൧. വിഭങ്ഗവാരോ

നഹേതുപച്ചയോ

൪൬. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ പച്ചയാ വിചികിച്ഛാസഹഗതോ മോഹോ. (൧)

ഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ പച്ചയാ ഉദ്ധച്ചസഹഗതോ മോഹോ. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – അഹേതുകം നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ അഹേതുകാ നേവദസ്സനേന നഭാവനായ പഹാതബ്ബാ ഖന്ധാ. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നഹേതുപച്ചയാ – വത്ഥും പച്ചയാ വിചികിച്ഛാസഹഗതോ മോഹോ. (൨)

നേവദസ്സനേന നഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – വത്ഥും പച്ചയാ ഉദ്ധച്ചസഹഗതോ മോഹോ. (൩)

൪൭. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ മോഹോ. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നഹേതുപച്ചയാ – ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൪൮. ദസ്സനേന പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. (൧)

ഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – നേവദസ്സനേന നഭാവനായ പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ നേവദസ്സനേന നഭാവനായ പഹാതബ്ബേ ഖന്ധേ പച്ചയാ കടത്താരൂപം, ഖന്ധേ പച്ചയാ വത്ഥു; ഏകം മഹാഭൂതം പച്ചയാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ…. (൧)

൪൯. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നആരമ്മണപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

നഅധിപതിപച്ചയാദി

൫൦. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നഅധിപതിപച്ചയാ (സഹജാതസദിസം)… നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ.

നപുരേജാതപച്ചയോ

൫൧. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – അരൂപേ ദസ്സനേന പഹാതബ്ബം ഏകം ഖന്ധം പച്ചയാ…പേ…. (൧)

ദസ്സനേന പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ദസ്സനേന പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. (൨)

ഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – അരൂപേ ഭാവനായ പഹാതബ്ബം ഏകം ഖന്ധം പച്ചയാ…പേ…. (൧)

ഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ഭാവനായ പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. (൨)

൫൨. നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – അരൂപേ നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… നേവദസ്സനേന നഭാവനായ പഹാതബ്ബേ ഖന്ധേ പച്ചയാ ചിത്തസമുട്ഠാനം രൂപം. പടിസന്ധിക്ഖണേ…പേ… ഖന്ധേ പച്ചയാ കടത്താരൂപം, ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം, അസഞ്ഞസത്താനം…പേ…. (൧)

ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ദസ്സനേന പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി നപുരേജാതപച്ചയാ – ഭാവനായ പഹാതബ്ബേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

നപച്ഛാജാതപച്ചയാദി

൫൩. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ.

നകമ്മപച്ചയോ

൫൪. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബേ ഖന്ധേ പച്ചയാ ദസ്സനേന പഹാതബ്ബാ ചേതനാ. (൧)

ഭാവനായ പഹാതബ്ബം ധമ്മം…പേ… നകമ്മപച്ചയാ – ഭാവനായ പഹാതബ്ബേ ഖന്ധേ പച്ചയാ ഭാവനായ പഹാതബ്ബാ ചേതനാ. (൧)

നേവദസ്സനേന നഭാവനായ പഹാതബ്ബം ധമ്മം…പേ… നകമ്മപച്ചയാ – നേവദസ്സനേന നഭാവനായ പഹാതബ്ബേ ഖന്ധേ പച്ചയാ നേവദസ്സനേന നഭാവനായ പഹാതബ്ബാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം…പേ…. (൧)

നേവദസ്സനേന നഭാവനായ പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ ദസ്സനേന പഹാതബ്ബാ ചേതനാ. (൨)

നേവദസ്സനേന നഭാവനായ പഹാതബ്ബം ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ ഭാവനായ പഹാതബ്ബാ ചേതനാ. (൩)

൫൫. ദസ്സനേന പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നകമ്മപച്ചയാ – ദസ്സനേന പഹാതബ്ബേ ഖന്ധേ ച വത്ഥുഞ്ച പച്ചയാ ദസ്സനേന പഹാതബ്ബാ ചേതനാ. (൧)

ഭാവനായ പഹാതബ്ബഞ്ച നേവദസ്സനേന നഭാവനായ പഹാതബ്ബഞ്ച ധമ്മം പച്ചയാ ഭാവനായ പഹാതബ്ബോ ധമ്മോ ഉപ്പജ്ജതി നകമ്മപച്ചയാ – ഭാവനായ പഹാതബ്ബേ ഖന്ധേ ച വത്ഥുഞ്ച പച്ചയാ ഭാവനായ പഹാതബ്ബാ ചേതനാ. (൧)

നവിപാകപച്ചയാദി

൫൬. ദസ്സനേന പഹാതബ്ബം ധമ്മം പച്ചയാ ദസ്സനേന പഹാതബ്ബോ ധമ്മോ ഉപ്പജ്ജതി നവിപാകപച്ചയാ (പരിപുണ്ണം, പടിസന്ധി നത്ഥി), നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം…പേ… നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… മഹാഭൂതേ പച്ചയാ രൂപജീവിതിന്ദ്രിയം… നഝാനപച്ചയാ – പഞ്ചവിഞ്ഞാണം…പേ… ബാഹിരം…പേ… അസഞ്ഞസത്താനം…പേ… നമഗ്ഗപച്ചയാ – അഹേതുകം നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… അഹേതുകപടിസന്ധിക്ഖണേ…പേ… ഏകം മഹാഭൂതം…പേ… അസഞ്ഞസത്താനം…പേ… നസമ്പയുത്തപച്ചയാ, നവിപ്പയുത്തപച്ചയാ – അരൂപേ ദസ്സനേന പഹാതബ്ബം ഏകം ഖന്ധം പച്ചയാ…പേ… അരൂപേ ഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… നേവദസ്സനേന നഭാവനായ പഹാതബ്ബം ധമ്മം പച്ചയാ നേവദസ്സനേന…പേ… അരൂപേ നേവദസ്സനേന നഭാവനായ പഹാതബ്ബം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം…പേ… നോനത്ഥിപച്ചയാ… നോവിഗതപച്ചയാ.