച ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – നഹേതു സഹേതുകാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – നഹേതു സഹേതുകാ ചേതനാ വിപാകാനം നഹേതുസഹേതുകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ കമ്മപച്ചയേന പച്ചയോ. സഹജാതാ – നഹേതു അഹേതുകാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ നഹേതു അഹേതുകാ ചേതനാ സമ്പയുത്തകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയോ

൧൮൭. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ വിപാകപച്ചയേന പച്ചയോ… തീണി.

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ വിപാകപച്ചയേന പച്ചയോ… ഏകം.

ആഹാരപച്ചയോ

൧൮൮. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ആഹാരപച്ചയേന പച്ചയോ… തീണി.

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ ആഹാരപച്ചയേന പച്ചയോ – നഹേതു അഹേതുകാ ആഹാരാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ആഹാരപച്ചയേന പച്ചയോ; പടിസന്ധിക്ഖണേ…പേ… കബളീകാരോ ആഹാരോ ഇമസ്സ കായസ്സ ആഹാരപച്ചയേന പച്ചയോ. (൧)

ഇന്ദ്രിയപച്ചയോ

൧൮൯. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ ഇന്ദ്രിയപച്ചയേന പച്ചയോ – നഹേതു അഹേതുകാ ഇന്ദ്രിയാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഇന്ദ്രിയപച്ചയേന പച്ചയോ; പടിസന്ധിക്ഖണേ…പേ… രൂപജീവിതിന്ദ്രിയം കടത്താരൂപാനം ഇന്ദ്രിയപച്ചയേന പച്ചയോ.

ഝാനപച്ചയാദി

൧൯൦. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ ഝാനപച്ചയേന പച്ചയോ…പേ… (ചത്താരിപി കാതബ്ബാനി), മഗ്ഗപച്ചയേന പച്ചയോ… തീണി.

സമ്പയുത്തപച്ചയോ

൧൯൧. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ സമ്പയുത്തപച്ചയേന പച്ചയോ – നഹേതു സഹേതുകോ ഏകോ ഖന്ധോ തിണ്ണന്നം ഖന്ധാനം…പേ… പടിസന്ധിക്ഖണേ…പേ…. (൧)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ സമ്പയുത്തപച്ചയേന പച്ചയോ – നഹേതു അഹേതുകോ ഏകോ ഖന്ധോ തിണ്ണന്നം ഖന്ധാനം…പേ… പടിസന്ധിക്ഖണേ…പേ…. (൨)

വിപ്പയുത്തപച്ചയോ

൧൯൨. നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം. സഹജാതാ – നഹേതൂ സഹേതുകാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – നഹേതൂ സഹേതുകാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം. സഹജാതാ – നഹേതൂ അഹേതുകാ ഖന്ധാ ചിത്തസമുട്ഠാനാനം രൂപാനം വിപ്പയുത്തപച്ചയേന പച്ചയോ; പടിസന്ധിക്ഖണേ…പേ… ഖന്ധാ വത്ഥുസ്സ വിപ്പയുത്തപച്ചയേന പച്ചയോ; വത്ഥു ഖന്ധാനം വിപ്പയുത്തപച്ചയേന പച്ചയോ. പുരേജാതം – ചക്ഖായതനം ചക്ഖുവിഞ്ഞാണസ്സ…പേ… കായായതനം കായവിഞ്ഞാണസ്സ…പേ… വത്ഥു നഹേതുസഹേതുകാനം ഖന്ധാനം വിപ്പയുത്തപച്ചയേന പച്ചയോ. പച്ഛാജാതാ – നഹേതൂ അഹേതുകാ ഖന്ധാ പുരേജാതസ്സ ഇമസ്സ കായസ്സ വിപ്പയുത്തപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു നഹേതുസഹേതുകാനം ഖന്ധാനം വിപ്പയുത്തപച്ചയേന പച്ചയോ. പുരേജാതം – വത്ഥു നഹേതുസഹേതുകാനം ഖന്ധാനം വിപ്പയുത്തപച്ചയേന പച്ചയോ. (൨)

