൧. വിഭങ്ഗവാരോ

ഹേതുപച്ചയോ

൬൦. ദസ്സനേന പഹാതബ്ബം ധമ്മം സംസട്ഠോ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ദസ്സനേന പഹാതബ്ബം ഏകം ഖന്ധം സംസട്ഠാ തയോ ഖന്ധാ…പേ… ദ്വേ ഖന്ധേ സംസട്ഠാ ദ്വേ ഖന്ധാ. (൧)

ഭാവനായ പഹാതബ്ബം ധമ്മം സംസട്ഠോ ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – ഭാവനായ പഹാതബ്ബം ഏകം ഖന്ധം സംസട്ഠാ…പേ…. (൧)

നേവദസ്സനേന നഭാവനായ പഹാതബ്ബം ധമ്മം സംസട്ഠോ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ – നേവദസ്സനേന നഭാവനായ പഹാതബ്ബം ഏകം ഖന്ധം സംസട്ഠാ തയോ ഖന്ധാ…പേ… പടിസന്ധിക്ഖണേ നേവദസ്സനേന നഭാവനായ പഹാതബ്ബം ഏകം ഖന്ധം സംസട്ഠാ…പേ…. (൧)

ആരമ്മണപച്ചയോ

൬൧. ദസ്സനേന പഹാതബ്ബം ധമ്മം സംസട്ഠോ ദസ്സനേന പഹാതബ്ബോ ധമ്മോ ഉപ്പജ്ജതി ആരമ്മണപച്ചയാ (സബ്ബാനി പദാനി വിത്ഥാരേതബ്ബാനി തീണി, തീണി).

൧. പച്ചയാനുലോമം

൨. സങ്ഖ്യാവാരോ

൬൨. ഹേതുയാ തീണി, ആരമ്മണേ തീണി, അധിപതിയാ തീണി, അനന്തരേ തീണി, സമനന്തരേ തീണി, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ തീണി, പുരേജാതേ തീണി, ആസേവനേ തീണി, കമ്മേ തീണി, വിപാകേ ഏകം, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ തീണി, സമ്പയുത്തേ തീണി, വിപ്പയുത്തേ തീണി, അത്ഥിയാ തീണി, നത്ഥിയാ തീണി, വിഗതേ തീണി, അവിഗതേ തീണി.

അനുലോമം.