അത്ഥിപച്ചയോ

൧൯൩. നഹേതു സഹേതുകോ ധമ്മോ നഹേതുസഹേതുകസ്സ ധമ്മസ്സ അത്ഥിപച്ചയേന പച്ചയോ – നഹേതു സഹേതുകോ ഏകോ ഖന്ധോ തിണ്ണന്നം ഖന്ധാനം…പേ… പടിസന്ധിക്ഖണേ…പേ…. (൧)

നഹേതു സഹേതുകോ ധമ്മോ നഹേതുഅഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം…പേ…. (൨)

നഹേതു സഹേതുകോ ധമ്മോ നഹേതുസഹേതുകസ്സ ച നഹേതുഅഹേതുകസ്സ ച ധമ്മസ്സ അത്ഥിപച്ചയേന പച്ചയോ – നഹേതു സഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… പടിസന്ധിക്ഖണേ…പേ…. (൩)

നഹേതു അഹേതുകോ ധമ്മോ നഹേതുഅഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം. സഹജാതോ – നഹേതു അഹേതുകോ ഏകോ ഖന്ധോ തിണ്ണന്നം ഖന്ധാനം ചിത്തസമുട്ഠാനാനഞ്ച രൂപാനം അത്ഥിപച്ചയേന പച്ചയോ…പേ… (യാവ അസഞ്ഞസത്താ). പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി; കുസലാകുസലേ നിരുദ്ധേ നഹേതു അഹേതുകോ വിപാകോ തദാരമ്മണതാ ഉപ്പജ്ജതി; രൂപായതനം ചക്ഖുവിഞ്ഞാണസ്സ…പേ… ഫോട്ഠബ്ബായതനം കായവിഞ്ഞാണസ്സ…പേ… ചക്ഖായതനം…പേ… കായായതനം…പേ… വത്ഥു നഹേതുഅഹേതുകാനം ഖന്ധാനം അത്ഥിപച്ചയേന പച്ചയോ. പച്ഛാജാതാ – നഹേതൂ അഹേതുകാ ഖന്ധാ പുരേജാതസ്സ…പേ… കബളീകാരോ ആഹാരോ ഇമസ്സ കായസ്സ…പേ… രൂപജീവിതിന്ദ്രിയം കടത്താരൂപാനം അത്ഥിപച്ചയേന പച്ചയോ. (൧)

നഹേതു അഹേതുകോ ധമ്മോ നഹേതുസഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതം – പടിസന്ധിക്ഖണേ വത്ഥു നഹേതുസഹേതുകാനം ഖന്ധാനം അത്ഥിപച്ചയേന പച്ചയോ. പുരേജാതം – ചക്ഖും…പേ… വത്ഥും അനിച്ചതോ…പേ… ദോമനസ്സം ഉപ്പജ്ജതി, കുസലാകുസലേ നിരുദ്ധേ നഹേതു സഹേതുകോ വിപാകോ തദാരമ്മണതാ ഉപ്പജ്ജതി; ദിബ്ബേന ചക്ഖുനാ രൂപം പസ്സതി, ദിബ്ബായ സോതധാതുയാ സദ്ദം സുണാതി. വത്ഥുപുരേജാതം – വത്ഥു നഹേതുസഹേതുകാനം ഖന്ധാനം അത്ഥിപച്ചയേന പച്ചയോ. (൨)

൧൯൪. നഹേതു സഹേതുകോ ച നഹേതു അഹേതുകോ ച ധമ്മാ നഹേതുസഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – നഹേതു സഹേതുകോ ഏകോ ഖന്ധോ ച വത്ഥു ച തിണ്ണന്നം ഖന്ധാനം…പേ… പടിസന്ധിക്ഖണേ…പേ… നഹേതു സഹേതുകോ ഏകോ ഖന്ധോ ച വത്ഥു ച തിണ്ണന്നം ഖന്ധാനം…പേ…. (൧)

നഹേതു സഹേതുകോ ച നഹേതു അഹേതുകോ ച ധമ്മാ നഹേതുഅഹേതുകസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – നഹേതൂ സഹേതുകാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ; പടിസന്ധിക്ഖണേ…പേ…. പച്ഛാജാതാ – നഹേതൂ സഹേതുകാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – നഹേതൂ സഹേതുകാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ…പേ…. (൨)